بھارت کا ریاستی نشان

بھارت کا ریاستی نشان
تفصیلات
استعمال کنندہ	بھارت
منظوری	26 جنوری 1950ء
شعار	ستیہ میو جیتے ("سچ ہی کی جیت ہے")

بھارت کے ریاستی نشان (ہندی: भारत का राजचिन्ह) کو بھارت کا قومی نشان بھی کہا جاتا ہے جس میں لکھا ہوا ہے (ہندی: सत्यमेव जयते - ستّیمَیو جَییتے)۔ دسمبر 1947ء کو وارانسی کے قریب واقع سارناتھ میوزیم، سارناتھ میں محفوظ اشوک کے شیر کے نشان کو بھارت ڈومینین کے قومی نشان کے طور پر اپنایا گیا۔ اس نشان کی موجودہ شکل 26 جنوری 1950ء کو طے کی گئی اور اسی دن بھارت ایک جمہوریہ قرار پایا تھا۔

تاریخ

سنہ 1947ء میں جوں ہی ہندوستان کی آزادی کے دن قریب آئے، جواہر لعل نہرو نے سول سروینٹ اور مجاہد آزادی بدر الدین طیب جی کو ایک مناسب قومی نشان تلاش کرنے کا ذمہ سونپا۔ مناسب ڈیزائن کے لیے ملک بھر میں موجود آرٹ اسکولوں سے رابطہ کیا گیا لیکن کہیں بھی کوئی موزوں نشان نہ مل سکا، سارے نشانوں میں برطانوی راج کی جھلک دکھائی دیتی تھی۔ بالآخر راجیندر پرشاد کی نمائندگی میں پرچم کمیٹی کے ساتھ ہی طیب جی اور ان کی اہلیہ نے نشان اشوک کی تجویز دی۔ نشان اشوک میں اوپر چار شیر اور نیچے اشوک چکر ہے جسے ایک سانڈ اور ایک گھوڑا ڈھکیل رہے ہیں۔ طیب جی کی اہلیہ ثریا نے اسے ڈیزائن کیا اور وائسرائے لاج میں طباعت کے لیے بھیجا۔ یہ ڈیزائن منتخب کر لیا گیا اور اسے نشان ہند کا نام دیا گیا اور تب سے حکومت ہند اسے اپنے ریاستی نشان کے طور پر استعمال کرتی ہے۔

استعمال اور تفصیل

یہ نشان حکومت ہند کے سرکاری لیٹر ہیڈ پر بنا ہوتا ہے اور کاغذی کرنسی پر بھی چھپا ہوتا ہے۔ اسے بھارت کے قومی نشان کے طور پر متعدد جگہ استعال کیا جاتا ہے اور بھارتی پاسپورٹ میں بھی نمایاں طور پر موجود ہوتا ہے۔ اسی نشان میں نیچے کی جانب موجود اشوک چکر کو پرچم بھارت کے وسط میں بھی رکھا گیا ہے۔ نیز بھارت کا ریاستی نشان (نازیبا استعمال کی ممانعت) قانون، 2005ء کے تحت اس ریاستی نشان کے استعمال کے حدود و ضوابط متعین کیے گئے ہیں۔

سارناتھ میں محفوظ نشان میں چار ایشیائی ببر شیر ایک دوسرے کی جانب پیٹھ کیے دائرہ بنا کر کھڑے ہیں۔ یہ چاروں شیر طاقت، حوصلہ، عزم اور فخر کو ظاہر کرتے ہیں۔ ان چاروں شیروں کے نیچے ایک گھوڑا اور ایک سانڈ ہے اور درمیان میں ایک دائرہ (دھرم چکر) ہے۔ نشان کی حتمی شکل میں تین شیر دیکھے جا سکتے ہیں جبکہ چوتھا نظر نہیں آتا۔ اشوک چکر وسط میں نمایاں ہے اور اس کے دائیں جانب سانڈ ہے اور بائیں جانب پھلانگتا ہوا گھوڑا ہے۔ ستون کی سل کے نیچے گھنٹی نما کنول ہے۔ ستون کے ٹھیک نیچے دیوناگری میں ستیہ میو جیتے کندہ ہے۔ یہ عبارت اپنیشد سے لی گئی ہے۔ جو ویدوں کی شرح ہے۔

• 
  اشوک کا اصلی شیر کا نشان
• 
  کولکاتا کے میوزیم میں ستون اشوک
• 
  ابتدائی تصویر۔
• 
  ٹائم آف ڈسکوری کی فوٹوگرافی۔
• 
  سارناتھ میں اشوک کا ستون۔

قومی اداروں کے نشان

• 
  بھارتی عدالت عظمیٰ کانشان
• 
  سی بی آئی کا نشان
• 
  ریسرچ اینڈ انلائیسس ونگ کا نشان

تاریخی نشان اور مہر

قبل از برطانوی ہند

• 
  مغلیہ سلطنت کی مہر
• 
  ایسٹ انڈیا کمپنی

ہندوستان میں برطانوی حکومت

• 
  مملکت متحدہ کا کورٹ آف آرم کو مملکت متحدہ کی پارلیمان سے جاری تمام مطبوعات اور ترسیلات میں (1858-تا 1952ء) استعمال کیا گیا۔
• 
  ستارہ ہندوستان، برطانوی دور میں مستعمل سرکاری نشان۔

ہندوستان میں پرتگالی راج

• 
  پرتگالی ہند (1600-1935ء کا نشان)
• 
  پرتگالی ہند (1935-1961ء) کا لیزر کوٹ
• پرتگالی ہند (1935-1951ء) کا گریٹر کوٹ
  پرتگالی ہند (1935-1951ء) کا گریٹر کوٹ
• 
  پرتگالی ہند (1935-1961ء) کا گریٹر کوٹ))

ہندوستان میں فرانسیسی راج

• 
  فرانسیسی ہند (1912–1954ء) کا کوٹ آف آرم

بھارت ڈومینین

• 
  اگست تا دسمبر 1947ء ڈومینین بھارت کے ذریعہ استعمال شدہ مملکت متحدہ کا کوٹ آف آرم
• 
  دسمبر 1947ء تا جنوری 1950ء ڈومنین بھارت کا نشان
• 
  مجلس قانون ساز کا نشان

مزید دیکھیے

• بھارت کے ریاستی نشانوں کی فہرست
• بھارت کی قومی علامات
• بھارتی ریاستوں اور یونین علاقوں کی علامتوں کی فہرست