اعوان

آزاد دائرۃ المعارف، ویکیپیڈیا سے
Jump to navigation Jump to search

اعوان قبیلہ(Awan (tribe

محمد حنفیہ بن علی ابن ابی طالب، کے فرزند علی عبد المنان تھے ان کے فرزند عون عرف قطب غازی لقب بطل غازی تھے ان کی اولاد قطب شاہی علوی اعوان کہلاتی ہے۔

نسبی و خطابی نام

قطب شاہی علوی اعوان نسبی نام بھی ہے اور خطابی۔ نسبی یوں کے اس قبیلہ کے جدامجدکانام "عون  قطب شاہ غازی" ہے اور خطابی اس لیے کہ سبکتگین یا سلطان محمودغزنوی نے بھی"اعوان" کاخطاب دیا۔ دوسری صدی ہجری کی عربی کتاب نسب قریش کے ص 77پر عون قطب شاہ غازی کانام عون لکھتے ہوئے ان  کی اولاد کو "بنی عون" تحریرکیاہے۔ جوعرب میں بنی عون کہلائی اور ہندمیں اعوان۔

قطب شاہی اعوان

قوم اعوان قطب شاہی، جو علی بن ابی طالب کے بیٹے محمد بن حنفیہ کی نسل سے ہے۔ محمدبن حنفیہ کی اولاد اعوان کے نام سے پہچانی جاتی ہے اور گذشتہ تاریخ اسلام میں سرگرم عمل رہی ہے۔ سلطان محمودغزنوی  کے ہمراہ بغرض جہاد و تبلیغ اسلام وارد ہند ہوئی۔ جھام مادر زاد ولی، سلطان باہو، سلطان العارفین انب شریف، حاجی احمد، سخی محمد خوشخال، سلطان مہدی  اور بے شمار دوسرے صالحین صرف پندرہ بیس میل کے اس رقبے میں جسے وادی سون سکیسر کہا جاتا ہے۔ پیدا ہوئے اور سبھی اسی اعوان قبیلے کے چشم و چراغ تھے اور سب کا شمار صاحب کرامت اولیا میں ہوتا ہے۔

گنگال اعوان

گنگال اعوان اعوان قبیلہ کی گوت ہے گوھر علی عرف گنگ کی اولاد جو تلہ گنگ سے آکر یہان آباد ہوئےاٹک میں گنگال نامی گاؤں ان ہی کا ہے، پنڈی میں گنگال اور سودگنگال، کہوٹہ میں لمہ گنگال ان کے علاقے ہیں۔ جہلم کے گنگال خود کو جاٹ قرار دیتے ہیں، وہاں بھی گنگال نام کا ایک گاؤں ہے، کلرسیداں میں سموٹ مہرہ گنگال اور مک ان کے علاقے ہیں۔[1]

لغوی تحقیق

عون کی جمع "اعوان" ہے۔ اعوان (اع-وان) (ع۔ ا۔ مذ)عون کی جمع۔ بہت سے حامی و مددگار۔ قطب کے معنی سردارقوم۔ اعلیٰ وبرگزیدہ کے ہیں۔ بطل کے معنی نامور،ہیرو،بہادر، غازی کے ہیں۔ علوی۔ حضرت علی کی غیر فاطمی اولاد ہونے کی نسبت سے "علوی" بھی کہلاتے ہیں۔ محکمہ مال میں درج آوان یااعوان دونوں کا مطلب "اعوان" ہی ہے۔

نسب

سالارشاہوغازی (قطب شاہی علوی اعوان) وسالار سیف الدین غازی (قطب شاہی علوی اعوان) و  سالارقطب حیدرالمعروف قطب شاہ (قطب شاہی علوی اعوان) ابنان (پسران) عطااللہ بن طاہرغازی بن طیب غازی بن شاہ محمدغازی بن شاہ علی غازی بن محمداصف غازی (محمداسھل) بن عون قطب شاہ غازی (جدامجدقطب شاہی علوی اعوان) بن علی عبد المنان بن حضرت محمدالاکبر (محمدحنفیہ) بن علی بن ابی طالب۔

