اڈیشا کے تہوار

اس مضمون میں ریاست اوڈیشا، بھارت کے روایتی تہواروں اور دیگر ثقافتی تقریبات کی فہرست دی گئی ہے۔ اوڈیشا میں بارہ مہینوں میں تیرہ تہوار منائے جاتے ہیں، جنھیں اڈیہ زبان میں "بارو ماسورے تیرتو پوربو" (بارہ مہینوں کے تیرہ عید) کہا جاتا ہے۔

بڑے تہوار

ذیل میں پورے اوڈیشا میں منائے جانے والے تہواروں کی فہرست ہے۔

دُرگا پوجا

درگا پوجا (ଦୁର୍ଗା ପୂଜା) اشوِن (اکتوبر / ستمبر) کے مہینے میں ہوتا ہے، جو کہ ایک دس دنوں کا میلہ ہوتا ہے۔ اس عرصہ میں شکتی پیٹھاؤں یا عارضی عبادت گاہوں میں درگا دیوی کی پوجا کی جاتی ہے۔ نوراتری سے مراد تہوار کے پہلے نو دن ہیں۔ ان نو دنوں کے دوران؛ درگا ، نو درگا کی نو شکلوں کی پوجا کی جاتی ہے۔ نوراتری کا آغاز اشوِن مہینے کے پرتھما سے شروع ہوکر نومی پر ختم ہوتا ہے، جو کہ عموماً عیسوی سال کے ستمبر و اکتوبر مہینوں میں آتا ہے۔ ہندو داستان کے مطابق اسور ، مہیشورا کو دسویں دن درگا نے قتل کیا تھا۔ آخری پانچ دن خاص طور پر اہم سمجھے جاتے ہیں۔