تحصیل گوجر خان
| تحصیل | |
| ملک |  پاکستان |
| صوبہ |  پنجاب، پاکستان |
| ضلع | ضلع راولپنڈی |
| صدر مقام | گوجرخان |
| یونین کونسلیں | 36 |
| حکومت | |
| • ممبر قومی اسمبلی | راجہ پرویز اشرف |
| • ممبر صوبائی اسمبلی | چوہدری ساجد محمود |
| • ممبر صوبائی اسمبلی | چوہدری جاوید کوثر |
| آبادی (2017) | |
| • کل | 678,503 |
| منطقۂ وقت | پاکستان کا معیاری وقت (UTC+5) |
تحصیل گوجر خان ضلع راولپنڈی، پنجاب، پاکستان کی آٹھ تحصیلوں میں سے ایک تحصیل ہے۔[1] اس تحصیل کا صدر مقام گوجر خان ہے۔ 2017 کے سروے کے مطابق تحصیل گوجر خان کی آبادی 6 لاکھ 78 ہزار پانچ سو تین افراد مشتمل تھی جو کہ اب 8 لاکھ کے قریب ہو چکی ہے۔ تحصیل گوجر خان میں تقریباً 381 گاؤں ہیں۔
تحصیل گوجرخان کی تاریخ[ترمیم]
تحصیل گوجرخان کی سرزمین نے سکندر اعظم، محمود غزنوی، شہاب الدین غوری، شہنشاہ بابر، شیر شاہ سوری، نادرشاہ، احمد شاہ ابدالی سمیت بڑے فاتحین کو دیکھا۔ جو یہاں سے گزر کر ہندوستان پر حملہ آور ہوئے تھے۔تحصیل گوجر خان کا ذکر غزنوی اور عہد بابری میں بھی ملتا ہے۔ شیرشاہ سوری کے دور میں گوجرخان اہم سرائے تھا۔ سکھ جنرل گوجرسنگھ نے 1787 میں اسے تحصیل ہیڈکوارٹر بنایا۔ بعض دیگر روایات کے مطابق چوہان نے اپنے بیٹوں گوجر خان، بھائی خان اور عمرخان کے نام پر تین قصبے آباد کیے تھے۔
تحصیل گوجرخان میں بڑی تعداد میں سکھ اور ہندو آباد تھے ۔ گلیانہ سکھ سمادھی، نڑالی اور ہریال ہندو ٹمپل، سکھو سمادھی اس کی مثالیں ہیں۔ گوجر خان کشمیر بارڈر پر سنگنی قلعہ اور گوجرخان جہلم بارڈر پر پرتھوی راج چوہان کو ڈھائی سو دیگر راجاؤں سمیت شکست دینے والے شہاب الدین غوری کا مزار کوٹ دھمیک کے مقام پر واقع ہے۔
معیشت[ترمیم]
تحصیل گوجر خان معدنیات کی دولت سے مالامال ہے۔ تحصیل گوجرخان کے گاؤں ڈھونگ ، آہدی ، مستالہ، مسہ کسوال، اور ٹوبرا سے تیل اور گیس کےوسیع ذخائر عرصہ دراز سے نکالے جا رہے ہیں ۔ تیل راولپنڈی کی اٹک ریفائنری سے صاف ہو کر ملکی ترقی میں اپنا کردار ادا کر رہا ہے۔ کراؤڈ آئل کی پاکستان میں سب سےزیادہ پروڈکشن آہدی آئل فیلڈ سے ہو رہی ہے۔ اس وقت آہدی کے چاروں اطراف میں 38 ویلز پروڈکشن دے رہے ہیں۔تحصیل گوجر خان کی مونگ پھلی ذائقہ اور کثرت کے اعتبار سے پورے ملک میں مشہور ہے۔ سکھو کا تلواں، اور دولتالہ کےشکرپارے بھی اہم سوغات ہیں۔
تحصیل گوجرخان کی آبادی زراعت و کاروبار سے منسلک ہے۔ آرمی و دیگر سرکاری و نیم سرکاری اور پرائیویٹ اداروں میں نوکری کا رجحان زیادہ ہے۔ جبکہ علاقہ کی بہت بڑی تعداد بیرون ملک مقیم ہے،جو کثیر زرمبادلہ بھیجتے ہیں۔تحصیل گوجرخان صنعت و حرفت کا بھی اہم جزو ہے۔ الہیٰ کاٹن ملز ، کوہ نور کاٹن ملز گلیانہ، پاکستان ٹوبیکو، صادق فیڈز،یونائیٹڈ فلور ملز ، کمال لیبارٹریز ، پوٹھوہار ونڈہ مل،مدینہ آئل مل ، لیسکو فیڈ مل ، المدینہ آئل مل، ماربل فیکٹریاں اہم صنعتیں ہیں۔
