کینیتھ اینڈرسن

آزاد دائرۃ المعارف، ویکیپیڈیا سے
کینیتھ اینڈرسن
 

معلومات شخصیت
پیدائش 8 مارچ 1910ء[1][2]  ویکی ڈیٹا پر (P569) کی خاصیت میں تبدیلی کریں
برطانوی ہند کے صوبے اور علاقے  ویکی ڈیٹا پر (P19) کی خاصیت میں تبدیلی کریں
وفات 30 اگست 1974ء (64 سال)[1][2]  ویکی ڈیٹا پر (P570) کی خاصیت میں تبدیلی کریں
بنگلور  ویکی ڈیٹا پر (P20) کی خاصیت میں تبدیلی کریں
شہریت اسکاٹ لینڈ
مملکت متحدہ[3]
بھارت (26 جنوری 1950–)[3][4]
ڈومنین بھارت  ویکی ڈیٹا پر (P27) کی خاصیت میں تبدیلی کریں
عملی زندگی
مادر علمی بشپ کاٹن بوائز اسکول  ویکی ڈیٹا پر (P69) کی خاصیت میں تبدیلی کریں
پیشہ مصنف[5][4]،  شکاری،  فطرت پسند  ویکی ڈیٹا پر (P106) کی خاصیت میں تبدیلی کریں
پیشہ ورانہ زبان انگریزی[6]  ویکی ڈیٹا پر (P1412) کی خاصیت میں تبدیلی کریں
شعبۂ عمل شکار[7]،  سفر نامہ[7]  ویکی ڈیٹا پر (P101) کی خاصیت میں تبدیلی کریں

کینیتھ اینڈرسن (پیدائش 1910، وفات اگست 1974) ایک پیشہ ور انگریز شکاری تھے جنھوں نے بھارت میں بے شمار آدم خور درندوں کو ہلاک کیا۔

پس منظر[ترمیم]

کینیتھ اینڈرسن سکاٹش النسل تھے اور ان کا خاندان چھ پشتوں سے ہندوستان میں آباد ہے۔ ان کے والد ڈوگلس سٹیورٹ اینڈرسن پونا میں فوج میں سپرنٹنڈنٹ تھے اور فوجیوں میں تنخواہ کی تقسیم کا کرتے تھے۔ انھیں اعزازی طور پر کیپٹن کا عہدہ ملا ہوا تھا۔ کینیتھ اینڈرسن کے والد کے پاس رائفل تھی اور اکثر آبی پرندوں کا شکار کرتے تھے۔ اگرچہ ان کے والد نے کبھی آدم خور درندوں کا شکار نہیں کیا لیکن کینیتھ اینڈرسن کو شکاری بنانے میں ان کا بہت بڑا ہاتھ تھا۔

اینڈرسن نے بشپ کاٹن بوائز اسکول سے تعلیم کا آغاز کیا اور بعد ازاں بنگلور میں سینٹ جوزف کالج میں زیر تعلیم رہے۔ تعلیم مکمل ہونے پر انھیں بنگلور کی برطانوی جہاز ساز فیکٹری میں منصوبہ بندی کا فیکٹری مینجر بنا دیا گیا۔ کرناٹکا، حیدرآباد اور تامل ناڈو میں ان کی تقریباً 200 ایکڑ جتنی زمین تھی جس کے بارے انھوں نے اپنی کتب میں کئی جگہ ذکر کیا ہے۔ ان کا بیٹا ڈونلڈ اینڈرسن 1937 میں پیدا ہوا اور اسے بھی شکار کا گہرا شغف ہے۔

بطور پیشہ ور شکاری[ترمیم]

