انسویا دیوی

انسویا دیوی
معلومات شخصیت
تاریخ پیدائش	28 مارچ 1923ء
وفات	12 جون 1985ء (62 سال)
شہریت	بھارت
عملی زندگی
پیشہ	اکیڈمک
ویب سائٹ
ویب سائٹ	باضابطہ ویب سائٹ

متروسری انسویا دیوی (28 مارچ 1923–1985) جنہیں عرفِ عام میں اماں کہا جاتا ہے، بھارت کی ایک مذہبی گرو تھیں اور ان کا تعلق اندھرا پردیش سے تھا۔

ابتدائی زندگی

انسویا دیوی بھارت کی ریاست اندھرا پردیش کے ضلع گنتور کے علاقے جیلیلا مودی کی باسی تھیں۔ ان کے والد سیتھا پاٹھی راؤ منّاوا نامی دیہات کے افسر اور والدہ کا نام رنگاما تھا۔ سیتا پاٹھی راؤ کے ہاں پانچ بچے ضائع ہوئے اور پھر جا کر انسویا دیوی پیدا ہوئیں۔ ان کی پیدائش کے وقت ماتھے پر شنگرفی رنگ کا ایک نشان تھا۔

دو سال کی عمر میں انھوں نے پہلی بار کنول آسن بنایا۔

چھوٹی سی عمر سے ہی انھوں نے کھانا نہ مانگا اور نہ دیگر بچوں کی طرح دودھ کے لیے چیخ و پکار کی۔ اگر انھیں کھانا مل جاتا تو کھا لیتیں۔ اگر کوئی اور مستحق دکھائی دیتا تو اپنا کھانا اسے دے دیتیں۔ ڈاکٹروں نے بھی ان کا معائنہ کیا مگر سمجھ نہ سکے۔ اماں نے اپنی عمر کا زیادہ تر حصہ دوسروں کو کھلاتے پلاتے گزارا اور خود کھانے پر توجہ نہ دی۔

5 مئی 1936 کو اماں کی شادی بپتلا کے مقام پر برہمن دن راؤ سے ہوئی جو بعد میں جیلیلا مودی کے دیہاتی افسر بنے۔

خیراتی کام

جیلیلا مودی میں نوجوان عورت کے طور پر انھوں نے اپنے کنبے کی ضروریات پوری کیں جس میں دو بیٹے اور ایک بیٹی شامل تھے۔ گھریلو ذمہ داریوں کے علاوہ اماں نے غلے کا بینک بنایا جس سے غریبوں اور ضرورت مندوں کی امداد کی جاتی تھی۔ اس طرح انھیں اماں کا خطاب ملا۔

انھوں نے 15 اگست 1958 کو اجتماعی کھانے کے لیے عمارت بنائی۔ یہاں عام سا ویجیٹیرین کھانا دن رات لوگوں کو دستیاب رہتا ہے۔ 1960 میں مہمانوں اور مقامی افراد کے قیام کے لیے ‘مشترکہ گھر‘ بھی بنایا گیا۔

اماں نے 1966 میں سنسکرت اسکول بھی قائم کیا جو اب کالج اور ہائی اسکول بن چکا ہے اور تھوڑے ہی عرصے میں طلبہ روانی سے سنسکرت بولنے لگے۔

اماں کو لوگوں کا صرف اچھا پہلو دکھائی دیتا تھا اور برے پہلو سے وہ پہلو تہی کرتی تھیں۔

وفات

اماں 12 جون 1985 کو فوت ہوئیں۔ ان کی یاد میں ایک مندر بنایا گیا جس میں 1987 میں اماں کا قدِ آدم مجمسہ لگایا گیا۔