شیوراج سنگھ چوہان

شیوراج سنگھ چوہان
مناصب
رکن گیارہویں لوک سبھا
رکن مدت 1996  – 1997
پارلیمانی مدت	گیارہویں لوک سبھا
رکن بارہویں لوک سبھا
رکن مدت 1998  – 1999
پارلیمانی مدت	بارہویں لوک سبھا
رکن تیرہویں لوک سبھا
رکن مدت 1999  – 2004
پارلیمانی مدت	تیرہویں لوک سبھا
وزیر اعلیٰ مدھیہ پردیش (17  )
برسر عہدہ 29 نومبر 2005  – 16 دسمبر 2018
بابولال گور   کمل ناتھ
رکن مدھیہ پردیش قانون ساز اسمبلی
برسر عہدہ 2013  – 2018
وزیر اعلیٰ مدھیہ پردیش
برسر عہدہ 23 مارچ 2020  – 12 دسمبر 2023
کمل ناتھ
معلومات شخصیت
پیدائش	5 مارچ 1959ء (65 سال)  بدھنی ،  ضلع سیہور
شہریت	بھارت
جماعت	بھارتیہ جنتا پارٹی
عملی زندگی
مادر علمی	برکت اللہ یونیورسٹی
پیشہ	سیاست دان
پیشہ ورانہ زبان	ہندی
دستخط
ویب سائٹ
ویب سائٹ	باضابطہ ویب سائٹ

شیوراج سنگھ چوہان ایک بھارتی سیاست دان ہیں۔ وہ اور 20 مارچ 2020 سے29 نومبر 2005ء سے 16 دسمبر 2018ء تک وسطی بھارتی ریاست مدھیہ پردیش کے سترہویں وزیر اعلیٰ رہے، وہ بابولال گور کی جگہ وزیر اعلیٰ بنے تھے۔ بھارتیہ جنتا پارٹی کے رہنما کے طور پر وہ جنرل سیکریٹری اور جماعت کی مدھیہ پردیش ریاستی شاخ کے صدر رہ چکے ہیں۔ سنہ 1972ء میں تیرہ برس کی عمر میں انھوں نے راشٹریہ سویم سیوک سنگھ میں شمولیت اختیار کی۔ وہ 1991ء سے 2006ء تک ودیشا حلقے سے لوک سبھا کے پانچ مرتبہ رکن رہ چکے ہیں۔ اس وقت وہ مدھیہ پردیش اسمبلی میں ضلع سیہور کی تحصیل بدھنی کے حلقے سے رکن ہیں۔ سنہ 2007ء میں انھوں نے لاڈلی لکشمی یوجنا، کنیادان یوجنا اور بچیوں کو پیدا ہوتے ہی قتل کردینے سے بچاؤ کے لیے زنانی سورکشا یوجنا جیسے منصوبے ریاست میں متعارف کیے۔ ساتھ ہی بارہویں مدھیہ پردیش بورڈ بھوپال میں 70 فصد "میدھاوی ودیارتھی یوجنا" اور سینٹرل بورڈ آف سینکڈری ایجوکیشن میں 80 فیصد "میدھاوی چھاترا یوجنا" متعارف کیں۔

ابتدائی زندگی

شیوراج سنگھ چوہان 5 مارچ 1959ء کو ضلع سیہور کے گاؤں جیت (जैत) میں پیدا ہوئے۔ ان کے والدین کا نام پریم سنگھ چوہان اور سُندر بائی چوہان ہے۔ ان کا تعلق ہندو مت کی کِرار برادری سے ہے، اور انھوں نے برکت اللہ یونیورسٹی، بھوپال سے ایم اے (فلسفہ) میں سونے کا تمغا حاصل کیا تھا۔ پیشے کے لحاظ سے وہ ماہرِ زراعت ہیں۔ انھوں نے سادھنا سنگھ سے شادی کی تھی اور ان کے دو بیٹے کارتیکے اور کُنال ہیں۔

وزیر اعلیٰ

30 نومبر 2005ء کو انھیں مدھیہ پردیش کا وزیر اعلیٰ منتخب کیا گیا اس سے قبل وہ ریاست کے بی جی پی صدر تھے۔ 2006ء میں بدھنی اسمبلی حلقہ سے انھوں نے ضمنی انتخابات 36،000 ووٹوں سے جیت لیے۔

سنہ 2008ء میں شیوراج بدھنی کی نشست 41،000 ووٹوں سے دوبارہ جیت گئے۔ 12 دسمبر 2008ء کو انھوں نے دوسری مرتبہ عہدے کا حلف اٹھایا۔

8 دسمبر 2013ء کو وہ قانون ساز اسمبلی انتخابات جیت گئے، بدھنی سے انھیں 1،28،730 ووٹ اور ودیشا سے 73،783 ووٹ ملے۔ اور وہ تیسری مرتبہ وزیر اعلیٰ منتخب ہو گئے۔