بیلنسکی

آزاد دائرۃ المعارف، ویکیپیڈیا سے
Jump to navigation Jump to search
ویسارین بیلنسکی
Vissarion Belinsky
Vissarion Belinsky by K Gorbunov 1843.jpg
پیدائش ویسارین گریگورےوچ بیلنسکی
11 جون 1811(1811-06-11)

سی بورگ، گرینڈ ڈچی آف فن لینڈ، روسی سلطنت
وفات 7 جون 1848(1848-06-07)

سینٹ پیٹرز برگ، روسی سلطنت
قلمی نام بیلنسکی
پیشہ مصنف، فلسفی، صحافی
زبان روسی
قومیت Flag of Russia.svg روس
دور 1430ء - 1840ء
اصناف تنقید، فلسفہ، صحافت

دستخط

ویسارین گریگورے وچ بیلنسکی روسی: Виссарио́н Григо́рьевич Бели́нский, نقل حرفی Vissarion Grigoryevich Belinsky (پیدائش: 11 جون 1811ء - وفات: 7 جون 1848ء) انیسویں صدی کے روس کے مشہور و معروف نقاد، مصنف اور فلسفی تھے جنھوں نے معروف روسی شاعر نیکراسوف کی ادبی پرداخت میں اہم کردار ادا کیا۔

حالاتِ زندگی[ترمیم]

بیلنسکی 11 جون 1811ء کو سی بورگ، گرینڈ ڈچی آف فن لینڈ، روسی سلطنت میں پیدا ہوئے[1]۔ وہ ایک دیہی ڈاکٹر کا غیر معمولی ذہین اور بے قرار بیٹا تھا جو پہلے سال کے امتحان میں شریک نہ ہو نے کے سبب ماسکو یونیورسٹی سے 1832ء میں نکال دیا گیا تھا۔ اسی عمر میں کمیرے کسانوں کی حمایت میں پُر جوش ڈرامے لکھنے کی وجہ سے اس کی طالب علمانہ شہرت ذمہ داروں کو کھٹکنے لگی تھی۔[2]

تخلیقی دور[ترمیم]

"دی ٹیلیسکوپ" (The Telescope) نیم ادبی رسالے کی ادارت میں شریک ہو کر وہ صاحبِ نظر تنقید نگارشمار ہونے لگے۔ یہ رسالہ حکماً بند ہوا تو بیلنسکی نے "ماسکو مشاہد" (Moscow Watcher) رسالہ نکالا۔ تین سال بعد وہ بھی ضبط ہواتو "وطن کے روزنامچے" (Notes of the Fatherland) میں اس کے تنقیدی نوٹ چھپنے لگے۔ نراجی انقلابی یا کونن کی خفیہ سرگرمیوں سے بھی بیلنسکی کا تعلق رہا اور رفتہ رفتہ پائے تخت میں نوجوان دانشوروں کا ایک حلقہ اس کے گرد تیار ہو گیا جس میں اول گوگول اور پھر دوستوفسکی شامل تھے۔[2]

مدقوق بیلنسکی نے کم عمری میں ہی کئی اہلِ قلم کی تربیت اور حوصلہ افزائی کی جن میں مشہور روسی شاعر نیکراسوف بھی شامل ہیں۔ اس کے تنقیدی مضامین روسی اور انگریزی میں دو جلدوں میں شائع ہوچکے ہیں۔ بیلنسکی کے خیالات، خطوط اور تنقیدی نوٹ روس کے ابھرتے ہوئے ذی علم حلقے میں فیصلہ کن سمجھے جاتے ہیں۔ سوویت دور میں بھی بیلنسکی کا نام علم و ادب کی راہ پر سنگِ میل کا درجہ رکھتا ہے۔[2]

وفات[ترمیم]

دنیائے ادب کے معروف نقاد بیلنسکی 37 سال کی عمر میں تبِ دق میں مبتلا ہو کر 7 جون 1848ء کو سینٹ پیٹرز برگ، روسی سلطنت میں وفات پا گئے[1]۔

حوالہ جات[ترمیم]

  1. ^ ا ب ویسارین گریگورے وچ بیلنسکی، دائرۃالمعارف آن لائن
  2. ^ ا ب پ جامع اردو انسائیکلوپیڈیا (جلد-1 ادبیات)، قومی کونسل برائے فروغِ اردو زبان، نئی دہلی،2003ء، ص 132