حسن عابد
| حسن عابد | |
|---|---|
| پیدائش | سید حسن عابد زیدی 17 مئی 1935ء سیتاپور، اتر پردیش، برطانوی ہندوستان |
| وفات | مئی 6، 2007ء کراچی،پاکستان |
| آخری آرام گاہ | سخی حسن قبرستان، کراچی |
| قلمی نام | حسن عابد |
| پیشہ | ادیب، شاعر |
| زبان | اردو |
| نسل | مہاجر قوم |
| شہریت |  پاکستانی |
| اصناف | غزل، نظم |
| نمایاں کام | سوچ نگر رنگ لایا ہے جنوں آشنائیاں "اِنام" "اِک دِیا جلانا ہے" |
حسن عابد (پیدائش: 17 مئی، 1935ء - وفات: 6 مئی، 2007ء) پاکستان سے تعلق رکھنے والے اردو کے ممتاز شاعر اور ادیب تھے۔
حالات زندگی[ترمیم]
حسن عابد 17 مئی، 1935ء کو سیتاپور، اتر پردیش، برطانوی ہندوستان میں پیدا ہوئے۔ ان کا اصل نا م سید حسن عابد زیدی تھا۔ تقسیم ہند کے کچھ عرصے بعد وہ پاکستان منتقل ہو گئے جہاں انھوں نے تدریس کے شعبے سے وابستگی اختیار کی۔ 1989ء میں انھوں نے واحد بشیر اور فقیر محمد لاشاری کے ساتھ مل کر اردو کا مشہور علمی و ادبی کتابی سلسلہ ارتقا شروع کیا جو اردو کی ترقی پسند تحریک کا نمائندہ تھا۔ ان کے شعری مجموں میں سوچ نگر، رنگ لایا ہے جنوں، آشنائیاں ،اِنام اور اِک دِیا جلانا ہے کے نام شامل ہیں۔ اس کے علاوہ ان کی شعری کلیات روز و شب کے نام سے شائع ہو چکی ہے۔[1]
تصانیف[ترمیم]
- سوچ نگر( شاعری)
- رنگ لایا ہے جنوں (شاعری)
- آشنائیاں (شاعری)
- روز و شب (کلیات)
- آنام ( شاعری)
- اِک دِیا جلانا ہے (شاعری)
نمونۂ کلام[ترمیم]
اشعار
| ہوا کرتی ہے اپنا کام اور شمعیں بُجھاتی ہے | ہم اپنا کام کرتے ہیں، نئی شمعیں جلاتے ہیں | |
| چھینے گا خوابِ خوش نظراں کس طرح کوئی | باہر خزاں سہی مرے دل میں بہار ہے | |
| حلقۂ دید میں ہے پیکرِ منظر بھی اسیر | ہم ہوئے اپنی ہی آنکھوں کے گرفتار اے دل | |
| دل کو رنجش نہیں کسی سے بھی | انتہا یہ کہ زندگی سے بھی | |
| قربت تو بڑی چیز ہے اے جانِ تمنؔا | اِس دل کی تسلؔی کو ترا نام بہت ہے |
وفات[ترمیم]
حسن عابد 6 مئی، 2007ء کو کراچی، پاکستان میں وفات پاگئے۔ وہ کراچی میں سخی حسن کے قبرستان میں آسودۂ خاک ہیں۔[1]
حوالہ جات[ترمیم]
- ^ ا ب ص 986، پاکستان کرونیکل، عقیل عباس جعفری، ورثہ / فضلی سنز، کراچی، 2010ء