شہیدوں کی سرزمین[ترمیم]
تحصیل گوجر خان کو شہیدوں کی سرزمین بھی کہا جاتا ہے اور یہ پاکستان کی واحد تحصیل ہے جس کے دو فرزندوں نے بہادری کا سب سے بڑا ایوارڈ ، نشان حیدر حاصل کیا ہے۔ سنگھوری کے کیپٹین راجہ محمد سرور شہید اور ڈھوک سوار کے سوار محمد حسین شہید نے میدان جنگ میں دشمن کا بہادری سے مقابلہ کیا اور شہادت حاصل کی۔
مذہب[ترمیم]
تحصیل گوجرخان کے زیادہ تر باسیوں کا مذہب اسلام ہے۔ لیکن یہاں پر عیسائی اور سکھ بھی آباد ہیں۔
ذرائع نقل و حمل[ترمیم]
زبانیں[ترمیم]
- پوٹھوہاری تحصیل گوجرخان کی اہم اور سب سے زیادہ بولی جانے والی زبان ہے۔ دیگر زبانیں جو بولی جاتی ہیں ان میں اردو ، پنجابی ، پہاڑی ، پشتو اور انگریزی شامل ہیں۔
کھیل[ترمیم]
کرکٹ، والی بال، فٹ بال،ہاکی، نیزہ بازی، کبڈی، گلی ڈنڈااور گھڑ دوڑ گوجرخان کے نوجوانوں میں خاصے مقبول کھیل ہیں۔ تحصیل گوجرخان کے باسیوں کے لیے گوجرخان میں ایک اسٹیڈیم جس کا نام سوار حسین اسٹیڈیم ہے موجود ہے۔ جہاں پر تحصیل، ضلعی، اسکول اور کالج سطح پر مختلف کھیلوں کا انعقاد کیا جاتا ہے۔
محل وقوع و جغرافیہ[ترمیم]
تحصیل گوجرخان کے مشرق میں آزاد کشمیر کا ضلع میرپور اور منگلا ڈیم واقع ہیں، جنوب مشرق میں ضلع جہلم ، شمال میں تحصیل کہوٹہ، شمال مغرب میں تحصیل کلرسیداں اور راولپنڈی ، جنوب مغرب میں ضلع چکوال واقع ہے۔ تحصیل گوجرخان سطح سمندر سے 1512 فٹ کی بلندی پر واقع ہے۔
تحصیل گوجرخان میں تھانہ جات[ترمیم]
تحصیل گوجرخان میں تین تھانے ہیں۔ جو کہ تھانہ گوجرخان ، تھانہ مندرہ اور تھانہ جاتلی ہیں۔ تھانہ جات جرائم کی روک تھام کے لیے ہمہ وقت کوشاں رہتے ہیں۔
ہسپتال[ترمیم]
آبادی[ترمیم]
| شمار | تحصیل | ہیڈ کوارٹر | رقبہ (کلومیٹر2) |
آبادی (2017) |
|---|---|---|---|---|
| 1 | تحصیل گوجر خان | گوجرخان | 1,466 | 678,503 |
ٹیلی مواصلات، سلسلہ پیام رسائی، تار اور ٹیلی فون[ترمیم]
تعلیم[ترمیم]
سیاست / انتظامیہ[ترمیم]
تحصیل گوجرخان کی قومی اسمبلی میں ایک نمائندہ ہے اور پنجاب کی صوبائی اسمبلی میں 2 نمائندے ہیں۔ سابق وزیر اعظم اور موجودہ قومی اسمبلی کے اسپیکر راجہ پرویز اشرف وفاق میں گوجر خان کے نمائندے ہیں۔ چوہدری جاوید کوثر اور چوہدری ساجد محمود پنجاب اسمبلی میں گوجرخان کے نمائندے ہیں۔ گوجرخان شہر اور دولتالہ شہر میونسپل کارپوریشن کے زیر انتظام کام کرتے ہیں۔
قومی اسمبلی پاکستان[ترمیم]
تفصیلی مضمون کے لیے قومی اسمبلی پاکستان ملاحظہ کریں۔گوجرخان میں قومی اسمبلی کی 1 نشست ہے۔ [2]
پنجاب صوبائی اسمبلی[ترمیم]
