ترمذ

; Termiz / Термиз
	Sultan Saodat Ensemble
ملک	ازبکستان
صوبہ	سرخان دریا صوبہ
آبادی (2005)
• کل	140,404

ترمذ (انگریزی: Termez) ازبکستان کا ایک شہر جو سرخان دریا صوبہ میں واقع ہے۔^[1]

تفصیلات[ترمیم]

ترمذ کی مجموعی آبادی 140,404 افراد پر مشتمل ہے۔

تاریخ[ترمیم]

اسلامی عصرِ زرین[ترمیم]

705ء میں یہ شہر عربوں نے فتح کرلیا اور یہ عباسیوں اور سامانیان کے دوران اسلام ک ایک اہم مرکز بن گیا ، جس میں ابوعیسی محمد امام الترمذی سید محمد المعروف سید ناصر حکیم ترمزی جیسے قابل ذکر عالم دین پیدا ہوئے۔

نویں سے بارویں صدی عیسوی تک ترمذ ایک بڑا شہر اور ایک ثقافتی مرکز تھا اور خریداری اور دستکاری کے لئے مشہور تھا۔ اس وقت شہر کے قلعوں کی لمبائی نو دروازوں کے ساتھ 16 کلومیٹر (10 میل) لمبی تھی۔ اس عرصے کے دوران ترمذ غزنویوں ، سلجوق اور قاراخانیوں کے ریاستیں کا ایک حصہ تھا۔

منگول تباہی اور ویرانی[ترمیم]

1206ء میں یہ شہر خوارزم شاہی سلطنت کا حصہ بن گیا۔

دو دن کے محاصرے کے بعد 1220ء میں ، چنگیز خان کی سپاہ نے شہر کو تباہ اور مسمار کردیا۔

شہر برباد ہونے کے باوجود، ابن بطوطہ نے ذکر کیا کہ اس شہر میں "عمدہ عمارات اور بازار تھے ، نہروں سے گزرے تھے اور بہت سارے باغات تھے۔"

تیرہویں صدی عیسوی کے دوسرے نصف حصے میں ، تیموری سلطنت اور سلسلہ شیبانیان نے سرخان دریا کے دائیں کنارے پر ترمذ کا مشرقی حصہ بحال کردی۔

افسوس سے 18 ویں صدی عیسوی کے دوسرے نصف میں شہرمکمل طور پر ویران ہو گیا۔ قدیم شہر کے آس پاس صرف دو گاؤں آباد رہ گئے تھے: صلاوات اور پٹیکسار (پٹگیسار) تھے۔

روسی داوری اور سوویت یونین کا زمانہ[ترمیم]

جنوری 1893ء میں ، امارتِ بخارا نے روسی حکومت کو پٹیکسار گاؤں کی زمین پرایک روسی قلعہ، گیریژن اور ایک عسکری سرحدی قلعہ تعمیر کرنے کے لئے دی ، جہاں آمو دریا کا بندرگاہ بنایا گیا تھا۔

1928ء میں سوویت یونین نے پٹیکسار گاؤں کا نام تبدیل کرکہ شہر کا وآپس اس کا قدیم نام ترمذ رکھا گیا۔ 1929ء میں ، گاؤں ایک شہر بن گیا۔ سوویت حکمرانی کے سالوں کے دوران صنعتی کاروباری ادارے بنائے گئے اور ایک پیڈگوجیکل انسٹی ٹیوٹ اور ایک تھیتر کھول دیا گیا۔