کیکی ادھیکاری

کیکی ادھیکاری
معلومات شخصیت
پیدائش	17 دسمبر 1985ء (39 سال)
شہریت	نیپال
بالوں کا رنگ	خاکی
عملی زندگی
مادر علمی	ماسٹر آف بزنس ایڈمنسٹریشن
پیشہ	ادکارہ
پیشہ ورانہ زبان	نیپالی،  انگریزی
	IMDB پر صفحہ

کیکی ادھیکاری (نیپالی: केकी अधिकारी) ایک نیپالی ماڈل اور اداکارہ ہے۔ کیکی نیپال کی فلمی صنعت کی سب سے مقبول اور خوبصورت ترین ادکارہ ہے۔ موسیقی کی وڈیو سے شروعات کرنے طوالی یہ حسینہ اب کولی وڈ میں بھی ایک باصلاحیت اداکارہ کے طور پر جانی مانی جاتی ہے۔ وہ نیپال کی کئی موسیقی کی ویڈیووں، ٹیلی ویژن کے اشتہارات، اخباری اور میگزین کی اشتہاری مہموں اور ایک درجن سے زائد نیپالی فلموں میں کام کر چکی ہے۔

پردہ سیمیں پر جلوہ گر ہونے سے پہلے اس نے اپنی فنی زندگی کا آغاز موسیقی کی فلموں میں کام کر کے کیا تھا۔ اس نے اپنی اداکاری کی شروعات “سوور “میں راج بلووا کائرلا کے مقابل کردار ادا کر کے کی۔ اس کے بعد اس نے “ آئی ایم سوری “ اور “ مسان “ میں اپنی کارکردگی سے بہت زیادہ شہرت حاصل کی۔ میاکو بریما، مہاسس، بیتیکا پال اور میرو بیسٹ فرینڈ بھی کیکی کی بہترین فلمیں ہیں جو اس کی شہرت و مقبولیت میں اضافے کا سبب بنیں۔ حال ہی میں اس نے تھیٹر میں اپنی پہلی کارگردگی محقق اور ادیب ستیا موہن جوشی کے لکھے تاریخی کھیل چارومتی میں شامل ہوکر دکھائی۔

بچپن

کیکی ادھیکاری 17 دسمبر 1990 کو جورپتی ، کھٹمنڈو ، نیپال میں پیدا ہوئی۔ وہ بدھری ادھیکاری اور لکشمی ادھیکاری کی بیٹی ہے۔ اس کا باپ ایک فلم پروڈیوسر اور ماں گھریلو خاتون ہے۔ کسی بھی سیلیبرٹی کی طرح کیکی ادھیکاری بھی بچپن سے ہی فن، فلم اور گلیمر میں دلچسپی رکھتی تھی۔

تعلیم

کیکی ادھیکاری نے ابتدائی تعلیم بال سرجنلایا اسکول کھٹمنڈو سے حاصل کی۔ اس کے بعد پلس ٹُو(plus-two) وائٹ ہاؤس کالج سے کیا۔ اور پھر پرائم کالج سے بیشک ان انفارمیشن مینجمنٹ (Bachelor in Information Management (BIM)) مکمل کیا۔ کیکی نے 2013 میں تری بھون یونیورسٹی سے بزنس میں بیچلر کی ڈگری لی تھی۔2016 میں کھٹمنڈو کے تعلیمی ادارے کے۔ ایف۔ اے (KFA) بزنس اسکول سے انتظام انسانی وسائل (Human Resources Management) کے مضمون میں ایم۔ بی۔ اے(MBA) کی ڈگری لی۔

فنی زندگی

کیکی ادھیکاری نے سب سے پہلے این۔ ٹی۔ وی (NTV) پر ہونے والے مقابلہ رقص “ گھنتنگ “ میں حصہ لیا۔ اس مقابلے نے گلیمر کی دنیا میں اس کے داخلے کی راہیں کھول دیں۔ اور اس کے بعد وہ میوزک وڈیوز میں بطور ماڈل جلوہ گر ہونے لگی، یہیں سے وہ اشتہار ساز کمپنیوں کی نظر میں آئی اور پھر بتدریج فلمی صنعت کے دروازے اس پر وا ہو گئے۔

ویب گاہ

کیکی ادھیکاری نے دسمبر 2016 کو اپنی ستائیسوں سالگرہ کے موقع پر اپنی ویب سائٹ جاری کی جس کا ذکر اس نے اپنی سالگرہ کی تقریبات کے لائیو ٹرانسمیشن کے دوران کیا۔ اس کی ویب گاہ www.keki.onlin ہے۔