توسیعی ورائے متن زبان تدوین

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں

توسیعی ورائے متن زبان تدوین ایک زبان تدوین ہے جس کے اظہاری امکانات (باالفاظ دیگر، تدوینی خصوصیات) کم وپیش ومزت (html) جیسی ہی ہیں مگر اسمیں ترتیب جملہ (syntax) کو بہت نظم و ضبط سے رکھنا اہم ہوتا ہے۔ اسکے علاوہ توسیعی زبان تدوین (XML) کی بنیاد پر قائم ہونے کی وجہ سے اسمیں خصلت (attribute) کے ليے حس ابجد (case sensitivity) کا اظہار دیکھنے میں آتا ہے۔ جبکہ اسکے برعکس HTML پر SGML لاگو ہونے کی وجہ سے HTML خاصی لچکدار ثابت ہوتی ہے۔ توسیعہ وراۓ متن زبان تدوین کے انگریزی متبادل کے طور پر Extensible HyperText Markup Language کا انتخاب کیا گیا ہے اور اسکا اوائل الکلمات XHTML اپنایا جاتا ہے۔

جیسا کہ اوپر ذکر آیا کہ XHTML کی تدوین یا نشان گذاری نہایت منظم (درست اور مقررہ ترتیب جملہ کے) انداز میں ہوتی ہے اسی ليے اس سے تیار کردہ دستاویزات کی خودکار عملکاری (processing) باآسانی ، معیاری توسیعی زبان تدوینی کتبخانہ استعمال کرتے ہوئے کی جاسکتی ہے، برعکسے، HTML کی عملکاری کے ليے نسبتا ایک پیچیدہ اور رسمی نحوکار (parser) درکار ہوتا ہے (گو کہ ممکنہ طور پر ایک SGML نحوکار کتبخانہ (parser library) ، مــزبــت کے ليے استعمال کیا جاسکتا ہے)۔