خار پشت
خار پشت (سائنسی نام: خار پشت) پستان دار جانوروں کے ایک گروہ کا نام ہے جو اپنے دفاع کے لیے جسم پر موجود باریک کانٹوں کا استعمال کرتا ہے اور عموماً "کیڑے مکوڑے" کھا کر گزارہ کرتا ہے۔ [1]
سیہہ اور خار پشت میں فرق
[ترمیم]عام طور پر "سیہہ" (سیہہ) اور "خار پشت" کو ایک ہی جانور سمجھا جاتا ہے، لیکن ان میں واضح فرق موجود ہے۔ سیہہ کے کانٹے "3 سے 15 انچ" تک لمبے اور کافی موٹے ہوتے ہیں، جبکہ خار پشت کے کانٹے نہایت باریک اور حجم میں چھوٹے ہوتے ہیں۔ [2] اس کے علاوہ سیہہ خطرے کے وقت پیچھے کی طرف ہٹ کر حملہ کرتی ہے، جبکہ خار پشت خود کو گیند کی طرح سمیٹ لیتا ہے۔ [3]
اقسام اور جغرافیائی پھیلاؤ
[ترمیم]خار پشت کی تین اہم اقسام پائی جاتی ہیں: [1]
ایرینیسس پکٹس (E. pictus)
[ترمیم]پہچان: اس کے کان گول اور درمیانے سائز کے ہوتے ہیں جو اس کے دہانے (muzzle) سے طویل معلوم ہوتے ہیں رنگت: اس کی آنکھوں کے گرد ایک بھوری پٹی ہوتی ہے جو عموماً منہ کے کونے تک ختم ہو جاتی ہے ۔ اس کے ہاتھ پاؤں بھورے جبکہ جسم کا نچلا حصہ زردی مائل سفید ہوتا ہے ۔ کانٹے: اس کے کانٹے چھوٹے (تقریباً 0.8 انچ) ہوتے ہیں جن کے سرے سفید ہوتے ہیں۔ [4] [5]
ایرینیسس گری (E. Grayi)
[ترمیم]پہچان
[ترمیم]اس کا سر اور دہانہ لمبا اور نوکیلا ہوتا ہے۔ اس کے کان بڑے، اونچے اور سرے سے نوکیلے ہوتے ہیں۔
رنگت
[ترمیم]اس کی عمومی رنگت گہری بھوری ہوتی ہے اس کے کانٹوں کے درمیان سر پر کوئی برہنہ یا خالی جگہ نہیں ہوتی
پاؤں
[ترمیم]اس کی ایک بڑی پہچان یہ ہے کہ اس کے پچھلے پاؤں پر کوئی بڑی گدی نہیں ہوتی [6] [7]
ایرینیسس جردونی (E. Jerdoni)
[ترمیم]پہچان
[ترمیم]اس کی سب سے نمایاں خصوصیت اس کے پچھلے پاؤں پر موجود ایک بڑی اور نمایاں "گدی" (Mesial pad) ہے۔ اس کے کان بڑے اور سرے سے گول ہوتے ہیں
رنگت
[ترمیم]یہ جانور اوپر اور نیچے سے مکمل طور پر سیاہ رنگ کا ہوتا ہے ۔
کانٹے
[ترمیم]اس کے کانٹے طویل ہوتے ہیں۔ بالغ ہونے پر ان کانٹوں پر دو سفید اور تین سیاہ دھاریاں واضح نظر آتی ہیں ۔ جب اس کے کانٹے بیٹھے ہوئے ہوں تو یہ کالا لگتا ہے لیکن کانٹے کھڑے ہونے پر سفید دھاریاں نمایاں ہو جاتی ہیں۔ [6] [7] [8]
جسمانی خصوصیات اور عادات
[ترمیم]خار پشت کے کانٹے اس کے دفاع کا بنیادی ذریعہ ہیں۔ جب کوئی دشمن، جیسے "کتا" یا "بھیڑیا" اس پر حملہ کرتا ہے، تو یہ فوراً گیند کی طرح گول ہو جاتا ہے، جس سے اس کا تمام نرم حصہ اندر چھپ جاتا ہے اور باہر صرف "تیز دھار کانٹے" رہ جاتے ہیں۔ [9] یہ جانور نباتات کے ساتھ ساتھ چھوٹے کیڑے مکوڑے بھی کھاتا ہے۔ [9]
تحفظ اور بقاء
[ترمیم]پاکستان کے پہاڑی اور میدانی علاقوں میں ہونے والی "موسمیاتی تبدیلیاں" اور انسانی مداخلت خار پشت کے قدرتی مسکن کو متاثر کر رہی ہیں، جس سے ان کی نسل کو خطرات لاحق ہیں۔ [10] جنگلی حیات کے تحفظ کے لیے کام کرنے والے ادارے ان کے مسکن کی بحالی کے لیے کوشاں ہیں۔ [11]
حوالہ جات
[ترمیم] |
ویکی ذخائر پر خار پشت سے متعلق سمعی و بصری مواد ملاحظہ کریں۔ |
- 1 2 (THE VERTEBRATE ZOOLOGY OF SIND, James A. Murray, Richardson & Co. London, 1884, جلد. 1, صفحہ. 104)
- ↑ (جنگلی جانور.pdf, ٹائم لائف ایشیا، پنجاب مڈل اسکولنگ پروجیکٹ، پاکستان، 2000, جلد. 1, صفحہ. 23)
- ↑ (جنگلی جانور.pdf, ٹائم لائف ایشیا، پنجاب مڈل اسکولنگ پروجیکٹ، پاکستان، 2000, جلد. 1, صفحہ. 22)
- ↑ (THE VERTEBRATE ZOOLOGY OF SIND, James A. Murray, Richardson & Co. London, 1884, جلد. 1, صفحہ. 107)
- ↑ (THE VERTEBRATE ZOOLOGY OF SIND, James A. Murray, Richardson & Co. London, 1884, جلد. 1, صفحہ. 110)
- 1 2 (THE VERTEBRATE ZOOLOGY OF SIND, James A. Murray, Richardson & Co. London, 1884, جلد. 1, صفحہ. 106)
- 1 2 (THE VERTEBRATE ZOOLOGY OF SIND, James A. Murray, Richardson & Co. London, 1884, جلد. 1, صفحہ. 114)
- ↑ (THE VERTEBRATE ZOOLOGY OF SIND, James A. Murray, Richardson & Co. London, 1884, جلد. 1, صفحہ. 118)
- 1 2 (جنگلی جانور.pdf, ٹائم لائف ایشیا، پنجاب مڈل اسکولنگ پروجیکٹ، پاکستان، 2000, جلد. 1, صفحہ. 79)
- ↑ (Climatic Changes and Their Effect on Wildlife of District Dir Lower, Asad Ullah et al., Journal of Atmospheric Science Research, 2020, جلد. 3, صفحہ. 2)
- ↑ (پنجاب میں جنگلی حیات کی بقاء، ایکسپریس اردو، 2019, صفحہ. 1)