بال بھارتی

بال بھارتی
مہاراشٹر میں درسی کتابوں کی تیاری اور نصاب تعلیم کی تحقیق کا سرکاری ادارہ
معلومات
تاسیس	1967ء
نوع	حکومتی ادارہ
محل وقوع
إحداثيات	18°31′04″N 73°48′53″E
شہر	پونے
ملک	بھارت
شماریات
ویب سائٹ	www.balbharati.in

بال بھارتی بھارت کے صوبہ مہاراشٹر میں درسی کتابوں کی تیاری اور نصاب تعلیم کی تحقیق کا ایک سرکاری ادارہ ہے جو صوبہ مہاراشٹر کے شہر پونہ میں واقع ہے۔

تاریخ

حکومت مہارشٹر نے 27 جنوری 1967ء میں کوٹھاری کمیشن کی سفارشوں کے تحت یہ ادارہ قائم کیا۔ اس ادارے کے قیام کا مقصد یہ تھا کہ پہلی جماعت سے آٹھویں جماعت تک پڑھائی جانے والی درسی کتابوں کا معیار بلند کیا جا سکے اور عوام کے لیے ان کتابوں کو مناسب قیمتوں پر مہیا کیا جائے۔ بال بھارتی ایک خود مختار ادارہ ہے جسے پبلک ٹرسٹ ایکٹ 1950ء اور سوسائیٹیز رجسٹریشن ایکٹ 1860ء کے تحت قائم کیا گیا ہے۔

ادارتی عملہ

ادارتی عملہ میں حسب ذیل ارکان موجود ہیں :

• وجے واد
• گجانن چاولن
• ایچ جے نرلاوار
• راجیو ٹمبے
• دلپ پھلٹانکر
• شری کانت چوگلے
• مادھو راج گرو

آن لائن فراہمی

بسا اوقات تعلیمی سال شروع ہو جانے کے بعد بھی طلبہ کو اسکولوں سے درسی کتابیں نہیں مل پاتیں، چنانچہ بال بھارتی نے اپنی درسی کتابوں کے نسخے اپنی ویب گاہ پر رکھے ہیں جہاں انھیں بآسانی حاصل کیا جا سکتا ہے۔ پہلی تا آٹھویں جماعت تک درسی کتابیں بال بھارتی کی ویب گاہ پر دستیاب ہیں۔ اس وقت آٹھ زبانوں — اردو، مراٹھی، انگریزی، ہندی، کنڑ، تیلگو، سندھی اور گجراتی میں یہ کتابیں دستیاب ہیں۔ نیز صوبہ مہاراشٹر کے ہر ضلع کے لیے تیسری جماعت کے جغرافیہ میں میرا ضلع نامی 35 کتابیں بھی مہیا کی گئی ہیں۔

بیرونی روابط

• بال بھارتی کی دفتری ویب گاہآرکائیو شدہ بذریعہ balbharati.in