مصر میں نسائیت نے اپنی تاریخ میں متعدد سماجی اور سیاسی گروہوں کو شامل کیا ہے۔ اگرچہ مصر بہت سے معاملات میں، خاص کر اصلاحات کے معاملات میں "قوم پرستی کی تحریکوں کی ترقی، سامراجیت کے خلاف مزاحمت اور نسائیت کے معاملات میں پیش پیش رہا ہے"۔ خواتین اور ان کے حقوق کی مساوات کے لیے لڑنے میں اس کی پیشرفت آسان نہیں رہی ہے۔
ابتدائی مصری تاریخ (دیکھیے قدیم مصر)میں، خیال کیا جاتا ہے کہ مصری معاشرے میں خواتین کا مقام مردوں کے برابر تھا۔ مثال کے طور پر، قدیم مصری مذہب میں مونث دیوتاؤں نے اہم کردار ادا کیا، ان کرداروں کی نشان دہی کی جا سکتی ہے جو مذکر دیوتاؤں کے لیے یکساں اہمیت کے حامل ہیں۔ دیویاں جیسے موط، آئی سس اور حتحور نے انسانی سرگرمیوں کے بہت سے شعبوں پر حکمرانی کی۔[1] بہت سے ماہرین کا خیال ہے کہ اس طرح کی دیویوں کی اعلیٰ حیثیت فرعونی معاشرے میں خواتین کی اعلیٰ حیثیت کی نشان دہی کرتی ہے۔
اس ملک پر ابتدائی رومن تسلط سے لے کر 7 ویں صدی میں عرب مفتوحہ بننے تک اور پھر سولہویں صدی میں ترک عثمانی سلطنت تک مصر میں کئی صدیوں تک بیرونی حکمرانی رہی ہے۔تاہم یہ مصر پر فرانسیسی یلغار تھی جس نے مصری معاشرے میں خواتین کی حیثیت کو تبدیل کرنا شروع کیا اور جس نے ملک میں معاشرتی تبدیلی کے آغاز کو متاثر کیا۔