مختصرتاریخ قطب شاہی علوی اعوان قبیلہ

عون قطب شاہ کی اولادکتاب نسب قریش عربی میں "بنی عون" درج ہے۔ ۔گمان غالب ہے کہ عون قطب شاہ غازی  اپنے بھتیجے یحییٰ بن زیدشہیدبن امام زین العابدین کے ہمراہ  126ھ میں خراسان و غزنی کی طرف ہجرت کر گئے تھے۔ آپ کی قبر آذربایئجان ،تبریز،گیلان وغیرہ  میں ہونا بیان کی جاتی ہے۔ آپ کی اولاد غزنی وغیرہ میں آبادہوئی  اور بعدمیں سبکتگین اور سلطان محمودغزنوی کے ساتھ جہاد ہندمیں شامل ہوئے۔ قدیم عربی کتب تہذیب الانساب اور منتقلۃ الطالبیہ  اور المعقبون وغیرہ میں اس شاخ کا ہندآنے کا ذکرموجودہے۔ قدیم عربی کتب نسب قریش،المعقبون، تہذیب الانساب،منتقلۃ الطالبیہ، لباب الانساب،بحرالانساب، سفرنامہ ابن بطو طہ،قدیم فارسی کتب مہاجران آل ابی طالب، منبع الانساب فارسی ،تاریخ فیروز شاہی فارسی ،تاریخ بہقی فارسی، مرات مسعودی اور مرات الاسراروغیرہ میں بھی عون قطب شاہ غازی (جدامجدقطب شاہی علوی اعوان) کی اولاد کاذکرموجودہے اور ان کتب میں عون قطب شاہ کی اولاد کے شجرات،ان کاورودہند،اور سلطان محمودغزنوی کے ساتھ جہاد ہندمیں شرکت وغیرہ کاذکرموجودہے جن میں عون قطب شاہ غازی کے سات پڑپوتے عیسیٰ ،حسین،علی،محمدغازی،احمدغازی، موسیٰ وحسن ابنان علی بن محمد(اسھل/اصف) بن عون قطب شاہ  غازی لقب بطل غازی بن علی عبد المنان بن محمدحنفیہ بن علی بن ابی طالب قابل ذک رہیں۔ نیز"تاریخ قطب شاہی علوی اعوان " جو محمدکریم خان اعوان ساکن سنگولہ آزادکشمیراور ملک مشتاق الٰہی اعوان ساکن مردوآل وادی سون سکیسر کی مشترکہ کوششوں اورقدیم  ماخذاورحوالہ جات کی روشنی میں مرتب ہوئی ہے اور متعلقہ حوالہ جات کی   عکسی نقول  بھی تاریخ ہذامیں دستیاب ہیں تاریخ قطب شاہی علوی اعوان اور دیگر تمام قدیم عربی اور فارسی ماخذکتب پہلی بارادارہ تحقیق الاعوان پاکستان کی ویب سائٹ  پردستیاب ہیں جووہاں سے ڈانلوڈ کی جاسکتی ہیں۔ اور ہندآنے کاثبوت بھی مندرجہ بالافارسی اور عربی کتب میں موجود ہے۔ تہذیب الانساب کے مطابق عیسیٰ،حسین،محمدغازی،احمدغازی وعلی کی اولاد ہندمیں آئی ہے۔ اور علی،موسیٰ اور حسن کی اولادمصروروم وغیرہ میں آبادہوئی۔ گمان غالب ہے کہ جہادہند کے وقت علی، موسیٰ و حسن کی اولادبھی اپنے دیگربھائیوں کی اولاد کے پاس غزنی وغیرہ میں برائے جہادآئے ہوں اور بعدمیں جہادہندمیں شرکت کی ہو۔