کینیتھ اینڈرسن کو بچپن سے جنگل اور جنگل کے جانوروں سے گہری محبت تھی اور اسی وجہ سے وہ درندوں کے شکار کی طرف مائل ہوئے اور آخرکار انہی شکاروں کی حقیقی کہانیاں بھی لکھیں۔ وہ اکثر جنگلوں میں خالی ہاتھ چلے جاتے تھے اور وہاں وقت گزار کر اور فطرت کا مطالعہ کر کے سکون پاتے تھے۔ بطور شکاری انھوں نے بہت سارے آدم خور درندوں کا پیچھا کر کے انھیں ہلاک کیا۔ ان کے شکار کردہ مشہور آدم خور اور انسانوں کو ہلاک کرنے والے درندوں میں میسور کا ریچھ، گملاپور کا تیندوا، یلاگری کا تیندوا، جولاگری کی شیرنی، سیگور کا شیر اور منداچی پالم کا شیر قابل ذکر ہیں۔

سرکاری طور پر انھوں نے 1939 سے 1966 کے درمیان 8 آدم خور تیندوے بشمول ایک مادہ اور 7 نر اور سات آدم خور شیر جن میں دو مادہ اور 5 نر شامل ہیں، ہلاک کیے۔ غیر سرکاری طور پر ان کے شکار کردہ آدم خور شیروں کی تعداد 15 سے 20 کے درمیان اور آدم خور تیندوؤں کی تعداد 18 سے 20 کے درمیان ہے۔ اس کے علاوہ انھوں نے کئی پاگل ہاتھی بھی مارے ہیں۔

شمالی ہندوستان کے مشہور شکاری جم کاربٹ نے شوالک، گڑھوال، کماؤں اور شمالی مدھیہ پردیش میں آدم خور مارے تھے جبکہ کینیتھ اینڈرسن نے جنوبی ہندوستان بشمول اندھرا پردیش، تامل ناڈو، کرناٹکا، شمالی ملبار اور کیرالہ میں شکار کیا تھا۔

ان کے پالتو مقامی کتے کا نام نپر تھا جو انھوں نے اپنی شکاری مہمات کے دوران خریدا تھا۔ اپنی کتب میں بہت جگہ انھوں نے لکھا ہے کہ وہ پائپ پینے کے شوقین ہیں۔

مشاغل[ترمیم]

ان کے لکھنے کا انداز سادہ، تعارفی اور جذب کرنے والا ہے۔ انھوں نے زیادہ تر جنگلی جانوروں سے اپنی مڈبھیڑ کے بارے لکھا ہے۔ ان کی زیادہ تر کہانیاں تیندوؤں اور شیروں بالخصوص آدم خوروں کے شکار سے متعلق ہیں تاہم انھوں نے ساتھ ہی ساتھ خطرناک ہاتھیوں، بھینسوں اور ریچھوں سے بھی اپنے مقابلوں کے بارے لکھا ہے۔ اس کے علاوہ انھوں نے نسبتاً کم اہم جنگلی جانوروں جیسا کہ جنگلی کتے، لگڑبگڑ اور سانپوں کے بارے بھی لکھا ہے۔ انھوں نے ان جانوروں کی عادات و خصائل کے بارے ہرممکن طور پر تفصیل بتانے کی کوشش کی ہے۔

انھوں نے ہندوستانی جنگلوں میں آباد مقامی قبائل اور ان کے لوگوں کے بارے بھی قیمتی معلومات دی ہیں۔ ان کے دور میں ہندوستان کے جنگل انتہائی گھنے اور جنگلی جانوروں سے بھرے ہوتے تھے اور وہاں سڑکوں کی حالت انتہائی بری ہونے کے ساتھ ساتھ مواصلات اور صحتِ عامہ کی سہولیات بھی نہ ہونے کے برابر تھیں۔ انھوں نے اپنی کتب میں ان جنگلی قبائل کی عادات، ان کے رہن سہن اور روز مرہ زندگی کے بارے بھی لکھا ہے۔

