ویرو دیوگن

ویرو دیوگن
معلومات شخصیت
پیدائش	سنہ 1934ء  امرتسر
وفات	27 مئی 2019ء (84–85 سال)  ممبئی
وجہ وفات	بندش قلب
شہریت	بھارت (26 جنوری 1950–) ڈومنین بھارت
اولاد	اجے دیوگن،  انیل دیوگن
تعداد اولاد
عملی زندگی
پیشہ	فلم ہدایت کار،  اسٹنٹ کوآرڈینیٹر،  اداکار،  کوریوگرافر
	IMDB پر صفحات

ویرو دیوگن (1934ء — 27 مئی 2019ء) بھارتی بالی وڈ اسٹنٹ اور ایکشن کوریوگرافر اور فلم ہدایت کار تھے۔ ویرو دیوگن نے 80 سے زائد فلموں میں ایکشن سین کی ہدایت کی تھی اور امیتابھ بچن اور اجے دیوگن کی فلم ’ہندوستان کی قسم‘ کی ہدایت بھی کی تھی۔ اس کے علاوہ انھوں نے کرانتی، سوربھ اور سنہاسن جیسی فلموں میں بھی چھوٹے کردار نبھائے تھے۔

نجی زندگی

امرتسر میں دیوگن خاندان میں پیدا ہوئے۔ مینا نامی خاتون سے بیاہ کیا اور ان کے بطن سے چار بچے ہوئے، دو بیٹے اداکار اجے دیوگن اور ہدایت کار انیل دیوگن، دو بیٹیاں نیلم دیوگن گاندھی اور کویتا دیوگن۔

ویرو شاز و نادر ہی عوام میں آتے تھے، آخری مرتبہ فروری 2019ء میں ٹوٹل دھمال کی خصوصی اسکریننگ کے موقع پر دیکھے گئے تھے۔

وفات

27 مئی 2019ء کو ممبئی میں 85 برس کی عمر میں چل بسے۔ وہ سوریہ ہسپتال، سینٹا کروز میں ایڈمٹ ہونے کے بعد س سانس کے مسائل میں مبتلا تھے۔ ان کی آخری رسومات ممبئی میں شام چھ بجے بتاریخ 27 مئی 2019ء کو ادا کر دی گئیں۔