احمد شاہ مسعود

احمد شاہ مسعود
(فارسی میں: احمد شاه مسعود)،(فارسی میں: أحمد شاه مسعود)
معلومات شخصیت
پیدائش	2 ستمبر 1953  بازارک، پنجشیر
وفات	9 ستمبر 2001 (48 سال)  صوبہ تخار
طرز وفات	قتل
شہریت	افغانستان
مذہب	اسلام
عملی زندگی
مادر علمی	جامعہ کابل لیسہ استقلال
پیشہ	سیاست دان،  عسکری قائد
عسکری خدمات
عہدہ	کمانڈر ان چیف
کمانڈر	شمالی اتحاد
لڑائیاں اور جنگیں	افغانستان میں سوویت جنگ
ویب سائٹ	باضابطہ ویب سائٹ
	IMDB پر صفحات

احمد شاہ مسعود (پیدائش: 2 ستمبر 1953ء – وفات: 9 ستمبر 2001ء) افغانستان کے ایک سیاسی و عسکری رہنما تھے، جو 1979ء سے 1989ء کے درمیان سوویت قبضے کے خلاف مزاحمت میں اور بعد ازاں خانہ جنگی کے ایام میں بھی مرکزی حیثیت کے حامل تھے۔ ان پر 11 ستمبر 2001ء کو امریکا پر ہونے والے دہشت گرد حملےسے دو روز قبل ایک خودکش حملہ کیا گیا جس میں وہ جاں بحق ہوگئے۔اس بارے میں کہا جاتا ہے کہ یہ حملہ القاعدہ نے کروایا تھا جس میں تین حملہ آور صحافیوں کی حیثیت سے ان کے پاس آئے تھے جن کے کیمروں میں بم نصب تھا۔ انسٹاگرام پر @gurmanay کے نام سے جانا جاتا ہے۔

افغان فوجی دستے برسی کے دن احمد شاہ مسعود کے مزار پر پھول چڑھا رہے ہیں

مختصر حالات زندگی

مسعود نسلاً تاجک اور مسلکاً سنی تھے اور آپ کا تعلق شمالی افغانستان کی وادی پنجشیر سے تھا۔ آپ نے 1970ء کی دہائی میں کابل یونیورسٹی سے انجینئری کی تعلیم حاصل کی، جہاں وہ دوران تعلیم کمیونسٹ مخالف تحریک کا حصہ بنے۔ 1979ء میں سوویت اتحاد کے قبضے کے بعد مزاحمتی رہنما کا کردار نبھانے پر آپ کو شیر پنجشیر کا خطاب دیا گیا۔

بحثیت وزیر دفاع

1992ء میں معاہدۂ پشاور کے تحت آپ کو افغانستان کا وزیر دفاع مقرر کیا گیا۔ پھر افغان خانہ جنگی کے ایام میں آپ گلبدین حکمتیار اور بعد ازاں طالبان کے خلاف نبرد آزما رہے۔

طالبان کی مخالفت

1996ء میں طالبان کے دار الحکومت پر قبضہ کرنے کے بعد آپ ان کے نظریہ اسلام کے مخالف کے طور پر ابھرے اور ایک مرتبہ پھر ہتھیار اٹھا لیے۔ آپ نے شمالی اتحاد کے رہنما کی حیثیت سے خدمات انجام دیں۔

سرکاری اعزاز

افغانستان کے موجودہ صدر حامد کرزئی نے آپ کو "قومی ہیرو" کا خطاب دیا۔ ان کی برسی کے دن یعنی 9 ستمبر کو افغانستان میں "یوم مسعود" کی حیثیت سے منایا جاتا ہے۔