تارا شنکر بندوپادھیائے

تارا شنکر بندوپادھیائے
(بنگالی میں: তারাশংকর বন্দ্যোপাধ্যায়)
معلومات شخصیت
پیدائش	23 جولا‎ئی 1898ء   لابھ پور
وفات	14 ستمبر 1971ء (73 سال)  کولکاتا
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
عملی زندگی
پیشہ	سیاست دان ،  مصنف ،  شاعر
مادری زبان	بنگلہ
پیشہ ورانہ زبان	بنگلہ
اعزازات
گیان پیٹھ انعام (1966) ساہتیہ اکادمی انعام (برائے:آروگیہ نکیتن ) (1956) پدم بھوشن پدم شری اعزاز برائے ادب و تعلیم
	IMDB پر صفحات
باب ادب

تارا شنکر بندوپادھیائے (23 جولائی 1898ء-14 ستمبر 1971ء) بنگالی زبان کے سرکردہ ناول نگار ہیں۔ ان کا قلم خوب فراخ دل تھا۔ انھوں نے 65 ناولیں، کہانی کے 53 مجموعے، 12 ڈرامے، چار مضامین کی کتابیں، 4 خود نوشت سوانح اور 2 افسانے لکھے۔ انھوں نے کئی نغمے بھی لکھے ہیں اور 1959ء میں ایک فلم امرپالی بھی ڈائریکٹ کی ہے۔ انھیں ربندر پرسکار، ساہتیہ اکیڈمی اعزاز، گیان پیٹھ انعام، پدم شری اعزاز اور پدم بھوشن سے نوازا گیا۔

حاات زندگی

ان کی ولادت برطانوی ہند کے بنگال پریزیڈنسی میں واقع بیربھوم ضلع کے لابھ پور گاؤں میں ہوئی۔ والد کا نام ہری داس بندوپادھیائے اور والدہ کا نام پربھا بتی دیوی تھا۔

انھوں نے لابھ پور سے ہی دسویں اور بارہویں کی تعلیم حاصل کی اور سینٹ زیویر کالج کلکتہ میں ساخلہ لیا۔ کالج کے زمانہ میں ہی انھوں نے تحریک عدم تعاون میں حصہ لیا۔ اپنی سیاسی زندگی اور خراب کی صحت کی وجہ سے یونیورسٹی کی تعلیم مکمل نہ کرسکے۔ اسی دوران وہ ایک جنگجو گروہ سے بھی وابستہ تھے اور کئہ بار گرفتار ہو کر جیل گئے اور رہا ہوئے۔ تحریک آزادی ہند میں فعالی کے ساتھ شرکت کرنے اور تائید کرنے کی وجہ سے 1930ء میں قید ہوئے لیکن بعد میں پھر رہا کر دیا گیا۔ اس کے بعد انھوں نے اپنی زندگی لکھنے لکھانے کے لیے وقف کردی۔ 1932ء میں ان کی ملاقات شانتی نکیتن میں رابندر ناتھ ٹیگور سے ہوئی ان کا پہلا ناول چیتلی گھورنی تھا جو 1932ء میں ہی شائع ہوا۔

گنا بیگم

ان کا شہرہ آفاق ناول گنا بیگم ہے جو ثقافتی روایت کے لیے مشہور ہے۔ تارا شنکر پورے بنگال کا سفر کرتا ہے اور اسے بنگالی ہونے پر فخر ہے۔ وہ بنگال کی سیاسی اور سماجی زندگی سے بہت خوش ہے۔ تارا شنکر ایک علاقائی ناول نگار تھے جنھوں نے اس مخصوص علاقہ کو مکمل طریقے سے پیش کیا ہے اور اس سے ٹوٹ کر محبت کی ہے۔