منبع الانساب فارسی  (830ہجری)تالیف سید معین الحق جھونسوی  اردوترجمہ علامہ ڈاکٹرساحل شاہسرامی علی گڑھ انڈیاکے مطابق شاہ محمدغازی وشاہ احمدغازی پسران شاہ علی غازی بن اصف غازی بن عون عرف قطب شاہ غازی بن علی عبد المنان بن ابوالقاسم امام محمدحنیف بن علی بن ابی طالب تھے۔ شاہ احمدغازی کی اولاد سے سیدحامدخان سبزواری جن کی قبر قلعہ مانک پورمیں ہے۔ اور سیدسعیدالدین سالارمسعودغازی بن سالارشاہو غازی بن عطااللہ غازی بن طاہرغازی بن طیب غازی بن شاہ محمدغازی بن شاہ علی غازی بن اصف غازی بن عون قطب شاہ غازی (جدامجدقطب شاہی علوی اعوان) بن علی عبد المنان بن محمدالاکبر(محمدحنفیہ) بن علی بن ابی طالب تھے۔ سالارمسعودغازی ،سلطان محمودغزنوی کے بھانجے تھے اور انہوں نے سلطان محمودغزنوی کے ساتھ جہاد میں حصہ لیا اور اکثرسادات اشراف سالارمسعودغازی کے ہمراہ ہندوستان تشریف لائے۔ اور مرات مسعودی فارسی داستان دوم ص73کے مطابق سلطان محمودغزنوی کے امرا میں سپہ سالارلشکر سالارشاہو(قطب شاہی علوی اعوان) تھے اور بہت سے بڑے بڑے امیران و ترکان بہادر رشتہ داران سالار شاہو تھے۔ جس جانب بھی سلطان محمودغزنی کا لشکرجاتاملک گیرفتح حاصل ہوتی یہ سب سالارشاہو غازی اور ان کے قریبی رشتہ داروں کی کوششوں کا نتیجہ تھا۔ ابن بطوطہ نے بھی یہ لکھاہے کہ سالارمسعودغازی نے اس نواح کے اکثرملک فتح کیے ہیں "۔ تاریخ فیروزشاہی فارسی جو780 ہجری سے پہلے لکھی گئی میں لکھاہے کہ"سالارمسعودغازی راکہ از غزاۃ سلطان محمودسبکتگین بود"منبع الانساب فارسی تالف 830ہجری میں لکھاہے " سیدشاھوغازی اوندہمشیرہ(سترمعلیٰ) سلطان محمود غزنوی کتخدابودندازیک پسربودحضرت سیدسعیدالدین سالارمسعودغازی وایشان سادات علوی اندواز سادات وشرطاتی درہندہمراہ ایشان اآمدہ اند"۔ طبقات اکبری فارسی جو1014ہجری سے قبل لکھی گئی میں لکھاہے سالارمسعودشہید کی قبرکی زیارت کی جو سلطان محمودغزنوی کے قرابت دار تھے۔ حاشیہ 3 میں درج ہے سالارمسعودغازی برصغیرکے اولین غازی و شہیدہیں "۔ تاریخ فرشتہ تالیف1611عیسوی ترجمہ عبد الحی خواجہ ص 441پردرج ہے "حضرت مسعودغازی ،سلطان محمودغزنوی کے بھانجے تھے اور آل محمودکے عہدحکومت میں غیر مسلموں کے ہاتھوں جام شہادت پیا"۔ مخزن افغانی فارسی 1021ہجری لکھی گئی سلطان محمودغزنوی کے سرداروں کے نام درج ہیں جن میں ملک سالارشاہو(  قطب شاہی علوی اعوان)کاذکر بھی ہے۔ پشتوڈکشنری ریاض المحبت (1805عیسوی) میں درج ہے "سالارساہوزابل کے سردارتھے اور ان کا ایک ہی لڑکا(سالارمسعودغازی)پیداہواجس کی قبربہڑائچ میں ہے "۔ سیفنۃ اولیا فارسی تالیف 1067ہجری میں درج ہے "سالارمسعودغازی از سرداران وغازیان لشکرسلطان محمودغزنوی انددراوائل اسنام در ھندوستان فتوحات بسیار نموددہ اندودرجہ شھادت رسیدہ شہادت ایشان در چھارصدنوزدہ ھجری بودہ"۔ تاریخ بہقی 470ہجری جلداول ص57پرعلویان کے حوالہ سے درج ہے "قاضی رئیس و خطیب ونقب علویان وسالارعلویان وسالارغازیان راخلتھا راست کندہم"۔  قبیلہ کا شجرہ نسب منبع الانساب فارسی اور مرات مسعودی فارسی میں یوں درج ہے :۔ سالارمسعودغازی(قطب شاہی علوی اعوان) بن سالارشاہو غازی بن عطااللہ غازی بن طاہرغازی بن طیب غازی بن شاہ محمدغازی شاہ علی غازی بن محمداصف غازی بن عون قطب شاہ غازی(جدامجدقطب شاہی علوی اعوان) بن علی عبد المنان بن محمدالاکبر(محمدالحنفیہ) بن علی بن ابی طالب بن ابی طالب۔ مرات مسعودی فارسی 1037ہجری کے مطابق سالارمسعودغازی (قطب شاہی علوی اعوان ) کی شہادت14رجب المرجب 424ہجری کوبہڑائچ ہندوستان میں ہوئی آپ کا مزارمبارک بہڑائچ میں مرجع خلائق عام ہے۔ برصغیرپاک وہندمیں یہ قبیلہ پنجاب کے علاقے کالاباغ،خوشاب،وادی سون سکیسر،نوشہرہ،چکوال،سرگودھا وغیرہ،خیبرپختون خواہ میں ہزارہ کشمیرکے علاقے سنگولہ،پونچھ،اوڑی،مظفرآباد وغیرہ اور سندھ اور بلوچستان کے علاوہ جالندھر،امرت سر اورہندوستان میں آبادہے۔ ہندوستان کے اکثرعلاقوں میں یہ قبیلہ علوی کہلاتاہے۔

