جے اے رحیم

جے اے رحیم
(بنگالی میں: জালালুদ্দিন আবদুর রহিম)
معلومات شخصیت
پیدائش	جون1906ء  چٹاگانگ
وفات	سنہ 1977ء (70–71 سال)  کراچی
شہریت	برطانوی ہند پاکستان
جماعت	پاکستان پیپلز پارٹی
عملی زندگی
مادر علمی	جامعہ ڈھاکہ جامعہ کلکتہ
تعلیمی اسناد	فاضل القانون
پیشہ	فلسفی،  سفارت کار
اعزازات
گرینڈ کراس آف دی آرڈر آف اسابیلا دی کیتھولک (1962)

پاکستانی سیاست دان۔ کلکتہ میں پیدا ہوئے۔ ٹری نٹی کالج، کیمبرج اور میونخ یونیورسٹی میں تعلیم حاصل کی۔ 1931ء میں انڈین سول سروس میں شامل ہوئے اور مدراس پرپزیڈنسی میں انتظامی عہدے پر مامور کیے گئے۔ 1936ء میں حکومت ہند کے محکمہ مالیات نے ان کی خدمات حاصل کر لیں۔ 1945ء میں صر اور شرق اوسط کے ممالک میں ہندوستان کے ٹریڈ کمشنر مقرر ہوئے۔ آزادی کے بعد قاہرہ میں پاکستان کے ناظم الامور بنائے گئے۔ 1950ء تا 1955ء وزارتِ امور خارجہ و تعلقات دولت مشترکہ کے جائنٹ سیکرٹری رہے۔ بعد ازاں 1967ء میں ریٹائر ہوئے۔ دسمبر 1967ء میں بھٹو صاحب کے ساتھ مل کر پیپلز پارٹی کی بنیاد رکھی۔ 1972ء میں وزیر پیداوار و صدارتی امور و تجارت بنائے گئے۔ 1974ء میں مسٹر بھٹو کے ساتھ اختلافات کی بنا پر پیپلز پارٹی سے نکال دیے گئے اور مارشل لا کے نفاذ کے بعد 1977ء تک معتوب رہے۔ اگست 1977ء میں دوبارہ سیاست میں داخل ہوئے اور ایک نئی سیاسی جماعت کی تشکیل کی۔