امدادی خود کشی

آزاد دائرۃ المعارف، ویکیپیڈیا سے
Jump to navigation Jump to search

امدادی خود کشی ایک ایسی خود کشی کا نام ہے جو کسی شخص کی مدد سے انجام پائے، جو کئی بار ایک طبیب ہوتا ہے۔[1] اس اصطلاح کو کئی بار طبیبی امدادی خود کشی (فزیشن ایسیسٹیٹ سوئی سائڈ یا پی اے ایس) بھی کہا جاتا ہے، جس میں ایک ڈاکٹر کی جانب سے دیدہ و دانستہ طور ایک شخص کو یہ مشورہ دینا شامل ہوتا ہے کہ خود کشی کیسے انجام پائے، اس کے ذرائع کیا ہیں، مہلک ڈرگوں کی کتنی مقدار میں لیا جانا چاہیے، خوراک کا نسخہ فراہم کیا جانا چاہیے یا پھر ڈرگوں کی سربراہی انجام دینا چاہیے۔[2]

کینیڈا، بیلجیم، نیدرلینڈز، لکسمبرگ اور سویٹزرلینڈ اطبا کو اس بات کی اجازت ریتے ہیں کہ وہ بہ نفس نفیس مریضوں کو ان کی موت میں مدد کریں۔ ریاستہائے متحدہ امریکا میں چھ ریاستوں میں یہ قانونی گنجائش ہے کہ ایک شخص جس کی مطبی تشخیص یہ بتاتی ہے کہ وہ چھ ماہ یا اس سے کم وقت تک ہی زندہ رہے گا، یہ درخواست کر سکتا ہے کہ طبی طور پر اسے مہلک خوراک دی جائے تا کہ وہ خود اپنے طور پر پہل کر کے اپنی زندگی کو ختم کر سکتا ہے۔ اس اختیار کو امدادی خود کشی کی ایک قانونی شکل کے طور پر مختلف ریاستی قوانین کے تجت جائز رکھا گیا ہے۔ عرف عام اور تعزیرات کی رو سے غیر طبی خود کشی کو ریاستہائے متحدہ کے بیش تر حصوں میں غیر قانونی تسلیم کیا گیا ہے (کچھ ریاستوں میں اس صریح تعریف موجود نہیں ہے)۔[3]

کینیڈا کے سپریم کورٹ کے 2015ء کے فیصلے کے مطابق ڈاکٹروں کی جانب سے خودکشی کے لیے تعاون صرف ان ہی مریضوں کے لیے ہوگا جو بالغ ہوں گے اور ان کی لاعلاج بیماری کے باعث ان کی ناقابلِ برداشت تکلیف ختم کرنا نا گزیر ہوگا۔[4]

اس سلسلے میں ڈاکٹر ڈیتھ (موت کا ڈاکٹر) کے لقب سے مشہور ایک مغربی ڈاکٹر فِلِپ نے ’ڈیسٹنی’ نامی خودکشی میں مدد فراہم کرنے والی مشین ایجاد 2017ء میں کی، جس میں 91 فیصد نائٹروجن اور 9 فیصد کاربن مونو آکسائیڈ گیس کا استعمال کر کے لوگوں کو ان کے حتمی انجام تک پہنچایا جا سکتا ہے۔ تاہم کافی شہرت کے باوجود انہیں اس مشین کے فروخت کی اجازت نہیں دی گئی۔[5]

مزید دیکھیے[ترمیم]

حوالہ جات[ترمیم]

  1. Houghton Mifflin Harcourt Publishing Company۔ "American Heritage Dictionary Entry: assisted suicide"۔ ahdictionary.com۔ مورخہ 24 دسمبر 2018 کو اصل سے آرکائیو شدہ۔
  2. "EUTHANASIA AND ASSISTED SUICIDE (UPDATE 2007)" (پی‌ڈی‌ایف)۔ Canadian Medical Association۔ مورخہ دسمبر 19, 2011 کو اصل (پی‌ڈی‌ایف) سے آرکائیو شدہ۔
  3. Patients Rights Council۔ "Assisted Suicide Laws in the United States"۔ مورخہ 2017-11-11 کو اصل سے آرکائیو شدہ۔ اخذ شدہ بتاریخ 2017-11-18۔
  4. لاعلاج مریض ڈاکٹر کی مدد سے مر سکیں گے: کینیڈاسپریم کورٹ
  5. ڈاکٹر ڈیتھ کی خودکشی میں مدد کرنے والی مشین