اوریانا فلاچی

اوریانا فلاچی
(اطالوی میں: Oriana Fallaci)
معلومات شخصیت
پیدائش	29 جون 1929  فلورنس
وفات	15 ستمبر 2006 (77 سال)  فلورنس
وجہ وفات	پھیپھڑوں کا سرطان
طرز وفات	طبعی موت
شہریت	اطالیہ (18 جون 1946–15 ستمبر 2006) مملکت اطالیہ (29 جون 1929–18 جون 1946)
عملی زندگی
پیشہ	جنگی نامہ نگار،  سیاست دان،  مصنفہ،  صحافی،  سازشی نظریہ ساز
مادری زبان	اطالوی
پیشہ ورانہ زبان	اطالوی
شعبۂ عمل	صحافی
ویب سائٹ
ویب سائٹ	باضابطہ ویب سائٹ
	IMDB پر صفحہ

اوریانا فلاچی

اطالوی صحافی۔ خاص طور پر انٹرویوز کی وجہ سے معروف و متنازع رپوٹر۔ اوریانہ فلاچی کو پہلی شناخت دوسری جنگ عظیم کے دوران فاشزم مخالف صحافی کے طور پر ملی اور انہوں نے اس زمانے میں جنگ کے انتہائی خطرناک میدانوں سے بڑی بے خوفی سے رپورٹنگ کی۔ جنگ ختم ہونے کے بعد انہوں نے دنیا کے معروف اور انتہائی متنازع اور سخت گیر تصور کی جانے والی شخصیات سے انٹرویو کیے۔ ان انٹرویوز میں ان کے سوال اور انداز نے جوابوں سے کہیں زیادہ مقبویت حاصل کی۔

انہوں سے جن لوگوں سے انٹرویو کیے، ان میں ایرانی انقلاب کے سربراہ آیت اللہ خمینی، فلسطینی رہنمایاسر عرفات، امریکی وزیر خارجہ ہنری کیسینجر اور پاکستان کے وزیر اعظم ذوالفقار علی بھٹو بھی شامل تھے۔ امریکی وزیرِ خارجہ کیسینجر نے بعد میں اس انٹرویو کو اپنی زندگی میں کبھی کسی صحافی سے ہونے والی ’انتہائی تباہ کن گفتگو‘ قرار دیا۔

اوریانہ نے اپنی اسی خُو کا اظہار گیارہ ستمبر اور نیو یارک اور واشنگٹن کے حملوں پر بھی کیا۔ ان حملوں کے فوراً بعد لکھتے ہوئے انہوں نے اسلام کو جابرانہ اوریورپ میں رہنے والے عرب تارکینِ وطن کو متعصب قرار دیا۔ وقت گزرنے کے ساتھ ساتھ ان کے رویّے میں مزید سختی آئی اور انہوں نے اسلام کو آزادی کا مخالف نفرت بھرا مذہب بھی قرار دیا۔ انہیں کئی بار اپنے خیالات کی وجہ سے عدالتوں کا کارروائی کا بھی سامنا کرنا پڑا۔ ان کے خیالات کی وجہ سے بعض اوقات ان لوگوں کو بھی خفت اٹھانا پڑی جو مختلف عقائد کے درمیان تفہیم و مفاہمت کی کوششیں کر رہے تھے۔ تاہم انہوں نے کبھی معذرت خواہی کی ضرورت محسوس نہیں کی۔

فلورنس کے ایک ہسپتال میں کینسر کی وجہ سے موت واقع ہوئی۔