منیزہ دولت
منیزہ دولت ( تاجک: Манижа Давлат ؛ فارسی: منیژه دولت ؛ 31 دسمبر 1982) ( منیزہ دیولاتووا، منیزہ دوولت، منیزا دولت اور منیجا دولت کے ہجے بھی رائج ہیں) ایک سنی مسلمان تاجک پاپ گلوکار ہیں جن کا تعلق تاجکستان سے ہے۔
وہ فارسی پاپ (pop)میوزک سے وابستہ ہیں۔ منیزہ اپنے ملک میں جدید فارسی زبان کی بولی تاجکی میں گاتی ہیں۔ وہ اپنے آبائی وطن تاجکستان کے ساتھ ساتھ دوسرے پڑوسی ممالک میں بھی محفل موسیقی میں باقاعدگی سے پرفارم کرتی ہیں۔
وسط ایشیا کے تاجک عوام میں خاص طور پر ایران اور افغانستان کے کچھ حصوں میں ان کے مداح موجود ہیں۔
پس منظر[ترمیم]
منیزہ تاجکستان کے شہر کلوب میں پیدا ہوئی تھیں۔ مزار شریف اور کابل میں محافل موسیقی کے بعد ، انھوں نے وسطی ایشیائی ممالک میں اپنی پہلے سے قائم شہرت برقرار رکھنے کے علاوہ افغانستان میں بھی مقبولیت حاصل کی ۔
2003 میں کابل میں ایک حالیہ سروے میں منیزہ ( فارسی بولنے والوں میں سے) اور نازیہ اقبال ( پشتو بولنے والوں میں سے) کو ملک کی مقبول ترین خواتین گلوکاروں میں شمار کیا گیا۔
2004 تک ، اس کے دو البم منصہ شہود پر آ چکے ہیں ، یہ دونوں مزار شریف میں براہ راست ریکارڈ کیے گئے ہیں۔ کابل میں اس کے کنسرٹ نے ہزاروں پرجوش مداحوں کو اپنی طرف کھنچا۔ اطلاعات کے مطابق ان دونوں محافل موسیقی میں ، اسٹیج پھولوں کے گلدستے سے بھرا ہوا تھا۔
2006 میں ، انھوں نے تاجکستان کے دوشنبہ میں لیلیٰ فوروہر کے ہمراہ متدد محافل موسیقی میں فن کا مظاہرہ کیا۔
مذہبی رجحانات اور موسیقی سے دوری[ترمیم]
منیزہ 2006 سے موسیقی کے فن کا مظاہرہ نہیں کر رہی ہیں۔ ان کا کہنا ہے کہ اس کی وجہ آج کی تاجک پاپ ثقافت سے مایوسی اور اسلام میں اس کی موجودہ دلچسپی ہے ، جو تفریح کے لیے موسیقی کے فنی مظاہرے کو گناہ سمجھتا ہے۔