جمہوری پبلیکیشنز

آزاد دائرۃ المعارف، ویکیپیڈیا سے
Jump to navigation Jump to search
Jumhoori Publications
صورت حالفعال
قائم شدہ1985ء (1985ء)
بانیفرخ سہیل گوئندی
ملکپاکستان
صدر دفترلاہور
تقسیم کاریعالمی
مطبوعاتتاریخ، سیاست، ثقافت، ادب اور فلسفے سے متعلق کتب، عالمی تراجم

جمہوری پبلیکیشنز لاہور، پاکستان میں قائم ایک اشاعتی ادارہ ہے۔ [1] اس ادارے کی بنیاد 1985 میں معروف دانشور، ایکٹوسٹ اور مصنف فرخ سہیل گوئندی نے رکھی۔ جمہوری پبلیکیشنز اپنی شائع کردہ کتب کے انتخاب کے باعث اب عالمی شناخت رکھتا ہے جس کی شائع کردہ کتب کو نہ صرف ملک میں بلکہ بیرون ملک بھی ایوارڈ مل چکے ہیں۔اس کے مترجم ڈاکٹر نجم سحر بٹ کو 2017 میں روس میں پشکن ایوارڈ سے نوازا گیا اور اس موقع پر جمہوری پبلیکیشنز اور اس کے بانی فرخ سہیل گوئندی کی ادب کے فروغ کے لیے کاوشوں کو سراہا گیا۔[2] [3] جمہوری پبلیکیشنز اب تک ہاورڈ زن، مہاتیر محمد، نؤام چومسکی، اورحان پاموک، اورحان کمال، یشار کمال، ایلف شفق، احمت حمدی طانپنار، اویا بیدر، عدالت آعولو، احمت امیت، انطونیو توریس، ندیم اسلم، ہیرلڈ لیمب، گوستاف لوبون، سٹینلے لین پول، جے ایل کپلنگ اور بے شمار عالمی مصنفین کے کتب کے اردو تراجم شائع کرچکا ہے۔ترکی، ترک ثقافت اور ترک ادب کو پاکستان میں متعارف کروانے کا سہرا جمہوری پبلیکیشنز کے سر ہے۔ پاکستان کے نامور مصنفین ڈاکٹر مبشر حسن، اعتزاز احسن، سید افضل حیدر، رائو رشید، حامد میر [4]، عبداللہ ملک، الطاف فاطمہ، خواجہ احمد عباس، رفعت ناہید سجاد، سعادت حسن منٹو، کرشن چندر کی کتب جمہوری پبلیکیشنز کے تحت شائع ہو چکی ہیں۔

مقصد[ترمیم]

جمہوری پبلیکیشنز ایک ترقی پسند اور غیرجانب دار پبلشر کے طور پر پاکستان میں اپنی منفرد شناخت قائم کرنے میں بڑی تیز رفتاری سے کامیاب ہوا ہے۔ جمہوری پبلیکیشنز نے سیاسیاتِ عالم، تاریخ،ادب، فلسفہ اور ثقافت سے متعلقہ تحریروں کو کتابوں کی شکل میں لوگوں تک پہنچایا اور اس باعث قومی سطح سے آگے بیرونِ ملک بھی اس ادارے کی پہچان اور ساکھ قائم ہوئی ہے۔ جمہوری پبلیکیشنز نے عالمی امور پر مبنی تحریروں، ترقی پسند ادب کی اشاعت اور تاریخ کی تلاش و درستی کے اس سفر میں نہ صرف پاکستان کے معروف اہل قلم کی تحریروں کو قارئین تک پہنچایابلکہ نئے لکھنے والوں کو بھی متعارف کروایا ہے۔ اس عمل میں ادارے نے مختلف ممالک کے لکھاریوں کی تحریروں کے قومی زبان اردو میں تراجم کرواکر اپنے ہاں کے عام لوگوں کو جدید دنیا کے علومتک رسائی دینے کا بیڑا بھی اٹھایا۔اس اقدام سے جمہوری پبلیکیشنز نے پاکستان میں اشاعت کاری کے شعبے میں اپنی منفرد مقام حاصل کر لیا ہے۔ جمہوری پبلیکیشنزاہل علم اور عوام کو ایسا لٹریچر فراہم کرنے کے لیے کوشاں ہے جس سے معلومات اور آگہی کے نئے دریچے وا ہوسکیں،متبادل آراء کو فروغ حاصل ہو،نیز ایک ایسے معاشرے کا قیام ممکن ہوسکے جس کی بنیاد علم، تدبر اور منطق پر قائم ہو اور جو دنیا کی تمام تہذیبوں میں خلیج کی بجائے پُل بنانے میں معاون ثابت ہو۔

حوالہ جات[ترمیم]

بیرونی روابط[ترمیم]