اولی جانسٹن

اولی جانسٹن
(انگریزی میں: Ollie Johnston)
معلومات شخصیت
پیدائشی نام	(انگریزی میں: Oliver Martin Johnston Jr.)
پیدائش	31 اکتوبر 1912ء   مئیفیلڈ، کیلیفورنیا
وفات	14 اپریل 2008ء (96 سال)  سکویم، واشنگٹن
رہائش	اسٹنفرڈ (–1934) لاس اینجلس (1934–)
شہریت	ریاستہائے متحدہ امریکا
تعداد اولاد
عملی زندگی
مادر علمی	جامعہ سٹنفورڈ (1931–1934) جامعہ کیلیفورنیا، برکلے
تخصص تعلیم	صحافت
پیشہ	فلم ہدایت کار ،  فن کار
پیشہ ورانہ زبان	انگریزی
شعبۂ عمل	حراک
ملازمت	والٹ ڈزنی سٹوڈیوز ،  والٹ ڈزنی سٹوڈیوز
اعزازات
انک پاٹ اعزاز   (1984)
ویب سائٹ
ویب سائٹ	باضابطہ ویب سائٹ
	IMDB پر صفحات

اولی جانسٹن مشہور فلمساز کمپنی والٹ ڈزنی کے ایک معروف فنکار تھے۔ ان کی فلموں میں سنو وائٹ اور سیون ڈوارفز، پنوچیو اور پیٹر پین شامل ہیں۔ والٹ ڈزنی کے بھتیجے روئے ڈزنی کے مطابق ’اولی فنکاروں کی ایک شاندار نسل سے تعلق رکھتے تھے، وہ ہمارے فن کے بانیوں میں سے تھے۔ ‘

کرئیر

اولی جانسٹن نے لاس اینجلس کے کوئینرڈ آرٹ انسٹی ٹیوٹ سے تعلیم حاصل کی اور انیس سو پینتیس میں ترقی پزیر ڈزنی سٹوڈیو نے مکیز گارڈنز، پلوٹوز ججمنٹ اور مکیز رائیول جیسے کارٹونوں پر کام کرنے کے لیے ان کی خدمات حاصل کر لیں۔

فلم

ان کی پہلی فیچر فلم سنو وائٹ اور سیون ڈوارفز تھی جو انیس سو سینتیس میں تیار ہوئی۔ اس کے بعد انھوں نے ڈزنی کی اینیمیٹڈ (خاکوں پر مبنی) فلموں فینٹیسیا، سینڈریلا، لیڈی اینڈ ٹریمپ، سلیپنگ بیوٹی اور جنگل بُک پر کام کیا۔ ان کے بنائے گئے مشہور مناظر میں بامبی کی ماں کی شکاری کے ہاتھوں دل دکھا دینے والی ہلاکت کا منظر شامل ہے۔ اولی جانسٹن نے جنوری انیس سو اٹھہتر میں ریٹائرمنٹ لے کر خود کو تحریر و تصنیف، تدریس اور مشاورت کے لیے وقف کر دیا۔

اعزازات

1999ء میں انھیں ڈزنی لیجنڈ ایوارڈ دیا گیا جبکہ سنہ دو ہزار تین میں اکیڈمی آف موشن پکچر آرٹس اینڈ سائنسز نے ان کے اعزاز میں ایک خصوصی تقریب منعقد کی۔ سال دو ہزار پانچ میں انھیں نیشنل میڈل آف آرٹس سے نوازا گیا، وہ یہ اعزاز حاصل کرنے والے اپنے شعبے کے پہلے فنکار تھے۔ اولی جانسٹس کا انتقال اپریل 2008 کو ریاست واشنگٹن میں ہوا۔