عبد اللہ ابن مبارک

عبد اللہ ابن مبارک
معلومات شخصیت
پیدائش	سنہ 736  مرو
وفات	1 نومبر 797 (60–61 سال)  ہیت
شہریت	دولت عباسیہ
عملی زندگی
استاد	ابو حنیفہ،  عبد الرحمٰن اوزاعی،  شعبہ بن حجاج،  ہشام بن عروہ،  سلیمان بن مہران الاعمش،  سفیان ثوری
نمایاں شاگرد	یحییٰ بن معین،  ابن ابی شیبہ،  ابو داؤد
پیشہ	مؤرخ،  فقیہ،  محدث
پیشہ ورانہ زبان	عربی
شعبۂ عمل	تاریخ،  فقہ،  علم حدیث

عبد اللہ ابن مبارک (پیدائش 736ء— وفات: نومبر 797ء) اُمت مسلمہ کے امام، مجاہدین کے سردارزاہد اور محدث ایک یکتائے زمانہ ہستی تھے۔

نام ونسب

نام:عبد اللہ، والد کا نام: ابن مبارک تھا، ان کے والد دراصل ترکی النسل تھے ابن مبارک اور عبد اللہ بن مبارک سے شہرت رکھتے ہیں

ولادت

118ھ میں ابن مبارک کی پیدائش ہوئی ،اصلی وطن مرو ہے اس وجہ سے ان کو مروزی کہتے ہیں۔ مرو خراسان میں مسلمانوں کا بہت پرانا شہر ہے۔

بحیثیت محدث

محدثین انکو امیر المؤمنین فی الحدیث کے لقب سے پکارتے ہیں۔ صحیح بخاری و مسلم میں ان کی روایت سے سینکڑوں حدیثیں مروی ہیں۔
ابنِ مبارک گھر میں زیادہ رہتے تھے، لوگوں نے پوچھا کیا تمہیں گھر میں وحشت نہیں ہوتی؟ جواباً کہنے لگے کہ مجھے وحشت کیسے ہوگی کہ میں آپ ﷺکے اقوال کے ساتھ رہا کرتا ہوں۔ ابنِ مبارک کی حالت بیان کرتے ہوئے نعیم ابنِ حماد کہتے ہیں کہ ابنِ مبارک جب کتاب الرقاق پڑھتے تو نہایت آبدیدہ ہوجاتے، کوئی ان سے اس دوران سوال کرنے یا ان کے قریب جانے کی ہمت نہیں کرتا ۔

اکابرکے ہاں مقام

سفیان ابن عیینہ مشہور محدث ہیں، انہوں نے ابن مبارک کی کچھ یوں تعریف کی :میں نے ابن مبارک کے حالا ت پر غور کیا ،اور صحابہٴ کرام کے حالات پر غور کیا تو کیا دیکھتا ہوں کہ ابن مبارک میں آپ کی صحبت ومعیت کے علاوہ تمام فضائل موجو د ہیں، صحابہٴ کرام آپ کی صحبت کی برکت سے اعلیٰ وبلند ہیں۔ ابنِ مبارک کی طرز ِزندگی دیکھ کر سفیان ابنِ عیینہ کہتے تھے کہ میری زندگی کا کم از کم ایک سال ابنِ مبارک کی طرح گزر جائے؛ حالانکہ تین دن بھی ایسے نہیں گزرسکتے ۔

امام ابو حنیفہ کے شاگرد

یہ امام ابو حنیفہ کے مشہور شاگردوں میں ہیں اور امام صاحب کے ساتھ ان کا خاص خلوص تھا۔ ان کو اعتراف تھا کہ جو کچھ مجھ کو حاصل ہوا وہ امام ابو حنیفہ اور سفیان ثوری کے فیض سے حاصل ہوا ہے۔ ان کا مشہور قول ہے کہ "اگر اللہ نے ابو حنیفہ و سفیان ثوری کے ذریعہ سے میری دستگیری نہ کی ہوتی تو میں ایک عام آدمی سے بڑھ کر نہ ہوتا۔"

تصنیفات

• الزهدوالرقائق
• الجهاد
• البر والصلۃ

وفات

عبد اللہ ابن مبارک کی 181ھ میں بمقام ہیت وفات ہوئی، کل عمر 63 سال تھی