باب:تمل سنیما/Selected Article/1

میرسل (اردو: برق رفتار) 2017ء میں جاری ہونے والی ایک بھارتی تمل فلم ہے۔ اس فلم کے ہدایت کار اور شریک مصنف اٹلی کمار ہیں اور مصنف کے وی وجیندرا پرساد ہیں۔ اس فلم کے ستارے وجے، سامنتھا اکنینی، کاجل اگروال، نتیا مینن اور ایس جے سوریا ہیں۔ اس فلم کی موسیقی اے آر رحمان نے سنبھالی۔ یہ فلم دانندال اسٹوڈیو لیمیٹڈ کی پروڈیوس کی گئی 100ویں فلم ہے، جو 18 اکتوبر 2017ء کو جاری کی گئی۔

اس فلم کے تیلگو ورژن کا نام ادی رندی ہے، جو 9 نومبر 2017ء کو جاری کیا گیا۔ اس فلم میں وجے پہلی بار تین کرداروں میں نظر آئے۔ یہ فلم 251₹ کروڑ کماتے ہوئے وجے کے کیریئر کی سب سے زیادہ کمائی کرنے والی فلم بنی جبکہ یہ پانچویں سب سے زیادہ پیسے کمانے والی تمل فلم ہے۔ یہ فلم 2018ء کے آخر میں گولڈمائن ٹیلی فلمز کی طرف سے ہندی میں ڈب کی جائے گی۔ ایچ جی سی انٹرٹینمنٹ اس فلم کو چین میں 6 دسمبر، 2018ء کو جاری کرے گی۔ یہ پہلی تمل فلم ہے جو چین میں ریلیز ہونے جارہی ہے۔