ایروفیلوس

ایروفیلوس
(قدیم یونانی میں: Ἡρόφιλος)
معلومات شخصیت
پیدائش	سنہ 335 ق مء   خلقیدون
وفات	سنہ 280 ق مء   اسکندریہ
عملی زندگی
پیشہ	طبیب ،  ماہر امراضِ نسواں ،  عالم تشریح
پیشہ ورانہ زبان	قدیم یونانی

ایروفیلوس (انگریزی: Herophilos؛ یونانی: Ἡρόφιλος؛ 335 – 280 ق م) قدیم یونانی طبیب تھے جنھیں تاریخ کا ابتدائی ترین عالمِ تشریح (اناٹومسٹ) مانا جاتا ہے۔ ان کی پیدائش خلقیدون میں ہوئی لیکن انھوں نے اپنی زندگی کا بیشتر حصہ اسکندریہ میں گزارا۔

ایروفیلوس وہ پہلے شخص تھے جنھوں نے انسانی لاشوں کی باقاعدہ سائنسی تشریح کی۔ انھوں نے اپنی تحقیقات پر مبنی نو سے زائد تصانیف قلم بند کیں، مگر یہ سب آج ناپید ہیں۔ ابتدائی مسیحی مصنف طرطلیان نے دعویٰ کیا ہے کہ ایروفیلوس نے کم از کم 600 زندہ قیدیوں پر تجرباتی تشریح و تقطیع انجام دی، تاہم کئی مؤرخین نے اس روایت کو مشتبہ یا مبالغہ آمیز قرار دیا ہے۔

انھیں عام طور پر ”علم التشریح کا بانی“ تصور کیا جاتا ہے۔