آگسٹس

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

Augustus پیدائش؛ 63ق۔م انتقال؛ 14ء

آگسٹس

آکیٹوین آگسٹس۔ روم کا شہنشاہ، جولیس سیزر کی بہن کا پوتا۔ باپ کی وفات کے بعد جولیس سیزر نے اسے اپنا بیٹا اور وارث بنا لیا۔ سیزر کے قتل ٤٤ ق۔ م پر روم آیا اور اینٹنی کے ساتھ مل کر مجلس ارباب ثلاثہ بنائی۔ ٤٢ ق۔م میں آینٹنی سے مل کر بروٹس کو شکست دی۔ ٤٠ ق۔ م میں اپنی بہن اوکٹاویا کی شادی اینٹنی سے کی۔ بعد میں اینٹنی سے بھی ٹھن گئی۔ چھوٹی چھوٹی لڑائیوں کے بعد آخر ٣١ ق۔م میں اینٹنی اور قلوپطرہ کو شکست دی۔ ٢٧ ق۔ م میں رومن سینٹ کی طرف سے آگسٹس (واجب التعظیم) کا خطاب پایا۔ زرعی اصلاحات کیں اور چند مفید قوانین بھی نافذ کیے۔ اس کے دور کو لاطینی ادب کا سنہری دور کہا جاتا ہے۔ ورجل ہوریس اور لیوی جیسے عظیم شعراء اس کے ہمعصر تھے۔ وہ خود بھی ادیب تھا۔ حضرت عیسٰی علیہ السلام اس کے عہد میں پیدا ہوئے۔ اگست کا مہینہ اسی کے نام سے منسوب ہے۔