ہندوستان کی جنگلی حیات کے بارے لکھنے کے ساتھ ساتھ انھوں نے جادو ٹونے کے بارے بھی معلومات کے ساتھ ساتھ اپنے تجربات بھی بیان کیے ہیں۔ جنوبی ہندوستان کی ریاستوں میں انھوں نے بہت سے قبائل کو آدم خور درندوں سے بچایا ہے۔ وہ کناڈا کے ساتھ ساتھ تامل بھی بول سکتے تھے۔ ان کے پاس کافی عرصے تک سٹڈ بیکر کار تھی اور اعشاریہ 405 بور کی ونچسٹر رائفل انھیں بہت عزیز تھی۔ شکاری ہونے کے علاوہ انھوں نے جنوبی ہندوستان میں جنگلی حیات کے تحفظ کے لیے بھی بہت کام کیا۔ آخر میں انھوں نے رائفل کی بجائے کیمرے سے جانوروں کا "شکار" شروع کر دیا تھا۔

کتب[ترمیم]

کینیتھ اینڈرسن کی کتب کافی مقبول ہیں اور ان کی کتب کے دو مجموعے حال ہی میں شائع ہوئے ہیں۔ ذیل میں ان کی کتب کی فہرست دی گئی ہے:

  • Nine Maneaters And One Rogue (1954)
  • The Black Panther of Sivanipalli and Other Adventures of the Indian Jungle (1959)
  • Jungles Long Ago
  • Man Eaters and Jungle Killers
  • Tiger Roars
  • Tales from the Indian Jungle
  • This is the Jungle
  • The Call of the Man Eater

جنگل میں رہن سہن اور بچاؤ کے علاوہ انھوں نے ہندوستان اور یہاں رہنے والے افراد اور جنگلوں کے بارے اپنی محبت کا بھی ذکر کیا ہے۔ متبادل طریقہ علاج پر وہ یقین رکھتے تھے اور ان کے ساتھ ہمیشہ ان کا دیسی ادویات کا ڈبہ رہتا تھا جس میں مختلف جڑی بوٹیاں ہوتی تھیں۔ انھوں نے انگریزی طریقہ علاج کو سختی سے رد کر دیا تھا اور اگست 1974 میں سرطان کے مرض سے 64 سال کی عمر میں انتقال کر گئے۔ ان کی آخری کتاب Jungles Long Ago ان کی وفات کے بعد شائع ہوئی۔

  1. ^ ا ب او ایل آئی ڈی: https://openlibrary.org/works/OL1923731A?mode=all — بنام: Kenneth Anderson — اخذ شدہ بتاریخ: 9 اکتوبر 2017 — مصنف: آرون سوارٹز
  2. ^ ا ب آسٹریلیا شخصی آئی ڈی: https://trove.nla.gov.au/people/787118 — بنام: Kenneth Anderson — اخذ شدہ بتاریخ: 9 اکتوبر 2017
  3. https://viaf.org/viaf/3649805/ — اخذ شدہ بتاریخ: 29 دسمبر 2018 — ناشر: او سی ایل سی
  4. ^ ا ب https://portal.dnb.de/opac.htm?method=simpleSearch&cqlMode=true&query=nid%3D132992175 — اخذ شدہ بتاریخ: 29 دسمبر 2018 — اجازت نامہ: CC0
  5. https://aleph.nkp.cz/F/?func=find-c&local_base=aut&ccl_term=ica=mzk2007386189 — اخذ شدہ بتاریخ: 29 دسمبر 2018
  6. این کے سی آر - اے یو ٹی شناخت کنندہ: https://aleph.nkp.cz/F/?func=find-c&local_base=aut&ccl_term=ica=mzk2007386189 — اخذ شدہ بتاریخ: 1 مارچ 2022
  7. این کے سی آر - اے یو ٹی شناخت کنندہ: https://aleph.nkp.cz/F/?func=find-c&local_base=aut&ccl_term=ica=mzk2007386189 — اخذ شدہ بتاریخ: 7 نومبر 2022