حجاج بن مسروق جعفی

حجاج بن مسروق مذحجی جعفی الحَجّاج بن مَسروق المذحجی الجُعفی
ذاتی
وفات	10th of محرم الحرام, 61ھ/ اکتوبر, 680 عیسوی
موت کی وجہ	واقعہ کربلا میں شہادت پائی
مدفن	کربلا, عراق
مذہب	اسلام
وجہ شہرت	علی ابن ابی طالب رضی اللہ عنہ اور حسین بن علی رضی اللہ عنہ کا ساتھی ہونا

حجاج بن مسروق جعفی حضرت علی بن ابی طالب ؑ کے اصحاب با وفا میں سے اور حضرت امام حسین ؑ کے شہدا میں سے ہیں ۔ جب حضرت امام حسین نے مدینہ سے مکہ کی جانب سفر شروع کیا تو آپ نے کوفہ سے مکہ کی طرف سفر شروع کیا اور مکہ میں امام حسین ؑ کے قافلے میں شامل ہو گئے ۔بعض مآخذوں میں مکہ سے کربلا کے راستے میں انھیں حضرت امام حسین ؑ کا مؤذن کہا گیا ہے ۔قصر بنی مقاتل کے مقام پر امام حسین علیہ السلام نے انھیں عبید اللہ بن حر جعفی کو بلانے کے لیے اس کے خیمے میں بھیجا تا کہ امام حسین علیہ السلام اسے اپنی نصرت کی دعوت دے سکیں۔

نام و نسب

حجاج بن مسروق کا مکمل نام حجاج بن مسروق بن مالک بن کثیف بن عتبہ بن کلاع جعفی تھا ۔ آپ کا تعلق مذحج نامی قبیلے سے تھا ۔شیخ مفید نے ان کا نام حجاج بن مسرور نے لکھا ہے ۔

سوانح

• وہ کوفے کے رہنے والے تھے اور حضرت علی کے اصحاب میں سے تھے ۔ حضرت امام حسین کے ساتھ مکہ میں ملے ۔

• ذوحسم کے مقام پر جب حر بن یزید ریاحی سے حضرت امام حسین ؑ کا سامنا ہوا تو ظہر کے موقع پر امام نے انھیں کہا ظہر کی اذان دو ۔

• کاروان جب قصر بنی مقاتل کے مقام پر پہنچا تو حضرت امام حسین ؑ نے ایک خیمہ نصب دیکھا تو فرمایا : یہ خیمہ کس ہے ؟ جواب دیا گیا : عبید اللہ بن حر جعفی کا خیمہ ہے۔امام نے مسروق کو اس کے پاس بھیجا کہ وہ امام کی دعوت پر لبیک کہے لیکن اس نے قبول نہیں کیا ۔

شہادت

61 ہجری کے محرم کے مہینے میں روز عاشور حجاج نے امام سے اجازۂ جہاد لیا اور میدان میں گئے ۔جہاد کیا اور کچھ دیر کے بعد خون میں نہائے امام کی خدمت میں پہنچے اور یہ شعر پڑھے :

فدتک نفسی هادیا مهدیا		الیوم ألقی جدّک النبیا
ثمّ أباک ذی الندی علیا		ذاک الذی نعرفه الوصیا

ہدایت یافتہ اور ہدایت کرنے والے پر میں اپنی جان نثار کر دوں۔آج آپ کی جد سے ملاقات کروں گاپھر آپ کے والد اس علی سے ملاقات کروں گا جسے ہم رسول کا وصی جانتے ہیں ۔

امام نے جواب میں ارشاد میں فرمایا تمھارے بعد میں بھی ان سے ملاقات کروں گا ۔ حجاج میدان میں گئے یہاں تک جنگ کی کہ شہادت سے ہمکنار ہوئے ۔

زیارت ناحیہ اور زیارت رجبیہ میں آپ کا نام یوں آیا ہے :

السَّلَامُ عَلَی الْحَجَّاجِ بْنِ مَسْرُوقٍ الْجُعْفِی

مآخذ

• سماوی، محمد بن طاہر، إبصارالعین فی أنصارالحسین، دانشگاه شہید محلاتی، قم، اول، 1419ق.
• طبری، محمد بن جریر، تاریخ الأمم و الملوک،‌ دارالتراث، بیروت، دوم، 1387ق.
• مفید، الارشاد فی معرفۃ حجج الله علی العباد، چاپ کنگره شیخ مفید، اول، قم، 1413ق.
• بلاذری، احمد بن یحیی، أنساب الأشراف،‌ دارالفکر، اول، بیروت،1417ق.