جمشید ٹاؤن

آزاد دائرۃ المعارف، ویکیپیڈیا سے
Jump to navigation Jump to search
جمشید ٹاؤن
تاریخ تاسیس 14 اگست 2001  ویکی ڈیٹا پر (P571) کی خاصیت میں تبدیلی کریں
JamshedTown Karachi.PNG
 
نقشہ

انتظامی تقسیم
ملک Flag of Pakistan.svg پاکستان  ویکی ڈیٹا پر (P17) کی خاصیت میں تبدیلی کریں
تقسیم اعلیٰ کراچی  ویکی ڈیٹا پر (P131) کی خاصیت میں تبدیلی کریں
مزید معلومات
قابل ذکر
باضابطہ ویب سائٹ باضابطہ ویب سائٹ  ویکی ڈیٹا پر (P856) کی خاصیت میں تبدیلی کریں

جمشید ٹاؤن پاکستان کے صوبہ سندھ کے دار الحکومت کراچی کے 18 قصبہ جات میں سے ایک ہے۔ اگست 2000ء میں بلدیاتی نظام متعارف کرائے جانے کے ساتھ ہی کراچی ڈویژن اور اس کے اضلاع کا خاتمہ کر کے کراچی شہری ضلعی حکومت کا قیام عمل میں لایا گیا۔ اس کے نتیجے میں شہر کو 18 قصبہ جات (ٹاؤنز) میں تقسیم کر دیا گیا جن میں جمشید ٹاؤن بھی شامل ہے۔ جمشید ٹاؤن شہر کے وسطی علاقے میں واقع ہے۔ گو کہ رقبے کے لحاظ سے یہ بہت زیادہ بڑا نہیں ہے لیکن آبادی کے لحاظ سے یہ کراچی کا سب سے بڑا قصبہ ہے جس کی آبادی سوا سات لاکھ سے زائد ہے ۔[2]

شہر کے اہم کاروباری علاقے صدر، طارق روڈ اور بہادر آباد یہیں واقع ہیں جن میں سے آخر الذکر دونوں طبقہ اشرافیہ کے خریداری کے مراکز سمجھے جاتے ہیں۔ یہاں کی چند آبادیاں ڈیفنس ویو، گارڈن ایسٹ، نرسری اور پی ای سی ایچ ایس بھی درمیانے اور اس سے اعلیٰ طبقے کے علاقے ہیں۔

علاوہ ازیں شہر کی چند اہم تفریح گاہیں مزار قائد، کراچی چڑیا گھر، ہل پارک اور جھیل پارک بھی اسی قصبے میں واقع ہیں۔ شہر کی مرکزی شاہراہ شاہراہ فیصل کے علاوہ شہید ملت ایکسپریس وے اور ایم اے جناح روڈ بھی اس قصبے میں واقع ہیں۔

1998ء کی مردم شماری کے مطابق یہاں کی آبادی 7 لاکھ 33 ہزار سے زائد ہے۔ بیشتر آبادی اردو بولنے والے افراد پر مشتمل ہے۔

اس کی سرحدیں شمال میں لیاقت آباد سے ملتی ہیں جبکہ شمال مشرق اور مشرق میں گلشن اقبال ٹاؤن واقع ہے۔ جنوب مشرق میں ملیر ندی اسے کورنگی ٹاؤن سے جدا کرتی جبکہ شمال مغرب سے لے کر جنوب تک اس کی سرحدیں کلفٹن چھاؤنی سے ملتی ہیں۔

2009ء میں اس قصبے کے ناظم جاوید احمد جبکہ ان کے نائب اختر ضیاء الدین جمال ہیں۔

انتظامی تقسیم[ترمیم]

جمشید ٹاؤن مندرجہ ذیل 13 یونین کونسلوں میں تقسیم ہے:

حوالہ جات[ترمیم]

  1. جمشید ٹاؤن، کراچی آرکائیو شدہ [Date missing] بذریعہ 125.209.91.254 [Error: unknown archive URL] کراچی شہری حکومت
  2. "کراچی شہری حکومت-جمشید ٹاؤن". 14 ستمبر 2008 میں اصل سے آرکائیو شدہ. اخذ شدہ بتاریخ 11 دسمبر 2009. 

بیرونی روابط[ترمیم]