جرشوم بن موسی

بائبل کے مطابق، جرشوم (عبرانی: ‏גֵּרְשֹׁם‎، گِرشوم، مطلب: "وہاں ایک پردیسی"؛ لاطینی: Gersam) حضرت موسیٰ اور ان کی اہلیہ صفورہ (Zipporah) کے بڑے بیٹے تھے۔ اس نام کا مطلب عبرانی زبان میں "وہاں ایک اجنبی" (גר שם‎ ger sham) ہے اور بائبل کے متن کے مطابق یہ موسیٰ کے مصر سے فرار کی طرف اشارہ ہے۔ علماِ بائبل کے نزدیک یہ نام "جرشون" (Gershon) کے مترادف ہے اور کتاب تواریخ (Chronicles) میں لاویوں کے ایک اہم قبیلے کے جد کو کبھی جرشوم اور کبھی جرشون کے نام سے یاد کیا گیا ہے۔

حضرت موسیٰ کے پہلے بیٹے کی پیدائش مدین (Midian) میں ہوئی۔ موسیٰ کے سسر یترو (Jethro) بیابان میں حضرت موسیٰ سے ملنے آئے تو ان کے ساتھ موسیٰ کی بیوی صفورہ اور ان کے دونوں بیٹے، جرشوم اور الیعزر (Eliezer) بھی تھے۔ جرشوم کی نسل میں یوناتان (Jonathan) کا جو دان کے قبیلے (Danites) کے لیے کہانت کی خدمت انجام دیتا تھا، یہ خدمت شرعی طور پر ناجائز تھی، کیونکہ اگرچہ وہ لاوی تھا، مگر ہارون کی نسل سے نہ تھا۔

خروج کی کتاب میں موسیٰ اور صفورہ کے قیامِ شب کا جو واقعہ مذکور ہے، وہ اس طرف اشارہ کرتا ہے کہ کوئی مخلوق — ممکنہ طور پر خدا یا کوئی فرشتہ — جرشوم یا موسیٰ پر حملہ آور ہوا، یہاں تک کہ صفورہ نے جرشوم کا ختنہ کیا، جس سے حملہ رک گیا۔

کتابِ تواریخ میں بعد میں شبوئیل (Shebuel) کو "جرشوم کا بیٹا" کہا گیا ہے، حالانکہ اگر بائبل کو لغوی (literal) معنی میں لیا جائے تو یہ ایک زمانی تضاد (anachronism) ہوگا، کیونکہ شبوئیل کا زمانہ حضرت داؤد کے دور حکومت کا تھا۔ تاہم عبرانی زبان میں "بیٹا" کا لفظ محض حقیقی بیٹے کے لیے ہی نہیں، بلکہ نسل یا اولاد کے کسی بھی فرد کے لیے استعمال ہو سکتا ہے — جیسا کہ کئی مقامات پر دور کے اولاد کو بھی "فلان بن داؤد" کہہ کر پکارا گیا ہے۔