البرٹ ٹروٹ

البرٹ ٹروٹ

ذاتی معلومات
مکمل نام	البرٹ ایڈون ٹروٹ
پیدائش	6 فروری 1873(1873-02-06) ایبٹس فورڈ, وکٹوریہ، آسٹریلیا
وفات	30 جولائی 1914(1914-70-30) (عمر  41 سال) ہارلزڈین، مڈلسیکس, انگلینڈ
عرف	البرٹو، الباٹروٹ
بلے بازی	دائیں ہاتھ کا بلے باز
گیند بازی	دائیں ہاتھ کا تیز، میڈیم گیند باز
حیثیت	آل راؤنڈر
تعلقات	ہیری ٹروٹ (بھائی)
بین الاقوامی کرکٹ
قومی ٹیم	آسٹریلیا (1895) انگلینڈ (1899)
پہلا ٹیسٹ (کیپ 71/116)	11 جنوری 1895  آسٹریلیا  بمقابلہ  انگلینڈ
آخری ٹیسٹ	1 اپریل 1899  انگلینڈ  بمقابلہ  جنوبی افریقہ
ملکی کرکٹ
عرصہ	ٹیمیں
1901–1902	ہاکس بے
1900–1904	لندن کاؤنٹی
1898–1910	مڈل سیکس
1896–1911	میریلیبون کرکٹ کلب (ایم سی سی)
1892–1896	وکٹوریہ
کیریئر اعداد و شمار
مقابلہ ٹیسٹ فرسٹ کلاس میچ 5 375 رنز بنائے 228 10,696 بیٹنگ اوسط 38.00 19.48 100s/50s 0/2 8/44 ٹاپ اسکور 85* 164 گیندیں کرائیں 948 71,388 وکٹ 26 1,674 بولنگ اوسط 15.00 21.09 اننگز میں 5 وکٹ 2 131 میچ میں 10 وکٹ 0 41 بہترین بولنگ 8/43 10/42 کیچ/سٹمپ 4/– 452/–
ماخذ: کرکٹ آرکائیو، 2 دسمبر 2008

البرٹ ایڈون ٹروٹ (پیدائش:6 فروری 1873ء ایبٹس فورڈ، میلبورن، وکٹوریہ)|(وفات:30 جولائی 1914ء ولزڈن گرین، مڈل سیکس) ایسے منفرد کرکٹ کھلاڑی تھے جنھوں نے آسٹریلیا اور انگلینڈ دونوں کے لیے ٹیسٹ کرکٹ میں حصہ لیا تھا انھیں 1899ء میں وزڈن کے سال کے بہترین کرکٹ کھلاڑیوں میں سے ایک کے طور پر نامزد کیا گیا تھا۔ خیال کیا جاتا ہے کہ وہ واحد بلے باز ہیں جنھوں نے لارڈز پویلین کے اوپر سے گیند لگائی تھی وہ ایک ہی اول درجہ اننگز میں دو ہیٹ ٹرک کرنے والے صرف دو کھلاڑیوں میں سے ایک ہیں جبکہ دوسرے جوگندر راؤ ہیں۔ اپنی قابلیت کے باوجود، 5 ٹیسٹ سمیت 375 اول درجہ کے مقابلوں میں کھیلنے کے باوجود، جب انھوں نے 41 سال کی عمر میں خودکشی کر لی تو سب ان پر حیران ہوئے۔

ذاتی زندگی

ٹراٹ ایبٹس فورڈ، میلبورن، آسٹریلیا میں پیدا ہوا تھا۔ وہ اکاؤنٹنٹ ایڈولفس ٹروٹ اور ان کی اہلیہ مریم این (نی سٹیفنز) کے آٹھ بچوں میں سے ایک تھا۔ ان کے بڑے بھائی، ہیری ٹراٹ نے بھی آسٹریلیا کے لیے ٹیسٹ کرکٹ کھیلی۔ انھوں نے مقامی کیپولٹ کلب کے ساتھ جونیئر کرکٹ کھیلی اور پھر آسٹریلیا کے مقامی اول درجہ کرکٹ کے لیے شیفیلڈ شیلڈ میں وکٹوریہ کے لیے اکٹھے کھیلے۔

