نواب کرناٹک

کرناٹک کے نوابوں کا نشان

کرناٹک (آرکاٹ) کے نوابوں نے جنوبی بھارت کے مشرقی حصے پر 1690ء سے 1801ء تک حکومت کی۔ ابتدا میں انھوں نے آرکاٹ، ویلور شہر کو اپنا دار الحکومت بنایا تھا۔ ان کا عرصۂ اقتدار تمل ناڈو کی تاریخ میں ایک اہم دور ہے، جس میں مغلیہ سلطنت کا شیرازہ بکھرتا چلا گیا اور متحدہ ہندوستان میں طوائف الملوکی کا دور دورہ تھا۔ اس پرآشوب دور میں انگریز نت نئی پالیسیوں اور سازشوں سے ملک کے چپے چپے پر قابض ہو رہے تھے اور تمام ملک ہمالیہ سے لے کر راس کماری تک قتل، غارتگری اور لوٹ مار کا جولان گاہ بنا ہوا تھا۔

جغرافیہ اور سرحدیں

ماضی کا کرناٹِک موجودہ تمل ناڈو اور آندھرا پردیش کے پاس واقع تھا، شمال میں دریائے کرشنا سے جنوب کے کولیدم دریا تک وسیع اور مغرب میں کڈپہ، سیلم اور ڈنڈیگل تھے، جو بعد میں سلطنت خداداد میسور کا حصہ بنے۔

عام طور پر مشرقی گھاٹ اور ساحل کورامانڈل اور مغربی گھاٹ کے درمیان میں جنوبی بھارت کے علاقے کو کرناٹک کا نام دیا جاتا تھا۔ کرناٹک، پالگھاٹ سے بیدر اور شمال میں آندھرا پردیش کے گنٹور ضلع سے جنوب میں راس کنیاکماری تک بھی کسی حد تک کہا جاتا رہا ہے۔

کرناٹک کے نوابوں کی فہرست

1702 ء میں مغلیہ سلطنت کے صوبہ کرناٹک کے صوابائی نواب نواب داؤد خان نے قلعہ سینٹ جارج، بھارت پر تین مہینوں کے لیے قبضہ کر لیا۔

نواب انورالدین محمد خان فرانسیسیوں کے خلاف جنگ لڑتے ہوئے شہید ہو گئے، 1749۔ تصویر - پال فلپوٹیکس۔

محمد علی خان والاجاہ - (1717 - 1795)

عمدۃ العمرا، کرناٹک کے نواب اور ٹیپو سلطان کے ساتھی۔

کرناٹک یا کارناٹک نواب جنہیں آرکاٹ نواب بھی کہا جاتا ہے 1690ء سے 1801ء تک انھوں نے سلطنت کی۔ ابتدائی دور میں انھوں نے آرکاٹ ویلور کو اپنی دار الحکومت بنائی۔ ان کا دور نہایت ہی اہم دور رہا۔ جو مغلیہ سلطنت، مراٹھا سلطنت اور برطانوی راج میں منتقل ہوا۔

کرناٹک یا کارناٹک

پرانی کرناٹک ریاست شہر چینائی سے لے کر شہر سیلم اور دنڈیگل تک اور شہر کڈپہ سے لے کر کنیاکماری تک پھیلی ہوئی تھی۔ اور مغرب کی جانب مغلیہ سلطنت کے حدود تھے تو شمال کی جانب سلطنت خداداد میسور کے حدود تھے۔ ان کے حدود مراٹھا سلطنت سے بھی ملتے تھے۔ اُس دور میں کرناٹک نام عام طور پر اس علاقے کو دیا گیا تھا، مغربی گھاٹ سے لے کر کورامانڈل ساحل تک اور بیدر س پالگھاٹ تک اور آندھرا پردیش کے گنٹور ضلع سے لے کر جنوب میں راس کنیاکماری تک کا وسیع علاقہ۔

تاریخ

کرناٹک نوابوں کی نسب خلیفہ دوم حضرت عمر بن خطاب سے جا ملتی ہے۔ [1]آرکائیو شدہ بذریعہ hindu.com نوابی سلسلے کی شروعات پہلے نواب ذوالفقار علی خان سے شروع ہوتی ہے جنہیں 1692ء میں مغلیہ سلطان اورنگزیب عالمگیر نے مقرر کیا تھا۔ کرناٹک نواب حکمرانی کے بانی ذو الفقار علی خان تھے۔ اس سے قبل یہ حکمرانی مراٹھا سلطنت کے ماتحت تھی جو راجارام چھترپتی کی حکمرانی میں تھی۔

فہرست حکمران

کرناٹک یا آرکاڑ یا آرکاٹ کے صوبہ دار نواب

نام		حکمرانی کی ابتدا	حکمرانی کا اختتام
1	ذوالفقار نصرت جنگ	1692	1703
2	داؤد خان پنی	1703	1710
3	سعادت اللہ خان اول	1710	1732
4	دوست علی خان	1732	1740
5	صفدر علی خان	1740	1742
6	سعادت اللہ خان دوم	1742	1744
7	انورالدین خان	1744	3 اگست 1749

کرناٹک کے نیم آزاد نواب

نام		حکمرانی کی ابتدا	حکمرانی کا خاتمہ
1	انورالدین خان	1744	3 اگست 1749

یورپی اثر رسوخ میں کرناٹک نواب

نام		حکمرانی کی ابتدا	حکمرانی کا اختتام
1	چندا صاحب	1749	1752
1	محمد علی خان والاجاہ	3 اگست 1749	16 اکتوبر 1795
3	عمدۃ العمراء	1795	1801
4	عظیم الدولہ	1801	1819
4	اعظم جاہ	1819	1825
4	غلام محمد غوث خان	1825	1855

• Silver Shaded Rows signify the فرانسیسی ایسٹ انڈیا کمپنی.
• Yellow Shaded Rows signify the ایسٹ انڈیا کمپنی.

آرکاٹ کے نواب

Lineage
امیر	دور حکومت
عظیم جاہ	1867–1874
سر ظہیرالدولہ بہادر	1874–1879
انتظام الملک Muazzal ud-Daula Bahadur	1879–1889
Sir Muhammad Munawar Khan Bahadur	1889–1903
Sir Ghulam Muhammad Ali Khan Bahadur	1903–1952
غلام محی الدین خان بہادر	1952–1969
غلام محمد عبدالقادر	1969–1993
محمد عبدالعلی	1993- سے اب تک

مزید دیکھیے

• نظام حیدر آباد

حوالہ جات

• Indian Princely States
• The House of Arcotآرکائیو شدہ بذریعہ hindu.com