ارفع کریم

آزاد دائرۃ المعارف، ویکیپیڈیا سے
Jump to navigation Jump to search
ارفع کریم رندھاوا
ارفع کریم

معلومات شخصیت
پیدائش 2 فروری 1995(1995-02-02)
رام دیوالی[1]  خاصیت کی حیثیت میں تبدیلی کریں مقام پیدائش (P19) ویکی ڈیٹا پر
وفات 14 جنوری 2012(2012-10-14) (عمر  16 سال)
لاہور  خاصیت کی حیثیت میں تبدیلی کریں مقام وفات (P20) ویکی ڈیٹا پر
وجۂ وفات دورۂ قلب  خاصیت کی حیثیت میں تبدیلی کریں وجۂ وفات (P509) ویکی ڈیٹا پر
مدفن رام دیوالی  خاصیت کی حیثیت میں تبدیلی کریں مقام دفن (P119) ویکی ڈیٹا پر
طرز وفات طبعی موت  خاصیت کی حیثیت میں تبدیلی کریں طرزِ موت (P1196) ویکی ڈیٹا پر
رہائش لاہور
قومیت پاکستانی
مذہب اسلام
عارضہ مرگی  خاصیت کی حیثیت میں تبدیلی کریں بیماری (P1050) ویکی ڈیٹا پر
عملی زندگی
تعليم اے لیول (پہلا سال)
مادر علمی لاہور گرامر اسکول
پیشہ طالبعلم
مادری زبان اردو  خاصیت کی حیثیت میں تبدیلی کریں مادری زبان (P103) ویکی ڈیٹا پر
پیشہ ورانہ زبان اردو  خاصیت کی حیثیت میں تبدیلی کریں زبانیں (P1412) ویکی ڈیٹا پر
اعزازات
فاطمہ جناح طلائی تمغا
سلام پاکستان یوتھ ایوارڈ
صدارتی تمغا حسن کارکردگی

ارفع کریم (2 فروری 1995ء – 14 جنوری 2012ء) ایک پاکستانی طالبہ اور غیر معمولی ذہین بچی تھی، جو 2004ء میں محض نو سال کی عمر میں مائیکرو سافٹ سرٹیفائیڈ پروفیشنل (ایم سی پی) بن گئی، جب کہ دس سال کی عمر میں پائلٹ کا اجازت نامہ (لائسنس) حاصل کیا۔ اس بنا پر ارفع کا نام گنیز ورلڈ ریکارڈز میں درج گیا گیا۔[2] یہ اعزاز 2008ء تک ارفع کے پاس رہا۔ ارفع نے پاکستان کی طرف سے، مختلف بین الاقوامی فورموں اور ٹیک ایڈ ڈویلپرز کانفرنس میں نمائندگی کی۔ 2005ء میں حکومت پاکستان نے ارفع کو صدارتی تمغائے حسن کارکردگی عطا کیا۔ لاہور میں ایک سائنس پارک ارفع سافٹ ویئر ٹیکنالوجی پارک کے نام پر ارفع ہی کے نام پر بنایا گیا ہے۔[3][4][5][6] مائیکروسافٹ کے بانی بل گیٹس نے ارفع کو صدر دفتر، امریکا میں مدعو کیا اور خود ملاقات کی۔[7] ارفع 14 جنوری 2012ء کو 16 سال سال کی عمر میں عارضۂ قلب کی وجہ سے وفات پا گئی۔

ولادت[ترمیم]

ارفع کریم فیصل آباد کے ایک نزدیکی گاؤں رام دیوالی میں 2 فروری 1995ء کو پیدا ہوئیں۔ آپ کے والدامجد عبد الکریم رند ھاوا ایک آرمی آفیسر ہیں۔

کم ترین عمرمیں اعزاز[ترمیم]

نو برس کی عمر میں 2004 میں مائیکرو سافٹ سرٹیفائیڈ پروفیشنل کا امتحان پاس کر کے انفارمیشن ٹیکنالوجی میں ایک تہلکہ مچا دیا۔ ،ارفع کریم رندھاوا نے دنیا کی کم عمر ترین مائیکرو سافٹ سرٹیفائیڈ پروفیشنل ہونے کا اعزازحاصل کیا۔ اس سے دنیا میں پاکستان کا نام روشن ہوا۔

ارفع کریم کے اعزازت[ترمیم]