مآخذ

  • کتاب نسب قریش عربی تالیف لابی عبد اللہ المصعب بن عبد اللہ بن المصعب الزبیری (236-156ہجری) صفحہ77،
  • تہذیب الانساب ونہایۃ الاعقاب عربی تالیف ابی الحسن محمدبنی ابی جعفر(449ہجری) صفحات273-274،
  • منتقلۃ الطالبیہ عربی تالیف الشریف النسابہ ابی اسماعیل ابراہیم بن ناصرابن طباطبا(471ہجری)صفحات 303،331،352،
  • مہاجران آل ابی طالب فارسی تالیف الشریف النسابہ ابی اسماعیل ابراہیم بن ناصرابن طباطبا(471ہجری)صفحات 246،255،332،
  • لباب الانساب والالقاب والاعقاب عربی (565ہجری) تالیف ابی الحسن بن ابی القاسم صفحہ 727،
  • منبع الانساب فارسی تالیف السیدمعین الحق جھونسوی (830ہجری) صفحات103-104،
  • مرات مسعودی فارسی تالیف عبد الرحمن چشتی (1014ہجری تا1037)ص 7،
  • مرات الاسرار فارسی تالیف عبد الرحمن چشتی (1045-1065ہجری) ص142،
  • تاریخ بحرالجمان تالیف سیدمحبوب شاہ داتا (1332ہجری)،
  • تحقیق الاعوان تالیف ایم خواص خان گولڑہ اعوان (1966) ص 156،
  • تاریخ الاعوان تالیف ملک شیرمحمداعوان آف کالاباغ،
  • تذکرۃ الاعوان تالیف ملک شیرمحمداعوان آف کالاباغ ،
  • تاریخ علوی اعوان تالیف محبت حسین اعوان ایڈیشن 1999ص 347و752،
  • حقیقت الاعوان تالیف صوبیدارمحمدرفیق اعوان چکوال،
  • تحقیق الانساب جلداول تالیف محمدکریم خان اعوان،
  • تحقیق الانساب جلد دوم ص 224،
  • تاریخ قطب شاہی علوی اعوان تالیف محمدکریم خان اعوان سنگولہ راولاکوٹ آزادکشمیروملک مشتاق الہی اعوان مردوآل وادی سون سکیسر ص 6،
  • مختصرتاریخ علوی اعوان معہ ڈائریکٹری ص 4
  • ،144) Glossery of Tribe vol.2, page 26,
  • The Punjab Chiefs Revised Edition by W.L.Conran & H.D.Craik vol.-2,page 292,
  • Punjab Cast by Sir Denzil Ibbetson ch-iv,page 389
  • اعوان قبیلہ تعارف یوسف جبریل
  • حقیقت الاعوان جلد اول صوبیدار(ر) محمد رفیق علوی ص2

بیرونی روابط

حوالہ جات