ابو اللیث صدیقی

آزاد دائرۃ المعارف، ویکیپیڈیا سے
(ابواللیث صدیقی سے رجوع مکرر)
Jump to navigation Jump to search
ڈاکٹر ابواللیث صدیقی
پیدائش 15 جون 1916(1916-06-15)

آگرہ، برطانوی ہندوستان
وفات 7 ستمبر 1994(1994-90-07) (عمر  78 سال)

کراچی، پاکستان
آخری آرام گاہ جامہ کراچی قبرستان
قلمی نام ابواللیث صدیقی
پیشہ نقاد، ماہرِ لسانیات، محقق، معلم
زبان اردو
قومیت Flag of پاکستانپاکستانی
نسل مہاجر
تعلیم ایم اے (اردوپی ایچ ڈی
اصناف لسانیات، تحقیق، تنقید
موضوع اردو ادب
نمایاں کام لکھنؤ کا دبستان شاعری
کلیاتِ مصحفی
جدید اردو ادبیات
غزل اور متغزلین

پروفیسر ڈاکٹر ابواللیث صدیقی (پیدائش: 15 جون، 1916ء - وفات: 7 ستمبر، 1994ء) پاکستان سے تعلق رکھنے والے ماہرِ لسانیات، محقق، ماہرِ تعلیم، نقاد، جامعہ کراچی کے شعبہ اردو کے سربراہ اور کولمبیا یونیورسٹی کے وزٹنگ پروفیسر تھے۔

حالات زندگی[ترمیم]

ابواللیث صدیقی 15 جون، 1916ء کو آگرہ،برطانوی ہندوستان میں پیدا ہوئے[1]۔ انہوں نے آگرہ، بدایوں اور علی گڑھ سے تعلیم ھاصل کی۔ وہ علی گڑھ مسلم یونیورسٹی سے اردو ادب میں پی ایچ ڈی کرنے والے پہلے اسکالر تھے۔ ابواللیث صدیقی ابتدا میں علی گڑھ مسلم یونیورسٹی سے وابستہ رہے[2]۔ 1948ء میں لندن اسکول آف ایشین اینڈ افریقن اسٹڈیز چلے گئے اور شمالی ہندوستان میں ہند-آریا زبانوں پر تحقیق کی[1]۔ تقسیم ہند کے بعد پاکستان چلے آئے۔ پہلے لاہور اور پھر کراچی میں سکونت اختیار کی۔[2]

ملازمت[ترمیم]

ابو اللیث صدیقی اورینٹل کالج لاہور اور جامعہ کراچی کے شعبہ اردو سے وابستہ ہوئے اور اردو شعبہ کے سربراہ رہے۔ اسی دوران انہوں نے کچھ عرصے اردو لغت بورڈ کراچی کے مدیر اعلیٰ کی خدمات بھی سر انجام دیں [2]۔ اس کے علاوہ کولمبیا یونیورسٹی کے وزٹنگ پروفیسر بھی رہے۔[1]

تصانیف[ترمیم]

  • لکھنؤ کا دبستان شاعری
  • کلیات مصحفی
  • غزل اور متغزلین
  • آج کا اردو ادب
  • تاریخ زبان ادبیات اردو
  • تاریخ اصول تنقید
  • جدید اردو ادبیات
  • جامع القوائد (حصہ صرف)
  • رفت و بود (خودنوشت)

وفات[ترمیم]

ڈاکٹر ابواللیث صدیقی 7 ستمبر، 1994ء کو کراچی، پاکستان میں وفات پاگئے اور جامعہ کراچی کے قبرستان میں سپردِ خاک ہوئے۔[1][2]

حوالہ جات[ترمیم]