بڑا پن کوا

بڑا پن کوا
برطانیہ میں
بقا کی صورت حال
کم تشویشناک  (IUCN 3.1)
سائنسی درجہ بندی
اقلیم:	حیوانات
قوم:	حبلیات
جماعت:	Aves
فصیلہ:	Suliformes
خاندان:	Phalacrocoracidae
جنس:	Phalacrocorax
نوع:	P. carbo
دہرا نام
Phalacrocorax carbo (لینیس، 1758)
P. carbo کی حدود   نسل کَش   مقامی   مہاجر   غیر نسل کَش
ہم نام
Pelecanus carbo Linnaeus, 1758

بڑا پن کوا (انگریزی: Great cormorant، سائنسی نام: Phalacrocorax carbo) پن کوؤں کے خاندان کا دنیا بھر میں پائے جانے والا سمندری پرندہ ہے۔ برطانیہ میں گورے اسے ”کارمورَنٹ“ کہتے ہیں جبکہ نیوزی لینڈ میں اسے ”بلیک شاگ“ کہا جاتا ہے۔ ماضی میں اسے شمالی نصف کرے میں ”بڑا سیاہ پَن کَوّا“ اور آسٹریلیا میں ”سیاہ پَن کَوّا“ بھی کہا جاتا رہا ہے۔ یہ پرندہ یورپ، ایشیا اور افریقا، آسٹریلیشیا اور شمالی امریکا کے اوقیانوسی ساحلوں کے وسیع علاقوں میں افزائش کرتا ہے۔

حجم

گھریلو بطخ۔

شناخت

مکمل طور پر کالا، آبی پرندہ، تمام پن کوؤں میں سب سے بڑا۔ افزائش نسل کے موسم میں سر، گردن اور ران کے احاطے کا حصہ سفید ہو جاتا ہے، جو اڑنے کے درمیان واضح ہو جاتا ہے۔ گردن کے نیچے ایک ہلکے پیلے رنگ کی تھیلی نما حصہ بھی ہوتا ہے۔ نا بالغ پرندے اوپر بھورے اور نیچے سفید ہوتے ہیں۔ جو عموماً چار سال کی عمر میں بالغ ہوتے ہیں۔

مسکن

مقامی اور نقل مکانی، تقریباً تمام آبی مقامات میں سطح سمندر سے 3000 میٹر کی بلندی تک پائے جاتے ہیں۔

عادات و اطوار

تنہا (سنگل)، جوڑے یا کبھی کبھی بڑے جھنڈ میں عموماً بڑے تالابوں، جھیل اور سمندری لگون وغیرہ میں ملتے ہیں۔

غذا

عموماً صرف مچھلی۔

افزائش نسل کا موسم

ستمبر سے فروری تک، مقامی حالات کے تحت۔

گھونسلا

تنکے و جھاڑیوں کا بنا بڑا گھونسلا جو دیگر آبی پن کوے، بگلے وغیرہ کے ہمراہ بڑی بڑی کالونی (Heronries) میں بناتے ہیں۔ انڈے 3 سے 6 سفیدی مائل۔ نر و مادہ دونوں انڈے سیتے ہیں اور چوزوں کو غذا فراہم اور ان کی نگہداشت کرتے ہیں۔

بقا کی صورت حال

فی الحال محفوظ۔ مگر آبی مقامات کی کمی اور بڑھتی کثافت سے خطرہ لاحق ہے۔