کرکٹ کیریئر

ٹراٹ کی کہانی آسٹریلوی کرکٹ کی تاریخ کے ایک عظیم معما کی نمائندگی کرتی ہے۔ وکٹوریہ کے لیے صرف تین اول درجہ میچوں کے بعد، وہ 1894-95ء میں ایڈیلیڈ میں تیسرے ٹیسٹ میں اے ای سٹوڈارٹ کی انگلینڈ ٹیم کے خلاف ٹیسٹ میچ کے لیے طلب کیے گئے، جس میں انھوں نے ایک شاندار آغاز کیا جس میں اپنی پھینکی ہوئی، گول بازو کی باؤلنگ سے 43 رنز کے عوض 8 وکٹیں حاصل کیں۔ اور 38 اور 72 رنز بنائے، دونوں دفعہ ناٹ آؤٹ رہے حالانکہ وہ 10 ویں نمبر پر بیٹنگ کر رہے تھے۔ آسٹریلیا نے یہ میچ 382 رنز سے جیت لیا۔ اس نے سڈنی میں چوتھے ٹیسٹ میں آسٹریلیا کی واحد اننگز میں 85 (دوبارہ ناٹ آؤٹ) اسکور کرکے اپنی ٹیم کو بھرپور تقویت دی۔ لیکن حیرت انگیز طور پر ٹروٹ کو کپتان جارج گفن نے باؤلنگ کرنے کے لیے نہیں کہا، انگلینڈ کو ہیری ٹروٹ، چارلی ٹرنر اور جارج گیفن نے دو بار کم سکور میں آؤٹ کیا جس کی بدولت آسٹریلیا نے ایک اننگز اور 147 رنز سے اس ٹیسٹ میں کامیابی سے سیریز 2-2 سے برابر کر دی۔ ٹروٹ نے میلبورن میں دوبارہ 5واں ٹیسٹ کھیلا، جسے انگلینڈ نے ایشز جیتنے کے لیے جیت کر دوسری اننگز میں صرف چار وکٹوں کے نقصان پر 297 رنز کے ہدف کا تعاقب کیا۔ البرٹ کے بھائی، ہیری ٹروٹ کو 1896ء میں انگلینڈ کا دورہ کرنے والی آسٹریلوی ٹیم کا کپتان نامزد کیا گیا تھا۔ انگلینڈ کے خلاف ٹیسٹ سیریز میں البرٹ کا بلے سے اوسط 102.5 کے باوجود اس دورے کے لیے منتخب نہیں کیا گیا۔ بہر حال، ٹراٹ 1896ء میں اسی جہاز پر آزادانہ طور پر انگلینڈ کے لیے روانہ ہوا جس میں آسٹریلوی مہمان ٹیم بھی سفر لر رہی تھی۔

انتقال

البرٹ ایڈون ٹراٹ' 30 جولائی 1914ء کو ولزڈن گرین، مڈل سیکس میں 41 سال اور 174 دن کی عمر میں رخصت ہوِئے۔

مزید دیکھیے

• کرکٹ
• ٹیسٹ کرکٹ
• آسٹریلیا قومی کرکٹ ٹیم
• آسٹریلیا کے ٹیسٹ کرکٹ کھلاڑیوں کی فہرست
• انگلستان قومی کرکٹ ٹیم
• انگلستان کے ٹیسٹ کرکٹ کھلاڑیوں کی فہرست
• وزڈن کرکٹرز آف دی ایئر کی فہرست
• وکٹوریہ کےاول درجہ کرکٹ کھلاڑیوں کی فہرست