تفصیلی مضمون کے لیے پنجاب صوبائی اسمبلی ملاحظہ کریں۔گوجرخان سے پنجاب صوبائی اسمبلی کے لیے 2 حلقے ہیں جن کی فہرست مندرجہ ذیل ہے۔ [3]
تحصیل گوجرخان کے قابل ذکر رہائشی[ترمیم]
- راجہ پرویز اشرف ، سابق وزیر اعظم
- جنرل اشفاق پرویز کیانی ، سابق آرمی چیف
- محمد افضل ظلہ ، سابق چیف جسٹس
- پروفیسر احمد رفیق اختر ، مذہبی سکالر
- محمد عامر ، کرکٹر
- شعیب اختر ، کرکٹر
- راجہ جاوید اخلاص ، سیاست دان
- شہزاد وسیم، سینیٹر
- جنرل اشفاق ندیم ، ڈی جی آئی ایس آئی
- راجہ نادر پرویز، سیاستدان
- انور شمیم، سابق ائیر چیف
- محمد سوار خاں، گورنر
- اختر امام رضوی ، مصنف اور شاعر
- سید آل عمران ، شاعر اور کمپیئر
- چوہدری جاوید کوثر
- چوہدری ساجد محمود
- راجہ محمد جاوید اخلاص
- نجف شاہ ، کرکٹر
- فرزانہ راجا
- انور پرویز
- تارا سنگھ
- عنایت اللہ التمش
- راجہ عبدالعزیز بھٹی
- ملک محبوب حسین
- چوہدری محمد عظیم
- شوکت عزیز بھٹی
- چوہدری محمد ریاض
- راجہ عبد الحمید
- خرم پرویز راجہ
- محمد شاہد صراف
تحصیل گوجرخان کی یونین کونسلیں[ترمیم]
تحصیل گوجر خان کی یونین کونسلز مندرجہ ذیل ہیں ۔
- آہدی
- بیول
- نور دولال
- بھڈانہ
- چنگا بنگیال
- دولتالہ 1
- دولتالہ 2
- دیوی
- گلیانہ
- کھنگریلہ
- جنڈ مہلو
- جرموٹ کلاں
- جیرو رتیال
- جھنگی جلال
- جاتلی
- جھونگل
- کلیام اعوان
- کنیٹ خلیل
- کرنب الیاس
- کونتریلہ
- کری دولال
- مندرہ
- منگھوٹ
- منکیالہ مسلم
- مطوعہ
- موہڑہ نوری
- نڑالی
- پنجگراں کلاں
- قاضیاں
- راماں
- ساہنگ
- سوئی چیمیاں
- سکھو
- سیدکسراں
- تھاتھی
- اسلام پورہ جبر
صوبائی دارالحکومت: لاہور | ||
| بہاولپور ڈویژن | _Districts.svg)  | |
| ڈیرہ غازی خان ڈویژن | ||
| فیصل آباد ڈویژن | ||
| گوجرانوالہ ڈویژن | ||
| گجرات ڈویژن | ||
| لاہور ڈویژن | ||
| ملتان ڈویژن | ||
| راولپنڈی ڈویژن | ||
| سرگودھا ڈویژن | ||
| ساہیوال ڈویژن | ||
مزید دیکھیے: فہرست اضلاع پنجاب (بھارت) | ||
قابل ذکر رہائشی[ترمیم]
ضلع راولپنڈی کی دیگر تحصیل[ترمیم]
مزید دیکھیے[ترمیم]
بیرونی روابط[ترمیم]
حوالہ جات[ترمیم]
- تحصیل گوجر خان کی یونین کونسلیں
- تحصیل گوجرخان کی یونین کونسلیں
- ضلع راولپنڈی کی یونین کونسلیں
- ضلع راولپنڈی کے آباد مقامات
- تحصیل گوجر خان کے آباد مقامات
- پنجاب، پاکستان کی تحصیلیں
- ضلع راولپنڈی
- پنجاب، پاکستان کے اضلاع
- پاکستان میں نقل و حمل تحت الساخت
- پاکستان میں شارعی نقل و حمل
- پاکستان کی سڑکیں
- پاکستان نقل و حمل نامکمل
- پنجاب، پاکستان میں سڑکیں
- خیبر پختونخوا میں سڑکیں
- سندھ میں سڑکیں
- پنجاب، پاکستان میں ثقافتی ورثہ مقامات
- تحصیل گوجرخان
- ضلع راولپنڈی کی تحصیلیں
- گوجر خان کی شخصیات
- پوٹھوہاری شخصیات