بھارت میں دوران زچگی اموات

دوران زچگی اموات
مترادفات	زچگی کی اموات
ایک خاتون کی موت ہو جاتی ہے اور پریاں اس کے نومودل بچے کو لے لےتی ہے۔.

عالمی ادارہ صحت نے دوران میں زچگی موت کو یوں متعارف کرایا ہے “حمل کے 42 دنوں کے اندر عورت کی موت واقع ہوتی ہے تو وہ دوران میں زچگی موت کے زمرے میں آئے گا۔ موت کی وجہ کچھ بحی ہو سکتی ہے مگر اس کا تعلق حمل سے ہو۔ اگر کسی حادثہ کی وجہ ست موت ہوئئی تو وہ اس زمرہ میں نہیں آئے گا"

سی ڈی سی نے عالمی ادارہ صحت کی 42 کی مدت کو ایک برس کا دراز کیا ہے۔ حمل کامیاب ہو یا ناکام ہو اگر ایک سال کے اندر موت ہوئی ہے تو وہ دوران زچگی موت کے زمرے میں آئے گا۔

پھیلاو

سیمپل رجسٹریشن سسٹم کی 2016ء کی رپورٹ کے مطابق بھارت میں ایم ایم آر میں 2013ء کے مقابلہ 26.9 کی کمی واقع ہوئی ہے۔ 2011ء-2013ء میں 167 سے کم ہو کر ایم ایم آر کی شرح 2015ء-2017ء میں 122 رہ گئی ہے۔ اس طرح 2014ء-2016ء کے مقابلہ 6.15 فیصد کی کمی دیکھنے کو ملی ہے۔ ذیل کے جدول میں مزید تفصیل درج ہے۔

ایم ایم آر (فی 100000 زندہ ولادتیں)	2004-06	2007-09	2010-12	2011–13	2014–16
کل (بھارت)	254	212	178	167	130
آسام	480	390	328	300	237
بہار/جھارکھنڈ	312	261	219	208	165
مدھیہ پردیش/چھتیس گڑھ	335	269	230	221	173
اوڈیشہ	303	258	235	222	180
راجستھان	388	318	255	244	199
اترپردیش/اتراکھنڈ	440	359	292	285	201
ای اے جی اور آسام (مجموعی)	375	308	257	246	188
آندھراپردیش	154	134	110	92	74
تیلنگانہ					81
کرناٹک	213	178	144	133	108
کیرل	95	81	66	61	46
تمل ناڈو	111	97	90	79	66
جنوبی ہند (مجموعی)	149	127	105	93	77
گجرات	160	148	122	112	91
ہریانہ	186	153	146	127	101
مہاراشٹر	130	104	87	68	61
پنجاب	192	172	155	141	122
مغربی بنگال	141	145	117	113	101
دیگر ریاستیں	206	160	136	126	97
دیگر (مجموعی)	174	149	127	115	93

وجوہات

بھارت میں زچگی کی بڑھتی ہوئی اموات متعدد معاشرتی اور طبی عوامل کا نتیجہ ہیں۔ ابھی تک ملک کے دیہی اور دور دراز علاقوں میں نوعمر خواتین کی شادی اور حمل کے واقعات بہت زیادہ ہیں اور اسی وجہ سے نوعمر اور ناخواندہ ماؤں اور جن علاقوں میں مشکل سے زندگی گزار رہی ہے ان میں بھی بچے کی پیدائش کے دوران میں ہی مرنے کا زیادہ امکان ہے۔ ایک اندازے کے مطابق ، بھارت میں ، ہر سال حمل سے متعلق وجوہات کی بناء پر 44000 خواتین کی اموات ہوتی ہے۔ اور زچگی کی اموات کا 50-98 ٪ آبسٹٹرک امراض کے ناجائز انتظامات کی وجہ سے ہوتا ہے۔حمل سے متعلق اہم وجوہات پوسٹپارٹم ہیمورج (24٪) ہیں۔ اینیمیا ، ملیریا اور دل کی بیماری جیسے بالواسطہ اسباب (20٪)؛ انفیکشن (15٪)؛ غیر محفوظ اسقاط حمل(ابارشن) (13٪)؛ ایکلیمپسیا (12٪)؛ آبسٹرکٹڈ لیبر (8٪)؛ اور ایکٹوپک پریگننسی ، امبولزم ، اور تخدیر سے جڑی پیچیدگیاں (8٪)

بھارت میں زچگی کی اموات کی وجوہات

تھری ڈیلیز" ماڈل نے تجویز پیش کی ہے کہ حمل سے متعلق اموات میں تاخیر کی وجہ:

1. نگہداشت حاصل کرنے کا فیصلہ کرنا
2. وقت پر نگہداشت تک پہنچنا ، اور
3. مناسب اور ضروری علاج حاصل کرنا ہیں۔