  • ارفع کریم رندھاوا مائیکروسافٹ کارپوریشن کی دعوت پر جولائی 2005 میں اپنے والد کے ہمراہ امریکا گئیں۔ جہاں اسے دنیا کی کم عمر ترین مائیکروسافٹ سرٹیفائیڈ پروفیشنل کی سند دی گئی۔
  • ارفع کریم جب بل گیٹس سے ملی تو اس کے بارے میں کہا گیا کہ پاکستان کا دوسرا رخ۔ ارفع کریم کو پاکستان کے دوسرے چہرے کا نام دیا۔ ایک روشن چہرے کا نام۔ بل گیٹس نے ارفع کریم سے دس منٹ ملاقات کی۔
  • اس کے علاوہ دبئی میں انفارمیشن ٹیکنالوجی ماہرین کی جانب سے دو ہفتوں کے لیے انہیں مد عو کیا گیا جہاں انہیں مختلف تمغا جات اور اعزازات د ئیے گئے۔
  • ارفع کریم نے دبئی کے فلائینگ کلب میں صرف دس سال کی عمر میں ایک طیارہ اڑایا اور طیارہ اڑانے کا سرٹیفیکٹ بھی حاصل کیا۔
  • ارفع کریم کو 2005 میں اس کی صلاحیتوں کے اعتراف میں ِ ” صدارتی ایوارڈ “” پرائڈ آف پرفارمنس” دیا گیا
  • ”مادرملت جناح طلائی تمغے ” بھی عطا کیا گیا
  • ” سلام پاکستان یوتھ ایوارڈ” سے بھی نوازا گیا۔
  • مائیکرو سافٹ نے بار سلونا میں منعقدہ سن 2006 کی تکنیکی ڈیولپرز کانفرنس میں پوری دنیا سے پانچ ہزار سے زیادہ مندوبین میں سے پاکستان سے صرف ارفع کریم کو مد عو کیا گیا تھا۔
  • حکومت نے بعد از مرگ لاہور کے ایک پارک اور کراچی کا آئی ٹی سینٹر ارفع کریم نام سے منسوب کر دیا علاوہ ازیں ان کے گاؤ ں کو بھی ارفع کریم کا نام دے دیا گیا ۔[8]

وفات[ترمیم]

ارفع کریم کو 22 دسمبر، 2011ء کو مرگی کا دورہ پڑا، بعد میں طبیعت بگڑنے پر انہیں لاہور کے سی ایم ایچ ہسپتال میں داخل کرایا گیا تھا جہاں وہ کومے کی حالت میں رہیں اور 14 جنوری، 2012ء کی شب کو 16 سال کی عمر میں انتقال کر گئیں۔[9]

ارفع کے نام پر یادگاری ٹکٹ[ترمیم]

جنوری، 2012ء میں پاکستانی وزیر اعظم سید یوسف رضا گیلانی نے ارفع کے نام پر ڈاک کا یادگاری ٹکٹ جاری کرنے کی منظوری دی۔[10]

حوالہ جات[ترمیم]

  1. http://www.pakistanchristianpost.com/viewarticles.php?editorialid=2103
  2. "Arfa Karim in Guinness Book"۔ Tribune.com.pk۔ اخذ شدہ بتاریخ 22 جولائی 2018۔
  3. "Software Technology Park name changed to Arfa Software Technology Park"۔ دی نیوز (newspaper)۔ مورخہ 16 جنوری 2012 کو اصل سے آرکائیو شدہ۔ اخذ شدہ بتاریخ 16 جنوری 2012۔
  4. "9-year-old earns accolade as Microsoft pro"۔ اخذ شدہ بتاریخ 14 جنوری 2012۔
  5. "Remembering a remarkable girl who made a mark on Microsoft"۔ اخذ شدہ بتاریخ 15 جنوری 2012۔
  6. نقص حوالہ: ٹیگ <ref>‎ درست نہیں ہے؛ pakblogyoungitchild نامی حوالہ کے لیے کوئی مواد درج نہیں کیا گیا۔ (مزید معلومات کے لیے معاونت صفحہ دیکھیے)۔
  7. In smarts, she's a perfect 10 – Seattle Pi۔
  8. پاکستان کا اصلی چہرہ ارفع کریم رندھاوا! | Geo Urdu
  9. "کم عمر ترین آئی ٹی ماہر ارفع کریم انتقال کر گئیں"۔ بی بی سی اردو موقع۔ مورخہ 24 دسمبر 2018 کو اصل سے آرکائیو شدہ۔
  10. ارفع کریم کے نام پر یادگاری ٹکٹ کی منظوری

بیرونی روابط[ترمیم]

سانچہ:پاکستانی بچے