الزابتھ بیریٹ براؤننگ

الزابتھ بیریٹ براؤننگ
معلومات شخصیت
پیدائشی نام	(انگریزی میں: Elizabeth Moulton-Barrett)
پیدائش	6 مارچ 1806ء   ڈرہم، انگلستان
وفات	29 جون 1861ء (55 سال)  فلورنس
مدفن	فلورنس
شہریت	متحدہ مملکت برطانیہ عظمی و آئر لینڈ
شریک حیات	رابرٹ براؤننگ (13 ستمبر 1846–29 جون 1861)
اولاد	رابرٹ بیریٹ براؤننگ
عملی زندگی
پیشہ	شاعرہ ،  منظر نویس ،  مضمون نگار ،  مترجم ،  مصنفہ
مادری زبان	انگریزی
پیشہ ورانہ زبان	انگریزی
شعبۂ عمل	شاعری ،  مضمون
	IMDB پر صفحہ

الزبتھ بیرٹ براؤننگ (6 مارچ 1806–29 جون 1861) وکٹورین دور کی ایک انگریزی شاعرہ تھیں، جو اپنی زندگی میں برطانیہ اور امریکا میں مقبول رہیں۔

کاؤنٹی ڈرہم میں پیدا ہوئی، وہ اپنے والدین کے 11 بچوں میں سب سے بڑی تھیں، الزبتھ بیرٹ نے گیارہ سال کی عمر سے شاعری کا آغاز کر دیا تھا۔ 15 سال کی عمر میں وہ بیمار ہوگئیں۔ ساری زندگی سر اور ریڑھ کی ہڈی میں شدید درد کا شکار رہیں۔ بعد کی زندگی میں انھیں پھیپھڑوں کے مسائل بھی پیدا ہوئے، ممکنہ طور پر تپ دق کی بیماری تھی۔ انھوں نے کم عمری سے ہی درد کے لیے لاؤڈینم لیا، جس کی وجہ سے، ایسا خیال کیا جاتا ہے، کی اس سے ان کی صحت خراب رہی۔

1840 کی دہائی میں الزبتھ کا تعارف اپنے کزن جان کینیون کے ذریعے ادبی معاشرے سے ہوا۔ ان کی نظموں کا پہلا مجموعہ 1838 میں شائع ہوا تھا۔ اورانہوں نے 1841 اور 1844 کے درمیان میں خوب لکھا، جن میں شاعری، ترجمہ اور نثر شامل ہیں۔ انھوں نے غلامی کے خاتمے کے لیے مہم چلائی اور ان کے کام نے چائلڈ لیبر کی قانون سازی میں اصلاحات کو متاثر کیا۔

جب الزابیتھ کی نظمیں منظر عام پر آئیں، شاعر رابرٹ براؤننگ ان کی طرف متوجہ ہوئے۔ دونوں کے مابین خفیہ طریقے سے خط کتابت اور ملاقاتیں ہوتی رہیں۔ ان کی شادی پر ان کے والد نے ان کو عاق کر دیا۔ 1846ء میں دونوں میاں بیوی اطالیہ چلے گئے۔ اور پوری زندگی وہیں گزار دی۔ ان کو ایک لڑکا ہوا، جس کا نام پین تھا۔

الزابتھ کی شاعری نے اس وقت کے ممتاز ادیبوں کو متاثر کیا، جن میں امریکی شاعر ایڈگر ایلن پو اور ایملی ڈکنسن شامل ہیں۔ انھیں "میں تم سے کیسے پیار کروں؟ " جیسی نظموں کے لیے یاد کیا جاتا ہے۔