سردار علی حقانی

سردار علی حقانی
معلومات شخصیت
پیدائش	سنہ 1970ء   مینی
وفات	7 مئی 2022ء (51–52 سال)  درہ آدم خیل
رہائش	نوشہرہ
شہریت	پاکستان
جماعت	پاکستان راہ حق
عملی زندگی
مادر علمی	دار العلوم حقانیہ
پیشہ	مفتی ،  عالم ،  سیاست دان
مادری زبان	پشتو
پیشہ ورانہ زبان	اردو
تحریک	انٹرنیشنل ختم نبوت موومنٹ

مفتی سردار علی حقانی عرف توجو ایک پاکستانی اسلامی اسکالر ہیں جن کا تعلق ضلع نوشہرہ سے ہے۔ وہ اپنی جرات مندانہ پشتو میں تقریروں کی وجہ سے سوشل میڈیا پر مشہور تھے، 7 مئی 2022ء کو ایک ٹریفک حادثہ میں جاں بحق ہو گئے۔،

پیدائش

وہ مینی، ضلع صوابی میں 1970ء کو پیدا ہوئے۔

تعلیم

اس نے ابتدائی تعلیم چارسدہ میں حق نواز حقانی شہید کے قائم کردہ مدرسہ دارالعلوم جامعہ محمدیہ مٹہ مغل خیل سے حاصل کی۔ پھر دار العلوم حقانیہ سے دورۂ حدیث اور تخصص (افتاء) کی تعلیم حاصل کی۔

عملی زندگی

وہ انٹرنیشنل ختم نبوت موومنٹ ضلع نوشہرہ کے امیر بھی رہے ہیں۔

سیاسی زندگی

مفتی سردار علی حقانی کو 2018ء میں پاکستان راہ حق پارٹی اور اہلسنت والجماعت نوشہرہ نے پی کے 63 پر مشترکہ امیدوار نامزد کرکے پارٹی ٹکٹ جاری کر دیا تھا. تاہم وہ اس الیکشن میں صرف 1113 ووٹ حاصل کر سکے تھے اور پی ٹی آئی کا امیدوار جمشید الدین اس حلقہ سے 24760 ووٹ لے کر کامیاب ہوا تھا،

پہلی بار گرفتاری

28 اپریل 2021ء کو ڈاکٹروں اور نرسوں کے خلاف تقریر کرنے کی وجہ سے انھیں حراست میں لے لیا گیا تھا۔ ،

دوسری بار گرفتاری

10 جون 2021ء کو ایک تقریر میں نوبل انعام یافتہ ملالہ یوسف زئی پر خود کش حملے کی بات کرنے پر انھیں گرفتار کر لیا گیا تھا۔ ،

قاتلانہ حملہ

3 فروری 2022ء کو ان پر ایک شخص موسی نامی نے صوابی ایک جلسہ کے دوران قاتلانہ حملہ کیا جس کے نتیجے میں مفتی صاحب زخمی ہو گئے، تاہم حملہ آور مع آلہ گرفتار کر لیا گیا ،

وفات

7 مئی 2022ء کو ٹریفک حادثے میں مفتی سردار علی حقانی شہید ہو گئے ،حادثہ کوہاٹ روڈ پر درہ آدم خیل کے علاقے زوڑ کلے کے قریب پیش آیا،حادثے میں مفتی سردار علی کا محافظ ایک ساتھی اور ڈرائیور زخمی ہوئے تھے۔