جیسی جیکسن

جیسی جیکسن
(انگریزی میں: Jesse Jackson)
معلومات شخصیت
پیدائشی نام	(انگریزی میں: Jesse Louis Burns)
پیدائش	8 اکتوبر 1941ء   گرینویل، جنوبی کیرولائنا
وفات	17 فروری 2026ء (85 سال)  شکاگو
مدفن	اوک ووڈس قبرستان
شہریت	ریاستہائے متحدہ امریکا
جماعت	ڈیموکریٹک پارٹی
رکن	فری میسن
عارضہ	پارکنسن کی بیماری کووڈ-19
عملی زندگی
مادر علمی	یونیورسٹی آف الینوائے ایٹ اوربانا–شیمپیئن شکاگو تھیولوجیکل سیمینری شمالی کیرولائنا ایگریکلچرل اینڈ ٹیکنیکل اسٹیٹ یونیورسٹی
تعلیمی اسناد	بی ایس سی
پیشہ	سیاست دان ،  پاسٹر ،  حامی شہری حقوق ،  کارکنِ انسانی حقوق ،  بانئ تنظیم ،  مذہبی رہنما
پیشہ ورانہ زبان	انگریزی
شعبۂ عمل	انسانی حقوق ،  فعالیت پسندی
کھیل	امریکی فٹ بال
کھیل کا ملک	ریاستہائے متحدہ امریکا
اعزازات
کمانڈر آف دی لیجین آف اونر (2021) جیمز جوائس اعزاز (2004)  صدارتی تمغا آزادی   (2000)
دستخط
	IMDB پر صفحات

جَیسی لوئس جیکسن (پیدائشی نام برنز؛ 8 اکتوبر 1941ء – 17 فروری 2026ء) امریکی شہری حقوق کے کارکن، سیاست دان اور بپتسمی مسلک کے مذہبی پیشوا تھے۔ شہری حقوق کی تحریک کے دوران وہ مارٹن لوتھر کنگ جونیئر اور جیمز بیول کے شاگرد رہے اور بعد ازاں بیسویں صدی کے اواخر اور اکیسویں صدی عیسوی کے اوائل کے نمایاں ترین شہری حقوق رہنماؤں میں شمار ہوئے۔ 1991ء سے 1997ء تک وہ ضلع کولمبیا کے لیے شیڈو ڈیلیگیٹ اور شیڈو سینیٹر رہے۔ وہ امریکی ایوانِ نمائندگان کے رکن جوناتھن جیکسن اور سابق رکن جیسی جیکسن جونیئر کے والد تھے۔

جنوبی کیرولائنا کے شہر گرین ویل میں پیدا ہونے والے جیسی نے 1960ء کی دہائی میں اپنی سرگرمیوں کا آغاز کیا اور ایسی تنظیمیں قائم کیں جو بعد میں مل کر رینبو/پُش کوالیشن بنیں۔ 1980ء کی دہائی میں انھوں نے اپنی سرگرمیوں کو بین الاقوامی امور تک وسیع کیا، رونالڈ ریگن کی انتظامیہ کے سخت ناقد بنے اور 1984ء میں صدارتی مہم شروع کی۔ ابتدا میں انھیں ایک کمزور امیدوار سمجھا گیا مگر وہ ڈیموکریٹک نامزدگی کی دوڑ میں سابق نائب صدر والٹر مونڈیل اور سینیٹر گیری ہارٹ کے بعد تیسرے نمبر پر آئے۔ انھوں نے اپنی سرگرمیاں جاری رکھیں اور 1988ء میں دوبارہ صدارتی انتخاب لڑا جہاں وہ میساچوسٹس کے گورنر مائیکل ڈوکاکس کے بعد دوسرے نمبر پر رہے۔

جیسی نے اس کے بعد دوبارہ صدارت کے لیے امیدوار بننے کی کوشش نہیں کی تاہم 1990ء میں وہ ضلع کولمبیا کے شیڈو سینیٹر منتخب ہوئے اور بُش اور کلنٹن ادوار میں ایک مدت تک خدمات انجام دیں۔ اگرچہ ابتدا میں وہ صدر بل کلنٹن کے ناقد تھے مگر بعد میں ان کے حامی بن گئے۔ 1992ء سے 2000ء تک انھوں نے سی این این پر پروگرام بوتھ سائیڈز وِدھ جیسی جیکسن کی میزبانی کی۔ پولیس تشدد، رپبلکن پارٹی اور قدامت پسند پالیسیوں کے ناقد کے طور پر وہ اپنے دور کے با اثر ترین افریقی نژاد امریکی کارکنوں میں شمار کیے جاتے تھے۔

موت

جیکسن 17 فروری 2026ء کو شکاگو میں اپنے گھر میں 84 سال کی عمر میں انتقال کر گئے. ان کے اہل خانہ نے سوشل میڈیا پر ان کی موت کا اعلان کیا۔