سنان پاشا مسجد (استنبول)

سنان پاشا مسجد
بنیادی معلومات
متناسقات	41.042343°N 29.006245°E / 41.042343; 29.006245
مذہبی انتساب	اسلام
ملک	ترکیہ
مذہبی یا تنظیمی حالت	فعال
تعمیراتی تفصیلات
معمار	معمار سنان پاشا
نوعیتِ تعمیر	مسجد
طرز تعمیر	عثمانی طرز تعمیر
سنگ بنیاد	958ھ/ 1551ء
سنہ تکمیل	962ھ/ 1555ء
تفصیلات
مینار	1

سنان پاشا مسجد (ترکی زبان: Sinan Paşa Camii) استنبول کے بیشکتاش ضلع میں واقع ایک تاریخی مسجد ہے جو سولہویں صدی عیسوی کے نصفِ اول کے بعد تعمیر کی گئی۔

محل وقوع

سنان پاشا مسجد استنبول کے گنجان آباد ضلع بیشکتاش میں واقع ہے۔ مسجد سے ملحقہ ایک گلی میں ترک امیر البحر خیر الدین بارباروسا کا مقبرہ موجود ہے۔

تاریخ

مسجد کی تعمیر کا حکم عثمانی امیرالبحر سنان پاشا (عثمانی امیرالبحر) نے دیا اور اِس مسجد کی تعمیر کا آغاز 958ھ/ 1551ء میں ہوا اور 4 سال کی مدت میں 962ھ/ 1555ء میں اِس کی تعمیر مکمل ہوئی۔ اِس مسجد کا ماہر تعمیرات معمار سنان پاشا تھاجس نے عثمانی طرز تعمیر میں بہترین اور جامع انداز کی شاہکار مساجد اپنی نگرانی میں تعمیر کروائیں۔

ہیئتِ عمارت

مسجد کی عمارت سادہ خشتی ہے۔ رقبہ چوکور نما احاطہ کا ہے۔ مسجد کا ایک مینار ہے اور ایک بڑا گنبد ہے جس کا اندرونی چھوٹا گنبد دائروی انداز کا کاشی کار ہے۔ بڑے گنبد سے ملحق چھوٹے گنبد بھی بنائے گئے ہیں۔ مسجد کی اندرونی دیواریں نیلی کاشی کار ٹائیل سے مزین کی گئی ہیں۔ محراب خوبصورت نیلی کاشی کار ٹائیلوں سے منقش ہے۔ مسجد کے صحن میں برآمدے بنائے گئے ہیں اور وسط میں ایک فوارہ موجود ہے۔ برآمدوں میں ڈاٹ نما کھلے دروازوں کو آہنی سلاخوں کے ذریعے مضبوط کیا گیا ہے۔ مسجد کے اندرون سرخ قالین بچھائے گئے ہیں۔ اندرونی جانب ایک بڑا دائروی فانوس آویزاں ہے۔

نگارخانہ

• 
  مسجد کا مرکزی گنبد (اندرونی جانب)
• 
  مسجد کی محراب
• 
  شارع عام سے مسجد کا منظر
• 
  مسجد کے صحن میں فوارہ

مزید پڑھیے

• ترکی
• فہرست ترکی کے شہر