بدر الدین سرہندی

ملا بد الدین سرہندی مولف و مترجم جو امام ربانی مجدد الف ثانی کے خلیفہ تھے۔

آپ کے والد کا نام شیخ ابراہیم سرہندی قادری مخزنی تھا۔ انہی سے تحصیل علوم کی۔ مجدد الف ثانی سے منسلک ہونے سے پیشتر سلسلہ قادریہ میں بیعت و اجازت اپنے والد سے حاصل تھی۔ مجدد الف ثانی سے ہی انھوں نے شرح موافق، بیضاوی اور عضدی جیسی بلند پایہ کتابیں پڑھیں تھیں۔ اس لیے انھیں روحانی تربیت کے ساتھ ظاہری علوم میں بھی حضرت سے تلمذ کا شرف حاصل تھا۔ نوجوانی ہی میں مجدد الف ثانی سے وابستہ ہونے کا ذکر خود فرمایا اور پھر اتنا قرب میسر آیا کہ جلوت و خلوت میں حضرت مجدد کے ہمراہ رہنے لگے۔ حضرت مجدد نے خلافت سے سرفراز فرمایا تو اپنے سن رسیدہ چچا شیخ محمد کو بھی تلقین ذکر کی تعلیم دی۔ حضرت مجدد کے کئی مکتوبات بھی ان کے نام ہیں۔

تالیفات

• حضرات القدس مجدد الف ثانی کی سوانح عمری جو ثقاہت کے اعتبار سے عالمی شہرت کی حامل ہے۔
• سیر احمدی مجدد الف ثانی کی سوانح عمری جو ان کی زندگی میں ہی تالیف ہوئی۔ اس پر خود حضرت مجدد نے نظر ثانی فرمائی اور اسی کو حضرت مجدد کی اولین سوانح ہونے کا شرف حاصل ہے۔ اس کا مسودہ چوری ہو گیا تھا۔
• وصال احمدیاس میں حضرت مجدد الف ثانی کے ایام وصال کے احوال، آپ کے انتقال سے قبل اور بعد خوارق عادات کے ظاہر ہونے کا ذکر ہے۔ اس رسالہ سے صاحب زبدۃ المقامات نے بھی استفادہ کیا۔ یہ رسالہ طبع شدہ ہے۔
• کرامات اولیاء اولیاء اللہ کی کرامات بعد از وفات کے اثبات میں۔
• مجمع الاولیاءاس میں ایک ہزار پانچ سو اولیاء کرام کے حالات بیان کیے گئے ہیں۔
• سنوات الاتقیاءاس میں حضرت آدم سے لے کر زمانہ تالیف تک کے صلحائے امت کے سنین وفات مع مختصر مناقب درج کیے گئے ہیں۔
• فتوح الغیب کتاب فتوح الغیب کا فارسی ترجمہ۔
• روائح صوفیا کی اصطلاحات و اشغال پر مبنی کتاب
• مقامات غوث الثقلین

کتاب بہجۃ الاسرار کا فارسی ترجمہ۔

• روضۃ النواظر غوث اعظم کے مناقب پر مشتمل کتاب۔
• ترجمہ تفسیر عرائس البیان

شیخ روز بہان بقلی کی تفسیر کا ترجمہ

اولاد

• ملا محمد شاکر سرہندی
• ملا محمد افضل سرہندیان کے نام مکتوبات معصومیہ میں خواجہ محمد معصوم کے دو مکتوبات ملتے ہیں۔
• شیخ محمد خواجہ محمد سعید کی کرامات میں سے چند ایک انھوں نے جمع کی تھیں۔