جذبہ (2015ء فلم)

جذبہ
(ہندی میں: जज़्बा)
ہدایت کار	سنجے گپتا
اداکار	عرفان خان ایشوریا رائے شبانہ اعظمی جیکی شروف اتل کلکرنی سدھانت کپور سارہ ارجن
صنف	ہنگامہ خیز فلم ،  ڈراما
فلم نویس	رابن بھٹ
دورانیہ	119 منٹ
زبان	ہندی
ملک	بھارت
تاریخ نمائش	9 اکتوبر 2015
مزید معلومات۔۔۔
	tt4323504

جذبہ ایک بھارتی سنسنی خیز فلم ہے جس کی ہدایات سنجے گپتا نے دی ہیں۔ فلم کی کہانی ایک خاتون وکیل کے گرد گھومتی ہے جس کی بیٹی اغوا کرلی گئی ہے تاکہ اُسے جیل میں قید ایک سزا یافتہ مجرم کا مقدمہ لڑنے پر مجبور کیا جاسکے۔ فلم کے مرکزی کردار ایشوریا رائے بچن اور عرفان خان نے نبھائے ہیں، جب کہ ان کے ساتھ شبانہ اعظمی، اتل کلکرنی اور چندن روئے سنیال بھی فلم کا حصہ ہیں۔ یہ جنوبی کوریا کی فلم سیون ڈیز کا چربہ ہے۔ فلم کا اشتہار 25 اگست 2015 کو مں ظرِ عام پر آیا اور فلم 9 اکتوبر 2015 کو سنیماؤں کی زینت بنی۔

اس فلم کے ذریعے ایشوریا رائے پانچ سال بعد فلموں میں واپس آئی ہیں۔

کہانی

انورادھا ورما (ایشوریا رائے) فوجداری مقدمات کی معروف وکیل ہیں۔ ایک دن اُن کی بیٹی سنایا (سارا ارجن) کو اغوا کر لیا جاتا ہے اور تاوان کی بجائے اغواکار انورادھا سے رابطہ کرکے مطالبہ کرتا ہے کہ جیل میں قید ایک سزا یافتہ شخص کو رہائی دلوائی جائے کیوں کہ وہ بے گناہ ہے اور مقدمے میں کام یابی کی صورت ہی میں اُن کی بیٹی انھیں واپس مل سکے گی۔ ملزم میاز شیخ (چندن روئے سنیال پر ایک نوجوان لڑکی کے ساتھ جنسی زیادتی اور اس کے قتل کا الزام ہے۔ اغواکار مسلسل انورادھا کی ہر حرکت پر نظر رکھتے ہیں۔ انورادھا کا پولیس سے معطل شدہ دوست یوہان (عرفان خان صورتِ حال سے واقف ہونے پر انورادھا کی مدد کرتا ہے۔ دونوں مل کر مقدمے کی مختلف کڑیاں جوڑتے چلے جاتے ہیں اور آخر انورادھا مقدمہ جیت کر اپنی بیٹی کو بچانے میں کام یاب ہوجاتی ہے۔

اداکار

• ایشوریا رائے بچن بطور وکیل انورادھا ورما
• عرفان خان بطور انسپکٹر یوہان
• پریا بانرجی بطور سیا
• شبانہ اعظمی بطور گریما، سیا کی ماں
• چندن روئے سنیال بطور میاز شیخ
• جیکی شیروف بطور وزیرِ داخلہ مکیش مکلائی
• اتل کلکرنی بطور وکیل استغاثہ رونت
• سدھانت کپور بطور سیم
• سارا ارجن بطور سنایا، انورادھا کی بیٹی
• ابھیمانو سنگھ بطور عباس یوسف، انورادھا کا موکل

گیت

Untitled

فلم کی موسیقی امجد-ندیم، ارکو پراوو مکھرجی اور بادشاہ نے ترتیب دی ہے۔ فلم کی تشہیر کے لیے پہلا گیت ’’بندیا‘‘ 7 ستمبر 2015 کو جاری کیا گیا، جب کہ مکمل البم یکم اکتوبر 2015 کو جاری ہوا۔ فلم کے نغماتی حقوق زی میوزک کمپنی کی ملکیت ہیں۔

نمبر.	عنوان	بول	موسیقی	گلوکار	طوالت
1.	"بندیا"	امجد-ندیم، سنجے گپتا	امجد-ندیم	جوبن نوٹیال	04:43
2.	"کہانیاں"	ارکو	ارکو پراوو مکھرجی	نیلوفر وانی، ارکو	04:03
3.	"آج رات کا سین"	بادشاہ	بادشاہ	بادشاہ، شردھا پنڈت	03:30
4.	"بندیا (ری پرائز)"	سنجے گپتا	امجد-ندیم	اسیس کور	04:19
5.	"جانے تیرے شہر"	ارکو	ارکو	ویپن انیجا	03:39
کل طوالت:					20:13

بیرونی روابط

• جذبہ آئی ایم ڈی بی پر (بزبان انگریزی)