پہلی تاخیر والدہ کے، کنبے یا برادری کی طرف سے ہوتی ہے جس میں دیکھ بھال کی ضرورت کو تسلیم نہ کیا جاسکنا یا جان لیوا حالت کے آثار کو نظرانداز کیا جانا شامل ہے۔ چونکہ زیادہ تر اموات لیبر یا پیدائش کے دوران یا پہلے 24 گھنٹوں کے بعد کے پوسٹپارٹم میں ہوتی ہیں ، ایمرجنسی صورت حال کو تسلیم کرنا بہت ضروری ہوتا ہے ، تاہم جب تک کہ کنبہ کو یہ پتہ چل جاتا ہے کہ مریض کو طبی مدد کی ضرورت ہے ،پہلے ہی نقصان ہوچکا ہوتا ہے۔ دوسری تاخیر وقت پر صحت کی سہولیات تک پہنچنے میں ہوسکتی ہے جو آس پاس کے آس پاس سہولیات کی کمی وغیرہ کی وجہ سے ہوسکتی ہے۔ تیسری تاخیر صحت کی سہولت ، ناکافی دیکھ بھال یا ایمرجنسی میں غیر موزوں علاج سے ہوتی ہے۔ اسپتال کے ٹریننگ یافتہ عملے کی ناکافی تعداد ، مناسب سامان کی عدم فراہمی ، اور ایمرجنسی دوا اور ڈیلیوری کٹ کی کمی وغیرہ شامل ہیں۔

بچاو کے طریقے

ایم ایم آر کو مریضوں ، کنبہ ، صحت سے متعلق پیشہ ور افراد اور حکومت کی مشترکہ کوشش سے کم کیا جاسکتا ہے۔ پہلا اہم اقدام وقت سے پہلے ہونے والی شادیوں ، نوعمری میں حمل ، بار بار حمل کے خلاف معاشرتی شعور بیدار کرنا اور عام طور پر بالخصوص صحت اور جنسی تعلقات سے متعلق بچوں کی تعلیم کی اہمیت پر زور دینا ہے۔ حکومت کو چاہئے کہ وہ خاندانی منصوبہ بندی کے پروگراموں کے نفاذ کی حوصلہ افزائی کرے ، دیہی اور کم آمدنی والے علاقوں میں زچگی اور بچوں کی صحت کی خدمات فراہم کریں۔ دیہی برادری کی سطح پر ایم سی ایچ کی دیکھ بھال کے معیار (مناسب جانکاری ، دھڑکن ، بلڈ پریشر اور جنین کے دل کی اسکریننگ ، رسک فیکٹر اسکریننگ ، اور ریفرل) جہاں پہلے سے موجود ہے اسے بہتر بنایا جانا چاہئے۔ بنیادی طور پر زچگی اور ولادت کے انتظام میں عملی مہارتوں پر حامل طبیات اور امراض نسواں کی تربیت "دایوں" یا مقامی خاتون کو فراہم کی جانی چاہئے خاص طور پر جو گھر پر ولادت کرا تی ہیں ، حالانکہ گھر میں ولادت کرانے کی حوصلہ شکنی ہونی چاہئے۔ ایمرجنسی دیکھ بھال اور مناسب ریفرل کی دستیابی کے ساتھ ابتدائی بطی سہولیات (پی ایچ سی) کی سطح پر نگہداشت کے معیار میں بہتری لائی جانی چاہئے۔ اسپتال میں ڈیلیوری کٹس اور ایمرجنسی دوائیں ہونی چاہئے۔ زچگی اور ولادت ، جو پیچیدگیوں کا سب سے نازک دورہوتا ہے؛ کے دوران میں اسپتال کے عملے کو دیکھ بھال میں اچھی طرح سے تربیت دی جانی چاہئے۔ ایمرجنسی صورت حال اور کمیونٹی پر مبنی ڈیلیوری جھونپڑیوں کا انتظام کرنے کی صورت میں خون کی دستیابی ہونی چاہئے جو گھر کے قریب ڈیلیوری کے لئے صاف اور محفوظ مقام فراہم کرسکتی ہے ، اور زیادہ خطرہ والی ماؤں کے لئے اسپتالوں میں زچگی کے منتظر کمرے مل سکتے ہیں۔ مزید یہ کہ ،سبھی حاملہ خواتین کے پاس 3 اے این سی اور 3 پی این سی کو لازمی طور پر دورہ کرکےانکی حوصلہ افزائی کی جانی چاہئے۔

صحت کے عوامی اقدامات

محفوظ اورمامون ماحول فراہم کرنے کے لئے حکومت نے صحت عامہ کے متعدد اقدامات اٹھاے ہیں۔ ان میں سے کچھ اقدامات - جننی سرچھا یوجنا (جے ایس وائی) ، پردھان منتری ما ترو وندنا یوجنا (پی ایم ایم وی وائی) ، پردھان منتری سرچھت ما ترتوا ابھیا ین (پی ایم ایس ایم اے) پوشن ابھیان اور لکشیہ۔ حکومت نے سڑکوں کو بہتر بنانے اور پی ایچ سی میں مفت ایمبولینس خدمات کی فراہمی کے ذریعے ملک کے بنیادی ڈھانچے کی بہتری کے لئے بھی اقدامات اٹھائے ہیں۔