جیامالا

جیامالا
معلومات شخصیت
پیدائش	28 فروری 1959ء (67 سال)  دکشن کنڑ
شہریت	بھارت
جماعت	انڈین نیشنل کانگریس
عملی زندگی
پیشہ	[[:اداکار|اداکارہ اور ادکارہ]]
پیشہ ورانہ زبان	کنڑ زبان
اعزازات
فلم فیئر اعزاز جنوبی

جیامالا (پیدائش: 28 فروری 1955) ایک ہندوستانی اداکارہ اور سیاست دان ہیں۔انھوں نے کرناٹک قانون ساز کونسل کی رکن ہونے کی وجہ سے کرناٹک حکومت میں خواتین، بچوں کی ترقی، معذور اور بزرگ شہریوں کو بااختیار بنانے کی وزیر کے طور پر خدمات انجام دیں۔

ذاتی زندگی

جے مالا منگلور کے  ٹولو زبان  بولنے والے گھرانے میں  پیدا ہوئیں۔ ان کے والد جی اومایہ ایک ماہر زراعت تھے اور والدہ کمالماایک گھریلو خاتون ہیں۔ ان کی چھ بہنیں اور ایک بھائی ہے۔ پنمبور میں بندرگاہ کے کام کی وجہ سے بے گھر ہونے کے بعد وہ 1963 میں چکمگلور چلے گئے۔ ان کی پہلی شادی کنڑ فلم اداکار ٹائیگر پربھاکر سے ہوئی تھی، ان کی ایک بیٹی سندریا ہے جو اپنے طور پر ایک مقبول اداکارہ ہے۔ اپنی طلاق کے بعد  انھوں نے سنیماٹوگرافر ایچ ایم رام چندر سے شادی کی ۔

کیریئر

جیامالا نے کئی فلموں میں کام کیا ہے خاص طور پر کنڑ فلموں میں۔ جیامالا 1980 کی دہائی کے اوائل میں کنڑ سنیما کی سب سے زیادہ مقبول ہیروئن تھیں۔ انھوں نے اپنے کیرئیر کا آغاز راجکمار کی ہیروئین کی حیثیت سے کیا اور ان کے ساتھ کامیاب فلموں کے بعد سینڈل ووڈ کے تمام سرفہرست ہیروز کے ساتھ کام کیا۔ اس کے بعد، اننت ناگ کے ساتھ رومانوی فلموں میں جنم جنممادا انوبندا اور پریماو بالینا بیلکو کے طور پر کام کیا۔ وشنو وردھن کے ساتھ، اس نے ملٹی اسٹارر پاٹ بوائلرز جیسے ہنتھاکانا سانچو، ناگا کالا بھیروا اور سدیدہ ساہودرا میں اداکاری کی۔ امبریش کے ساتھ اس کی جوڑی کا آغاز کلٹ کلاسک انتھا سے ہوا جہاں اس نے ایک کیبرے ڈانسر کا المناک کردار ادا کیا جو اس کی بہن ہے اور پھر اجیت، پریما ماتسارا اور خدیما کلارو جیسی کئی فلموں میں ان کی ہیروئن بنیں۔ کئی فلموں میں شنکر ناگ کے ساتھ ان کی جوڑی بھی کامیاب ثابت ہوئی جس میں ہیروئین پر مبنی چندی چامنڈی بھی شامل ہے جس نے ایک ایکشن ہیروئن کے طور پر ان کا گھر گھر نام بنایا۔

تنازع

وہ اس وقت ایک تنازع میں گھر گئیں جب انھوں نے دعویٰ کیا کہ سبریمالا میں نمبینار کیدوواتھلائی نامی تامل فلم کی شوٹنگ کے دوران میں بھگوان آیاپا کی مورتی کو چھوا تھا۔ 10-50 سال کی خواتین کے سبریمالا مندر میں داخلے پر پابندی ہے۔ اس چیز نے بھارت میں ہنگامہ کھڑا کر دیا اور بھارتی میڈیا اور عدالتوں میں نظریاتی جنگ شروع کر دی۔  مسٹر وی راجندرن  جو اس وقت بھارتیہ جنتا پارٹی کی کیرالہ ریاستی کمیٹی کے رکن ہیں انھوں نے رننی کی عدالت میں ان کے خلاف درخواست دائر کی تھی۔ جیامالا نے بعد ازاں کہا  کہ انھیں اپنے عمل پر افسوس ہے، لیکن انھوں نے واضح کیا کہ انھیں عقیدت مندوں کے ہجوم نے مندر میں دھکیل دیا تھا۔