بہاولنگر ریلوے اسٹیشن

آزاد دائرۃ المعارف، ویکیپیڈیا سے
بہاولنگر ریلوے اسٹیشن
Bahawalnagar Jn railway station
محل وقوعبہاولنگر
مالکوزارت ريلوے
لائن(لائنیں)سمہ سٹہ-امروکہ برانچ لائن
روابطبہاولنگر-فورٹ عباس برانچ لائن
دیگر معلومات
اسٹیشن کوڈBWU[1]
تاریخ
سابقہ نامگریٹ انڈین جزیرہ نما ریلوے

بہاولنگر ریلوے اسٹیشن پاکستان کے شہر بہاولنگر میں واقع ہے۔

تاریخ[ترمیم]

بہاولنگر ریلوے اسٹیشن نے بہاولپور ریاست کی تعمیر و ترقی میں کلیدی کردار ادا کیا، خاص طور پر 1952 میں بننے والے ضلع بہاولنگر میں خوشحالی بھی اسی ریلوے اسٹیشن کی مرہون منت رہی۔ یہ ریلوے اسٹیشن 1894 میں رجھان والی ریلوے اسٹیشن کے نام سے قائم کیا گیا تھا، جسے 1901 میں نواب محمد خان نے بہاولنگر ریلوے جنکشن میں تبدیل کیا۔ لیکن آج کل یہ ریلوے اسٹیشن کسی اجڑے دیار کا نمونہ پیش کررہا ہے کیونکہ یہاں کوئی ریل گاڑی نہیں آتی۔ اس ریلوے ٹریک پر سمہ سٹہ سے امروکہ تک ایک ریل گاڑی چلتی تھی، جسے 26 جولائی 2011 کو بند کردیا گیا تھا۔ آج بھی ریلوے کا وکو شیڈ، پاور ہاؤس اور ٹرن ٹیبل اس اسٹیشن کے عہد رفتہ کی یاد دلاتا ہے۔ کچھ فاصلے پر موجود ریلوے ریسٹ ہاؤس کی شاندار عمارت بھی پرانے وقتوں کی کہانی سنا رہی ہے۔

اس ریلوے اسٹیشن کے احاطے میں 1935 سے 1938 تک جو تعمیرات ہوئیں ان میں اسٹاف کالونی، ریلوے اسپتال، ڈی سی پاور اسٹیشن، ڈاک بنگلہ، کھیل کا میدان، قبرستان، ڈانس کلب، ریلوے ورکشاپ، ریلوے پولیس تھانہ شامل ہیں۔ لیکن اب ان سب پر ویرانیوں کے ڈیرے ہیں۔ بہاولنگر ریلوے کالونی میں ملازمین کے 543 کواٹرز میں قیام پذیر چند بڑے لوگوں کے کار خاص مقیم ہیں، جبکہ مریضوں بالخصوص بچوں کےلیے تعمیر کیا گیا اسپتال بھی حکمرانوں کی بے حسی کا المیہ بیان کررہا ہے۔ ریلوے کی زمین پر بڑے زمینداروں کے جانور چر رہے ہیں جبکہ حفاظتی دیواروں کی اینٹیں صاحبان اقتدار کے گھروں کو جانے والی سڑکوں کی تعمیر میں استعمال ہوچکی ہیں۔ 1938 میں یہاں پاور اسٹیشن قائم کیا گیا تھا۔ اب صورتحال یہ ہے کہ یہ ریلوے اسٹیشن بلوں کی عدم ادائیگی کے باعث بجلی سے بھی محروم ہے۔

