دی لنچ باکس

دی لنچ باکس
Theatrical release poster
ہدایت کار	Ritesh Batra
پروڈیوسر	Arun Rangachari انوراگ کشیپ Guneet Monga کرن جوہر Siddharth Roy Kapur Meraj Shaikh Vikramjit Roy دانیس تانوویچ
تحریر	Ritesh Batra
ستارے	عرفان خان Nimrat Kaur نواز الدين صدیقی
موسیقی	Max Richter
سنیماگرافی	Michael Simmonds
ایڈیٹر	John F. Lyons
پروڈکشن کمپنی	DAR Motion Pictures UTV Motion Pictures دھرمہ پروڈکشنز Sikhya Entertainment NFDC
تقسیم کار	والٹ ڈزنی اسٹوڈیوز موشن پکچرز (India)
تاریخ نمائش	19 مئی 2013ء (2013ء-05-19) (Cannes Film Festival) 20 ستمبر 2013ء (2013ء-09-20) (India)
دورانیہ	105 minutes
ملک	بھارت
زبان	Hindi
بجٹ	₹22 کروڑ (امریکی $3.1 ملین)
باکس آفس	₹100.85 crore (US$17.24 million)

دی لنچ باکس (انگریزی: The Lunchbox) ہندی فلم ہے جسے 2013 میں لانچ کیا گیا تھا۔

کہانی

ساجن فرنانڈس (عرفان خان) ادھیڑ عمر رنڈوا، ایک سرکاری محکمے میں کلرک ہے ـ وہ ہر صبح انسانوں کے جنگل ممبئی کا حصہ بنتا ہے اور شام کو جب تھکا ہارا گھر پہنچتا ہے تو تنہائی اور افسردگی کے دلدل میں ڈوب جاتا ہے ـ گھر کی کھڑکی سے خوش باش فیملیوں کا نظارہ یا گلی میں کھیلتے بچے اس کی تنہائی کم کرنے کی بجائے اسے بڑھانے کا سبب بنتے ہیں ـ ذات کی تنہائی کا پھیلتا زہر حلاوت و مٹھاس کو ختم کر چکا ہے ـ

شادی شدہ اور ایک بچی کی ماں ایلا (نمرت کور) مڈل کلاس شوہر کی بے التفاتی کا دکھ سہتی ہے ـ مڈل کلاس زندگی معاشی گراوٹ کے خوف اور بالائی طبقے میں شمولیت کی آرزو میں مشین بن چکی ہے ـ مشین کا ایک پرزہ ایلا ہے ـ ایلا خود کو پڑوسن سے بانٹتی ہے، بچی میں مجسم کرتی ہے مگر یہ محض بہلاوے ہیں، حل نہیں ـ ممبئی کی معروف انڈسٹری، لنچ باکس کو دفتروں تک پہنچانے والی انڈسٹری ایک غلط ٹرین بن جاتی ہے ـ ایلا کے مشینی شوہر کا ڈبہ تنہائیوں کے شکار ساجن کو پہنچتا ہے ـ یہ ڈبہ ایک تعلق بن جاتا ہے ـ حسین تعلق جسے گرم جذبات اور مادی وجود کے ذریعے سمجھنا شاید ممکن نہ ہو ـ یہ احساسات سے بنا وہ رشتہ ہے جسے صرف محسوس کیا جا سکتا ہے ـ ساجن محبت کے رشتے میں بندھ جانے کے بعد اردگرد دیکھتا ہے ـ زندگی اور انسان زندہ لگنے لگتے ہیں ـ شیخ (نواز الدین صدیقی) اور مہرالنسا ( شروتی باپنا) کی گرم جوش محبت اسے احساس دلاتی ہے کہ تنہائی اور ناخوشی کا علاج محبت ہی ہے ـ انسان سے، اس کے دکھوں سے، خوشیوں سے اور اس کی چھوٹی چھوٹی باتوں سے وابستگی ہی مڈل کلاس زندگی کو ناکام حسرتوں سے نکال سکتے ہیں ـ

"لنچ باکس” محبت کو کسی انجام تک، کسی خواہشاتی موڑ تک لانے سے گریز کر کے اسے فلم بین کے لیے سوال بنا کر چھوڑ دیتی ہے ـ وہ صرف یہ بتاتی ہے "کبھی کبھی غلط ٹرین بھی صحیح جگہ پہنچا دیتی ہے” ـ گویا صحیح ٹرین، جیسے ایلا کا شوہر، غلط جگہ بھی پہنچا سکتی ہے ـ فلم کا ایک سین کولمبین ناول نگار گارسیا مارکیز کے شہرہِ آفاق ناول "وبا کے دنوں میں محبت” کی یاد دلاتا ہے جب فرمینا دازا اپنے ڈاکٹر شوہر کے میلے کپڑے سونگھ کر پتہ چلا لیتی ہے کہ اس کا بیزار شوہر کسی اور کی زلفوں کا اسیر ہے۔