بائی پولر جنکشن ٹرانزسٹر

آزاد دائرۃ المعارف، ویکیپیڈیا سے

بائی پولر جنکشن ٹرانزسٹر (bipolar transistor یا BJT) ایک سادہ الیکٹرونک پرزہ ہوتا ہے جو ایمپلیفائر اور سوئچ کا کام انجام دے سکتا ہے۔ ڈائیوڈ کی دو ٹانگیں (pins) ہوتی ہیں لیکن ٹرانزسٹر کی ٹانگیں تین ہوتی ہیں جو ایمیٹر، بیس اور کلکٹر کہلاتی ہیں
کسی بائی پولر ٹرانزسٹر کے ایمیٹر سے گزرنے والا کرنٹ کلکٹر کرنٹ اور بیس کرنٹ کا عین مجموعہ ہوتا ہے۔

NPN
PNP
بائی جنکشنل ٹرانزسٹروں (BJT) کو
ظاہر کرنے والی علامتیں۔
عام استعمال میں ہونے والے چار طرح کے بائی جنکشنل ٹرانزسٹر۔ سب سے اوپر والی صورت TO-3 پیکیجنگ کہلاتی ہے (اس کے نیچے کی دو ٹانگیں نظر نہیں آ رہی ہیں)۔ اس کے نیچے والی TO-126 پیکیج کہلاتی ہے۔ اس کے نیچے TO-92 ہے۔ سب سے نیچے SOT-23 ہے۔
جب ایک NPN ٹرانزسٹر کسی سرکٹ میں جڑا نہیں ہوتا تو اوم میٹر (یا ملٹی میٹر) سے چیک کرنے پر اس کا برتاو ایسا ہوتا ہے جیسے دو ڈائیوڈ base سے جڑے ہوئے ہیں۔ لیکن جیسے ہی base سے ایمیٹر کی جانب کرنٹ بہنا شروع ہوتا ہے اوپر والے ڈائیوڈ کی سمت اُلٹ جاتی ہے۔ اسی وجہ سے کلکٹر پر اُلٹی وولٹیج لگائی جاتی ہے۔
اگر کسی ٹرانزسٹر کے بیس اور کلیکٹر کو باہم ملا دیا جائے تو یہ ٹرانزسٹر اب ڈائیوڈ بن جاتا ہے۔ لیکن اس کی مخالف وولٹیج (reverse voltage) برداشت کرنے کی حد کم ہوتی ہے۔ اسی طرح اگر کسی MOSFET کے گیٹ اور ڈرین کو ملا دیا جائے تو موسفیٹ ڈائیوڈ کی طرح کام کرتا ہے۔
جاپانی ٹرانزسٹروں کے ابتدائی حروف
ابتدائی حروف ٹرانزسٹر کی قسم
2SA ہائی فریکونسی پی این پی BJT
2SB آڈیو فریکونسی پی این پی BJT
2SC ہائی فریکونسی این پی این BJT
2SD آڈیو فریکونسی این پی این BJT
2SJ پی-چینل ایف ای ٹی (both JFET and MOSFET)
2SK این-چینل ایف ای ٹی (both JFET and MOSFET)


مزید دیکھیے[ترمیم]