ایڈورڈ ہملٹن ایٹکن

ایڈورڈ ہملٹن ایٹکن
(انگریزی میں: Edward Hamilton Aitken)
معلومات شخصیت
پیدائش	16 اگست 1851ء   ستارا (شہر) ،  بمبئی پریزیڈنسی
وفات	11 اپریل 1909ء (58 سال)  ایڈنبرا ،  اسکاٹ لینڈ
شہریت	متحدہ مملکت برطانیہ عظمی و آئر لینڈ
اولاد	جیسی ہیلن ایٹکن
عملی زندگی
مادر علمی	ممبئی یونیورسٹی
تعلیمی اسناد	ایم اے
پیشہ	مصنف ،  فطرت پسند ،  ماہر حیوانیات
پیشہ ورانہ زبان	انگریزی
باب ادب

ایڈورڈ ہملٹن ایٹکن (انگریزی: Edward Hamilton Aitken) (پیدائش: 16 اگست 1851ء - وفات: 11 اپریل 1909ء) برطانوی سول سرونٹ، مزاح نگار، ماہر حیوانات اور نیچرل ہسٹری کے ماہر تھے۔ وہ ہندوستان کی نیچرل ہسٹری پر تحریروں کی وجہ سے شہرت رکھتے تھے۔ انھوں نے ہندوستانی نیچرل ہسٹری پر لاتعداد کتابیں تحریر کیں اور بمبئی نیچرل ہسٹری سوسائٹی کے بانی تھے۔

حالات زندگی

ایڈورڈ ہملٹن ایٹکن 16 اگست 1851ء کو ستارا، بمبئی پریزیڈنسی میں پیدا ہوئے۔ ان کے والد ریو جیمس ایٹکن فری چرچ آف اسکاٹ لینڈ کے مشنری تھے۔ ایڈورڈ ایٹکن نے ابتدائی تعلیم اپنے والد سے حاصل کی۔ بی اے اور ایم اے کی اسناد ممبئی یونیورسٹی سے حاصل کیں۔ لاطینی زبان کی تعلیم دکن کالج، پونہ سے حاصل کی۔ اس کے علاوہ انھوں یونانی زبان میں بھی مہارت حاصل کی۔ ملازمت کی شروعات 1876ء میں حکومت بمبئی کے کسٹم اینڈ سالٹ ڈیپارٹمنٹ سے کی۔ اس محکمہ میں رہتے ہوئے ہندوستان کے مختلف شہروں ارن، اتر کنڑ، رتناگریسمیت دیگر علاقوں میں خدمات انجام دیں۔ 1903ء میں ان تعیناتی کراچی میں ہوئی۔ یہاں وہ کسٹم اینڈ سالٹ کے محکمہ میں چیف کلیکٹر مقرر ہو گئے۔ نومبر 1905ء میں کو سندھ کے گزیٹیئر کی ترتیب کے لیے سپریٹنڈنٹ انچارج مقرر ہوئے۔ یہ گزیٹیئر Gazetteer of Province of Sindh کے نام سے 1907ء شائع ہوا۔ یہ گزیٹیئر دو حصوں پر مشتمل ہے۔ پہلا حصہ سندھ کی جاگرافی، آثار قدیمہ، تاریخ کے موضوعات پر مشتمل مواد پر مبنی ہے ۔ جبکہ دوسرا حصہ اضلاع پر مبنی ہے۔ اس حصہ میں تجارت، تعلیم، انڈسٹری، صحت، روینیو سمیت قبیلوں، قوموں اور تاریخی آثاروں پر مواد شامل ہے۔ ایٹکن اگست 1906ء میں ملازمت سے سبکدوش ہوئے۔ 1907ء میں انھوں نے ہندوستان کو الوداع کہا۔ چوں کہ وہ ماہر حیوانات تھے اسی لیے انھوں نے اپنے گھر میں جانور بھی پال رکھے تھے جس کی وجہ سے ان کا بہت سا وقت ان جانوروں کے ساتھ گزرتا تھا۔ انھوں 15 ستمبر 1883ء کو بمبئی نیچرل ہسٹری سوسائٹی کی بناد رکھی۔ اس سوسائٹی کے میوزیم کے ساتھ کام کیا۔ 1886ء سے 1895ء تک وہ جرنل آف دی بمبئی نیچرل ہسٹری سوسائٹی کے ایڈیٹر رہے۔

تصانیف

• An Indian Naturalist's Foreign Policy 1883
• Behind the Bungalow 1889
• The Naturalist on the Prowl 1894
• The Five Windows of the Soul 1898
• The Common Birds of Bombay 1900
• The Tribes on my Frontier 1904
• Gazetteer Of The Province Of Sindh 1907

ایڈن برگ واپسی کے بعد انھوں نے پرندوں پر Strand Magazine میں مضامین کی سیریز تحریر کیے.

وفات

ایڈرورڈ ہملٹن ایٹکن 11 اپریل 1909ء کو ایڈنبرگ، اسکاٹ لینڈ میں وفات پا گئے۔

بیرونی روابط

• Official website
• Conservation Education Centre -- Education wing of the BNHS
• Wild enthusiasm Sarika Mehta, 18 March 2005, The Hindu Business Line