ابو الخیر ٹھٹوی

شیخ ابو الخیر ٹھٹوی سندھ کے مشہور شہر ٹھٹہ کے بارہویں صدی ہجری سے تعلق رکھنے والے فقیہ تھے۔ وہ شیخ فضل اللہ سندھی کی اولاد سے تھے جو علم و فضل کی دولت سے آراستہ اور تقویٰ کی دولت سے مالا مال تھے۔ علمِ فقہ میں مہارت شیخ ابو الخیر کی مہارت و وسعت کا یہ عالم تھا کہ مغل شہنشاہ اورنگزیب عالمگیر نے انھیں علما کی اس جماعت میں شامل کیا جو فتاویٰ عالمگیری کی تدوین و ترتیب کے فرائض انجام دینے پر معمور تھی۔ ان کی پوری زندگی درس وتدریس اور تعلیم دین میں مشغول رہے۔