عظیم الدولہ

عظیم الدولہ
نواب کرناٹک امیر الہند والا جاہ عمدۃ الامراء سراج الملک امیر الدولہ
عظیم الدولہ
31 جولائی 1801ء
پیشرو	عمدۃ الامراء غلام حسین علی خان
جانشین	نواب اعظم جاہ
نسل	سات بیٹے
مکمل نام عبد العلی خان
شاہی خاندان	والا جاہ
والد	امير الامراء
والدہ	عظیم النساء بیگم
پیدائش	1775ء
وفات	2 اگست 1819ء چیپاک محل، مدراس، مدراس پریزیدینسی، مغل ہندوستان، موجودہ چینائی، تمل ناڈو، بھارت
تدفین	حضرت نثار والی درگاہ، فرنگی دروازہ، موجودہ تروچراپلی، تیروچیراپلی ضلع، تمل ناڈو، بھارت
مذہب	اسلام

عظیم الدولہ (1775ء – 2 اگست 1819ء) محمد علی خان والا جاہ کے دوسرے فرزند امیر الامراء کے بیٹے تھے۔ انھوں نے 1801ء سے 1819ء تک کرناٹک پر حکومت کی۔

ولادت

عظیم الدولہ کی پیدائش 1775ء میں چیپاک محل، مدراس، مدراس پریزیدینسی، مغل ہندوستان، موجودہ چینائی، تمل ناڈو، بھارت میں ہوئی۔

عہدِ حکومت

1801ء میں اپنے چچا عمدۃ الامراء غلام حسین علی خان کی وفات کے بعد عظیم الدولہ جانشین ہوئے اور راج گدی پر بیٹھے۔

معاہدہ 1801ء

میجر جنرل آرتھر ویلیسلے کی نواب عظیم الدولہ کے ساتھ ملاقات، 1805ء

راج گدی پر بیٹھنے کے فوری بعد انھوں ایسٹ انڈیا کمپنی کے ساتھ ایک معاہدہ کیا جس کا نام معاہدہ کرناٹک (26 جولائی 1801ء) تھا۔ جس کے تحت نواب کرناٹک عظیم الدولہ نے کرناٹک اور مدراس کی تمام شاہی جاگیریں اور ریاست کے کل محصول کا پانچواں حصہ بطور محصول ایسٹ انڈیا کمپنی کو ادا کرنا تسلیم کیا۔ اِس معاہدہ کے تحت 12 لاکھ روپیہ سالانہ نواب کرناٹک عظیم الدولہ نے ایسٹ انڈیا کمپنی کو اداء کرنا منظور پایا تھا۔

وفات

ان کی وفات چیپاک محل میں سنہ 1819ء کو ہوئی۔ ان کو احتراماً اکیس توپوں کی سلامی دی گئی تھی۔اُن کا جانشین اُن کا بیٹا نواب اعظم جاہ ہوا۔ عظیم الدولہ حضرت نثار والی درگاہ، فرنگی دروازہ، موجودہ تروچراپلی میں مدفون ہیں۔

مزید دیکھیے

• نواب کرناٹک
• محمد علی خان والا جاہ
• ایسٹ انڈیا کمپنی
• عمدۃ الامراء غلام حسین علی خان

حوالہ جات

ماقبل  عمدۃ الامراء غلام حسین علی خان

نواب کرناٹک 1801ء – 1795ء

مابعد  نواب اعظم جاہ