بہاولنگر سے گزرنے والی ریلوے لائن جنوبی پنجاب ریلوے کمپنی کے زیراہتمام تعمیرکرائی گئی۔ 257 کلومیٹر طویل ریلوے لائن دہلی، بھٹنڈا اور سما سٹہ کے درمیان چلتی تھی۔ اس کا مغربی حصہ پاک بھارت بارڈر کے ساتھ سما سٹہ سے امروکہ تک بچھایا گیا تھا، جو بغداد الجدید، خیرپور، ٹیموالی، قائم پور، حاصل پور، چشتیاں، بہاولنگر اور منڈی صادق گنج اسٹیشن سے ہوتا ہوا مختلف ریلوے لائنوں کے ذریعے فیروزپور اور امروکہ اسٹیشن سے ملتا تھا۔ یہ ریلوے لائن ریاست بہاولپور کی ملکیت تھی، جسے دربار لائن کے نام سے یاد کیا جاتا تھا۔ فورٹ عباس اور بہاولنگر کے درمیان 112 کلومیٹر طویل ریلوے لائن 1928 میں بچھائی گئی۔ جس کے باعث کسانوں کےلیے نئی غلہ منڈیاں قائم ہوئیں۔ اس دوران کھچی ولا، فقیر والی، ہارون آباد اور ڈونگہ بونگا کی غلہ منڈیاں پورے پنجاب میں مشہور تھیں، لیکن ریلوے لائن کی بندش سے غلہ منڈیاں ویران ہونے لگیں۔ اب صورت حال یہ ہے کہ منڈی ڈب سناٹیکا کا ریلوے اسٹیشن اور ریلوے لائن گندے پانی کے جوہڑ میں تبدیل ہوچکی ہے۔

بہاولنگر ریلوے اسٹیشن کا عروج کا زمانہ 1935 تھا، جب درجنوں ریل گاڑیاں کراچی، دہلی اور لاہور کو جاتی تھیں۔ کوئٹہ سے دہلی جانے والی مسافر گاڑی بھی اسی اسٹیشن سے گزرا کرتی تھی۔ چوبیس گھنٹے اس ریلوے اسٹیشن پر چہل پہل ہوا کرتی تھی۔ قیام پاکستان کے بعد بھی یہ ریلوے جنکشن کاروباری اعتبار سے انتہائی اہم رہا۔ 1965 کی پاک بھارت جنگ کے دوران سیلمانکی سیکٹر میں پاکستان کی فتوحات میں اس ریلوے جنکشن اور ٹریک کا کردار بھی نمایاں تھا، جس کے ذریعے سے پاک فوج کو بروقت اور محفوظ کمک ملتی رہی۔ 1980 تک اس ریلوے اسٹیشن نے اپنے ماضی کی روایات کو برقرار رکھا، لیکن اس کے بعد یہاں ویرانیوں کے آسیب نے ڈیرے ڈال لیے۔

1980 تک اس ریلوے اسٹیشن پر 16 ریل گاڑیاں آکر ٹھہرتی تھیں۔ یہاں چوبیس گھنٹے خوب چہل پہل رہا کرتی تھی۔ لیکن اب یہاں بڑے روٹس کی گاڑیاں تو دور عوامی ایکسپریس اور لوکل گاڑیاں بھی نہیں آتیں۔ سال 2000 تک اس ریلوے اسٹیشن پر صرف دو گاڑیاں آکر ٹھہرتی تھیں، لیکن بہاولنگر سے فورٹ عباس تک جانے والی ریل گاڑی کو 2002 میں بند کردیا گیا جبکہ سمہ سٹہ سے امروکہ ٹرین کو 2011 میں بند کردیا گیا۔


مزید دیکھیے[ترمیم]

حوالہ جات[ترمیم]


سمہ سٹہ-امروکہ برانچ لائن[ترمیم]

km
کراچی-پشاور ریلوے لائن
0 سمہ سٹہ جنکشن ریلوے اسٹیشن
19 بغداد ریلوے اسٹیشن
46 لال سوہانرا ریلوے اسٹیشن (see لال سہانرا)
62 اسرانی ریلوے اسٹیشن
73 ٹامیوالی ریلوے اسٹیشن
90 شیخ وھان ریلوے اسٹیشن
106 حاصل پور ریلوے اسٹیشن
123 بخشن خان ریلوے اسٹیشن
139 چشتیاں ریلوے اسٹیشن
159 مدرسہ ریلوے اسٹیشن
183 بہاولنگر ریلوے اسٹیشن
to ہارون آباد, فورٹ عباس
-- منچن آباد ریلوے اسٹیشن
234 منڈی صادق گنج جنکشن ریلوے اسٹیشن
246 صوبھا والا ریلوے اسٹیشن
257 امروکہ ریلوے اسٹیشن

بہاولنگر-فورٹ عباس برانچ لائن پراسٹیشنز[ترمیم]

بہاولنگر – فورٹ عباس برانچ لائن پر درج ذیل ریلوے اسٹیشن ہیں

بیرونی روابط[ترمیم]

پاکستان ریلویز
پچھلا اسٹیشن

بہاولنگر ریلوے اسٹیشن اگلا اسٹیشن
'